اهتمام البنت قبل الزواج شرايكم فيه ؟ موضوع للنقاش

صباح الخير ياحلوين 😍😉

من زمان يطري علي هالموضوع ومادري وين احطه فقلت انسب شيء له اهني بهالقسم

موضوعي اللي اهو

شرايكم بالبنت اللي لحد ليلحين ماتزوجت وماملجت بس تحب تهتم بعمرها وبجسمها ووبشرتها يعني هالنوعيه احبها انا وبعض الناس يكسرون فيهم شوي عبالهم البنت اللي تهتم بعمرها تبي تتزوج وتلاقون البنت نفسها ماتفكر بهالشيء من الاساس لانه اهي حابه تهتم من نفسها وتطلع بشكل جمالي ومبين فيها الاهتمام

وانا عن نفسي تعرضت لهالمواقف اقولكم امثله علي
انا الحمدالله لك يارب اغلب العضوات اللي اهني يدرون اني مسويه تكميم ولله الحمد تخلصت من المشكله الاساسيه اللي اهي المتن
والحين باديه بالاشياء التجميليه او الاساسيه انا اسميها مثل :-
1-اضبط واعالج اسناني من التسوسات كلها وقدرت اخلص جزء كبير منها لانه ناويه اسوي ابتسامه هوليوود ان شاء الله
2- اعالج بشرتي من اثار حب الشباب ( مع انه مافيني شيء بس شي بسيط ماينذكر )
3- ليزر ازاله الشعر للجسم كله بعياده خاصه
4- استخدام خلطه صابونيه من العضوه غلاي ( هاذي حبيبت قلبي ) بس بصراحه شفت نتيجتها ولا اروع تفتيح وتبيض من قلب وغير عنايتي اللي قبل الشور
5- كورس حبوب كولاجين ليلحين النتيجه مبينه حلوه
6- ناويه ع الفراكسل

الحين هاذي اهتمامي وترا عمري 26 سنه وكل من شافني متغيره ومبين فيني الاهتمام قالوا البنت ماتهتم الا بعد ماتملج مع انه اشوف العكس المفروض البنت تهتم بعمرها لنفسها اهي مو لاحد ثاني وعشان بعد ماتملج لايصير عليها ضغط

ولا انتوا شرايكم ؟؟

اول شي ماعليج من كلام الناس وهذا اللي المفروض كل بنت تسويه الحين تهتم بنفسها.
ماله شغل زواج والا لا. بوقت الملجه المفروض تكون جاهزه يعني خالصه من الليزر/رياضه/كريمات تفتيح إلخ..
الاهتمام حق نفسنا مو حق احد ثاني. اصلاً النفسيه بكبرها تتغير اذا اهتميتي بنفسج رحتي عيادات والا نوادي والا حطيتي كريمات وناسه

وايد بنات يتخصبقون من ينخطبون يتوهقون "امبي بشرتي" "امبي جسمي"إلخ.. ايييييي لييييش يعني ماهتميتوا من زماااان

غلططط غلط اذا البنت ناطره الزواج عشان تهتم بروحها اصلاً بتتوهق

وبس

مع الاهتمام بمناسبه اولا لازم البنت تهتم بنفسها علشان مو بعدين تقول بشرتي او جسمي خرب تالي تعدل فيه سنيييييييييييييين

انا مثلج قاعده احاول اهتم بنفسي من الحين ومو شرط الوحده تملج وبعدين تهتم المفروض من البدايه تكون جاهزه

بس مشكلتي الكسسل الفضييع .. يعني اسبح واسوي سنفره بس اتكيسل ع الترطيب واحاول اغصب نفسي قد ما اقدر ..

وبشرتي احاول استخدملها غسول ومرطب يومياً واهم شي السيروم ترى مفعولها دبل دبلات المرطب .. وماسك وسنفره لو عندي وقت مرتين بالاسبوع

جسمي لازم اضعف و أوحد لون جسمي وستريتج ماركس من المتن فا بحاوول التزم بالسنفره والصابونيه والترطيييب

فدددديتكم وربي

زين حصلت احد مثلي تهتم بعمرها بما انه عزابيات والعمر قدامنا واغلبنا عنده وقت فراغ شكبره ع الاقل نهتم بعمرنا شوي نعدل اسنانا وبشرتنا ونضبط اجسامنا المتينه تضعف والعصقوله تزيدلها جم كيلو واصلا بلعكس اذا اهتميتي بعمرج تزيد عندج الثقه بالنفس وتحبين نفسج مو عشان هدف اني انا اتزوج بس لاا هالتفكير غلط بس يبيلنا دافع قوي

انا اهتم بنفسي وانا بنت الحين عمري ٢٩ ماتزوجت فعادي جدا يوة ذكرتك كنتي عندي بالبيبي شخبارك

الوحدة مفروض تهتم بنفسها دائما
ومالج شغل باللي يتكلمون مدام مو مسوية شي غلط
الله يوفقج

اي والله هذا اللي افكر فيه ع الاقل اكون مخلصه الاشياء الاساسيه اللي تبيلها وقت طويل

واااي انتي وكشوخه كانكم تتكلمون عني بالضبط مرات يحوشني كسل بس مرات افكر ليش اخلي الوقت يمشي وانا مااهتم بعمري وانا بعدني صغيره

سيم سيم انا بس اجبر نفسي

انا وزني مضبوط بس يقولون سترتج ماركس ماله علاج بس استخدمي الخلطات الصابونيه يمكن تخف عنج

هلا حبي ايه ذكرتج دزيلي البن البي بي ع الخاص اضيفج

اييييه

مشكوره قلبي

up

up