اهداء لبنات الثاني عشر هدية سر نجاحي (تفضلوا

كل عام وانتوا بخير على بدء عام دراسي جديد

مع بداية فصل دراسي جديد ومع أول خيوط النور ترنمت البلابل تصدح بأصواتها الشجية وتمايلت الأزاهير المثقّلة بندى الصباح فرحاً بيوم مشرق جميل فمرحباً بك مديرتنا ويامعلمينا الأفاضل وأهلاً بكم زميلاتي العزيزات

احلىىىىىى كلام كنت اسمعه في الاذاعة الصباحية

الجد والاجتهااااااااااااااااااااااااااااد بعد الصلاة والدعاء هم اساس النجاااااح

اذااااا انتي ما تدرسين لا تبجين على نفسج ااااذاااا انتي ما تراجعين لا تندمين باجر
اااااذااااا انتي ما تحفظين لا تزعلين اذااااااااا كل رفيجاتج باجر نسبهم حلوه بالجرااااايد

وصاااااروا احلى خريجات الثانوية عاام 2024-2010

خايفة **

في بنات اشطر مني **

هالابلة حاقده علي **

المادة صعبة **

شنو انا نيوتن **

انا درست الامتحان صعب شنو هذا **

مدرستي اصلا فاشلة **

والله العظيم انا كنت اقول هالكلام حق نفسي قبل بس لما وعيت وعرفت الجد قمت اضحك على نفسي اقول شهالخرابيط

* يعني انا ماعندي عقل وفلانه عندها
* يعني المدرسة شبينها وبيني – المدرسة مو فاضيه وتجابل عيالها وزوجها ويالله تداوم وتحاتي بيتها وهم فوق هذا ادرسنا واحنا عبالنا نفسيه ( مسكينات الابلات )
* يعني المدرسة اهي اللي تبي تمسكني وادرسني المدرسة تسوي جذي لان فيها قوانين لو بدون هالقوانين جان المدرسة هياته
* الامتحان مو صعب اذا انتي دارسه وانا مجربتها

واذا تبين تجيبين نسبة عالية وتوب في كل المواااااااااااد بس تتبع طريقة دراستي والله والله راح تنجحين وبنسبه انتي ماتتوقعينهاااااااااااااااااااااااااا

أول شي ::

نبدأ بمادة اللغة العربية واهي المادة اللي لازم لازم غصب عنج تهتمين فيها اكثر

لا تقولين ماحبهااااا انا اقولج غصب تحبينها "" اقولج ليش؟؟؟

1- المادة اللي عليها اعلى معدل
2- مادة لها اربع كتب دراسية ( نصوص / ادب / بلاغة / قواعد )

شلون ادرسها؟؟

أول شي لازم تعرفين ان ابلة العربي تحب البنت

اللي تشارك بالحصة

تحل الجهد الذاتي كله

اللي تقرأ الدرس قراءة واضحه وصحيحه وبصوت عالي

تقرأ القصائد بطريقة معبره ( لا تقولين فشلة مالج شغل بالبنات والله تقول اختي مدرسة عربي تقول انا احط هالبنت براسي واهتم فيها وعبالهم البنات القراءة ما ترفع المعدل بالعكس تقول اختي اعطيها علامات اضافيه واحترمها )

الدفتر مرتب والعربي خصوصا لا تخلينه الوان بهرجه لأ . خلية الوان واضحه

نجي للأهم

كتاب النصوص

اليوم اخذنا موضوع مثلا درس ( عدوان على العقل)

امسك الدرس اقراه

كل فقرة صغيره احط عليها سؤال < السؤال باللون الاحمر واخطط الاجابة بالازرق > لأن الاسئلة بالامتحان تجي من بين الاسطر واتفاجأ فيها واقول مرات الحمد لله ان مريت عليها والله يا بنات ياما انصدمت )

كل كلمة غريبة علي احط تحتها خط باللون الأخضر ( ليما اجمع اكثر من كلمة ) ادش النت احط معجم العربي أو المعجم اللي عندج واطلع معاني الكلمات

الحين الحمد لله حطيت اسئلة وطلعت كلمااات

بس ياربي الواجب صعب يتحجى عن المجال واسئلة صعبه انا اقولج لا تحاتين
روحي المكتبة واطلبي مذكرة اللغة العربية مالت 12 اللي فيها جميع اسئلة المجال والفهم والتذوق
( والله ان كل اسئلة الابلات والموجهين منها وكل امتحان السنة اللي طافت منها )

واقولج مرة ثانية ماراح تنجحين بالعربي اذا مو عندج مذكرة اللغة العربية حيل ممتازة
طبعا تحلين الجهد الذاتي ممكن يكون بالمذكرة او انه يكون سهل حله بالدرس موجود

نفس الطريقة مع القصائد والايات ( تحفظينهم عدل )
تمسكين القصيدة تدشين النت اطلعين شرحهااااا والايات بعد اطلعين تفسيرها من النت
ولما تروحين للابلة الا انتي فاهمه القصيدة والايات

واذا ماعرفتوا شرح القصيدة ( خلو بنات المسائي يعطونها لكم ينزلونها بمواضيع لان المسائي يعطونهم شرح القصيدة أول بأول قبل لا يبدون الدرس)

نجي لمادة الأدب :

بنات مادة الادب مادة سهلة مو مثل البلاغة مادة مفهوووووومه ( لا تخافون)

الأدب:
الاسئلة بالامتحان اغلبها وانا شفت كثيرة طريقتهاااااااااااااااا

اكثرها اذكري اسماء المؤلفين
والنقاط الواضحه يعني اللي مرقمه

الادب خصصيلة ساعه كل يوم جمعه احفظي اللي طافج وركزيه عدل بمخج
راح تقوليلي انسى اقولج لا بس سوي مقارنة بين كل عصر من عصور الادب ويطلع سهل
انا اجيب فيه درجات كاملة لان طريقة المقارنة قالها لي موجه عربي

يعني مثلا :
العصر العباسي والاندلسي
ما اقولج فرقي بينهم بالاسئلة كلها لأ
فرقي بالاحداث والشعراء اللي كانوا بهالعصر بس ( لان بالامتحان يجيبون مقارنات )

ارجع واقولج الادب اهم شي الاسماء لان كله يجي اكملي فراااغ ( مو اطنشوووون )

وبقولج شغله الادب ما يصلحله مذكرة مو شي مذكراته درسي من الكتاب احسن واسهلج لان المذكرة راح اتضيعين (نصيحه)

نجي للبلاغة:

البلاغة حلووووووووووووووو ويجنننننننننننننن اذا فهمتيه بس حاولي تفرقين بين مواضيعه ومواضيع الادب
البلاغة كله عن انواع الرسائل والخطابات يعني اكثره نقاااط يعني اسئلة وتحتهااا نقااااااااااااااااط
والبلاغة عموما يتعمد على الاسئلة اللي تحطها الابلة بالدرس مهمه حيل لانج راح تفهمينه مع شرح الأبله

القواااااااعد::

القواعد يا بنات مهمه واغلبكم يقول مهما ادرس قواعد ماراح اجيب درجه ولا يقول ما عرف اعرب لو امووووت

طريقة دراسة مادة القواعد

اول شي ترى اللي راح يجي بالامتحان تقريبا 5 اسئلة
السؤال الاول (( اعربي))) ( صح اهني راح يجيبون قواعد قديمة مالت عاشر و 11 _ بس كلها معروفه)
زين اوكي امنا بالله ما تعرفين تعربين

شوفي السؤال الثاني والثالث والرابع والخامس ( كلة من المنهج والله كنت اقول اول جذب بس لما درست كتاب القواعد لقيته صج من الكتاب انا عبالي اول بيجيبون قوااعد من برا )

لما تعطيج الابلة درس قواعد مال المنهج ردي البيت وبطلي مذكرة القواعد تجنن لما تدرسينها تفهمين اكثر واكثر طريقة الاسئلة انصحكم فيهااااا وتمرني على القواعد بتلاقينهااااااا سهله حيل حيل حيل مااااااااااااااااااااااي وكلها تمارين ثانوية عامه )
الحمد لله عرفنا الحين شلون ندرس العربي

نجي للمادة المقابلة لهااا الا وهي الانجليزي

الانجليزي مادة تتكون من ( كلمات – قواعد – وظائف لغوية – اسئلة)

الكلمااااات

مثلا باجر ناخذ درس انجليزي عن عموما الفصل الاول يتكلم عن العادات والتقاليد

افتح الدرس اقراه اول لا تطالعين الكلمات اخر شي الكلمااااااااااات

اقرا الدرس اول عدل مدل
امسك القلم الاخضر اي كلمة ماعرفها احط تحتها خط ( ليما اجمع كلماااات كثيره)
اخذهم واروح النت ابطل الترجمه واترجم

الحين عرفت الكلماااات اقرا الدرس مرة ثانيه مع فهم الكلمات الحين عرفت الدرس يتحجى عن شنو
مثلا عن الزواج قديماااااا اروح اشوف الكلمات مالت الدرس اكيد مرت علي وترجمتهم

احفظهم كلهم كلمات شوي احفظهم

الحين الحمد لله فهمت الدرس والكلمات وحفظتهم وعرفت عن شنو الدرس يتكلم

امسك مربع الاسئلة مال الدرس احاول احله >>> الحمدلله عرفت احله <<< اللي ماعرفت تحله لا تزعل باجر الابلة تحله معاكم وتكتب اسئلة الدرس

الحين لو يجي الامتحان فيه كلمات واسئلة الحمد لله اعرف احل لاني حافظه كلماات واسئلة

معلومة مهمه ونصيحه من كل قلبي ( كنت اخذ 48 من 50 بالانجليزي قولوا ماشالله ):

مو انا قلتلكم الفصل يتحجى مثلا عن العادات والتقاليد حلوووو

كل سبت مثلا ادش النت اطلع مواضيع عن العادات والتقاليد او اروح المكتبة واجيب مذكرات التعبير مال الانجليزي
واتدرب على كتابة التعبير
لان يا حلوااااااااااات تعابير الانجليزي تجي على اساس الفصل عن شنو يتكلم او تجي على اساس اي موضوع داخل الفصل

الحين الفصل يتحجى عن العادات والتقاليد اطلع المواضيع المناسبة اراجعها اخذ فكر منها وما انسى الاسئلة مالت الفصل لانها حيل مهمه اقدر اكتبها بالتعبير

الحمد لله الحين عرفت شلون ادرس التعبير
نجي للوظائف اللغوية

اول شي ادرس وظائف الابلة
ثاني شي اخذ المذكرة الصغيرة مالت الوظائف تلقين كل الوضائف فيها

بتقوليلي ماعرف احل المواقف مالت الانجليزي ( حق البنات اللي مايعرفون )

انا اقولج انتي قسمي الوظائف حق سئ bad جيدgood

واي كلمة بالسؤال تدل على الجيد حطي مثلا انا سعيده لسماع ذلك

واي كلمة بسؤال تدل على سئ حطي مثلا انا حزينه لسماع ذلك

واذا بالمرة توهقتي وماعرفتي شي اكتبي oh . really ( هذي قالتلنا موجهة الانجليزي عنها حتى متنا ضحك قالت والله لا تضحكووون اهني المدرس يتحتار وتطوووف عليه – بس طبعا كتبيها اذا توهقتي – )

واهم شي تدربي علي اسئلة المواقف ترى والله تجيج اشياء بسيطه بس توهقين فيها انا عندي تقريبا 5 مذكرااات وضائف احب اني اعرفهم كلهم عشان ماتوهق

نجي للقواعد واهي اهم نقطه

القواعد طبعا ماقدر اشرحها لج اهني لوبيدي اشرحها والله

اللي اعرفه اهم شي الازمنه شلون تفرقين بينها ( واكثر اسئلتهم يخدعونج بالقواعد صدقوني يابنات الازمنه لا تستهينون فيهاااااااااااااااااا )

القواعد العادية سهله اعتقد ما يبيلها شي بس يبيلها مجابل شوووووي
الحمد لله الحين تمت دراسة الانجليزي