اي وحده في قلبها رحمه تدخل وتاخذ الاجر

ادخل بالموضوع على طول….انا وحده ساري سنه تقرينا وانا اعاني من شى يقولون انها جيوب انفيه………وانا ماعتقد انها جيوب انفيه…..لان فيني شي غريب الى اهو الم شديد في منطقة الخشم مثل الشى الي يشد في خشمى……… وثانيا ما اشم….وثالثا الم فظيع جدا جداجدا في منطقة الجبه وخصيصا فوق الحواجب…….. ورابعا الم براس شديد من بدايته الى اخره….. وخامسا ما اشم نهائيا,,,,,,,,,الله يعين والله بموت من شدة الام الىبيذبحني………..والله العظيم يا بنات انا كا عده اكلمكم وانا رابطه راسي بالشيله وهذا من شدة الام………….تخيلوا يا بنات لدرجه اني اولدي فك علبة مزيل صبغ الاضافر وكباه علي نفسه وملابسه ولا بعد شرب منه اشوي وانا ماحسية ولا شمية فيه نهائيا………بنات موهذا شي يحزن ويعور القلب يعني كان اولدي بموت عندي اسمله عليه……..لكن الحمدلله علي كل حال…………….لاء وعلي هذا كله ماني خلق للبيت وعيالي وحتي زوجي نهائا……….وكله طايحه علي الافراش 24ساعه ومرات يوم كامل………..وانا ملاحظه في نفسي متي بدت معي هاذي الاعراض بعد ولادتي بولدي ثلاث شهور……….الله كريم حتي تخيلوا يابنات شعري يطيح طياح غير طبيعي وجهي وشكلي الي يشوفني يقول لي انج مرهقه وتعبانه…………..لاء يابنات بعد هذاك النشاط الي فيني تحول الي كسل وخمول……….تخيلوا حتي اعيالي مهملة فيهم من شدة التعب والمرض الي فيني………..لاتقولون روحي حق الطبيب لاني ماخليت طبيب ولااخصايئ ولا استشاري لا ماجيته ولاشفة اي فايده وتكفون الي تشوفلي حل تنصحني فيه واكون شاكره لها من قلبي…..ولها الجنه البارده باءذلله

ياابعد قلبي هااذي جيووب وإنشالله تتشافين

أنا كانت أمي تعاني مثل الأشاء غلي ذكرتيها وسوت عملية والحمد الله إهي بخير الحين وكل شي تشم صاارت شماماة

وانا أتصحج أنج تتلاحقين على عمرج وتشوفين دكتور عدل وزين عشان تتخلصين من الأعراض الناتجة عنها

والله يوفقج يااارب

مثل ما قالت لج يوو 2

جيوب انفيه ,, روحي يسوي لج العمليه باسرع وقت ,, بس روحي حق دكتوور شاطر

صح يا حبيبتي اللي فيج جيوب انفية لانه حتى انا اعاني من هالاعراض بس مو بهالقوة يعني بس اييني الصداع اللي ذابحني وخاصة الحين انه فترة حساسية. وانتي فعلا روحي حق طبيب شاطر عشان تشافين شنو انتي محتاجة له سواء عملية او غيرها. وطمنينا عليج زين حبوبة والله يشافيج حبيبتي وماتشوفين شر

ايه كل الاعراض الي قلتيها اهي اعراض الجيوب الانفية …و ترى هي تتعبج حييييييييل ان ما عالجتيها ..
حاولي عشان اتخففين منها اتجيبين لج مردقوش +بابونج+صعتر =====كلهم تلقينهم بالجمعيه ..
اخدي قفشه من كل نوع و فوحيهم …في لتر ماي …بعدين اول ما يبتدي يغلي ..حطي راسج فوقها و غطيه بفوطه..كانج تبين تسوين بخار لوجهج..و استنشقي البخار الي طالع ..سويها 3 مرات باليوم ..
بعدين لا تحاولين انج اتطلعين المخاط الي بالخشم عشان ما يسبب لج بكتيريا …

بعدين لا تحطين القطره الي فيها ماي و ملح …الي يعطوننا بالطبيب لانها اتنزل المخاط للرئه و ممكن اتسبب لج التهاب رئوي بعد …و سلامتج

ماتشوفين شر ياحبيبتي

أنصحج راجعي دكتور شاطر

عندج عبدالله العلي خووووووووووش دكتور شاطر ودين ويخاف الله

وعندج محمود البوز هذا يخرع من شطارته كان يشتغل بالمواساة أول

وألحين فتح له عياده فى بوشهري كلينك

والله يرفع عنج

ويكشف ضرج يرب

من جم يوم مقابلين الدكتور جمال الحربي وتكلم بهالموضوع روحيله ترا وايد شاطر وذكي شوفي يمكن الله يكتبلج الشفا على ايده

اشكركم يااخواتي وفعلا انتم خواتي صج بعد هذي النصائح الحلوه الي تبردعلي القلب وطمنتوني الله يجزاكم الجنه البارده يا رابي وعلي كل حال ماضنتي ان هاذي الاعراض بتروح مني لاني مثل ماقلتلكم من قبل ماخليت دكتور اخصايئ ولا استشاري ولا دكتورسواءا فاشل او ناجح الا ماجيته ولا في فايده الله يعين…….علي كل حال مشكورات والله يعطيكم العافيه جميعا….