انا وليلة المساج :$

اخباركم عساكم مرتااحين

يقولوكم كان ياماكان في قديم الزمان كنت جالسه مع زوجي

والتفت له قلت له جسمي متكسر احس يبي لي مساج قال روحي الصالون

قلت له لا ابيك انت تمسجني قال طيب قلت له اجل وش رايك تروح تجيب

لنا عشاء وتجي قال خلي السايق يروح او قومي روحي معاي

قلت له ابيك انت تروح وانا بجهز جو المساج < عز الله كلمة جو طلعت من روحي هههههههههههههههههههههه

الموهيم قام ابو الشباب وراح يجيب عشاء عاد انا ماخليت شي ماطلبته حتى الحلى طلبت

وقمت انا اتروشت وشغلت شموع ابو ريحه ولبست روب النوم الوردي القصيرر
وحطيت هذاك الميك اب الناعم ولبست العدسات وحطيت العطر وفليت هالشعر الحرير

وجهزت البيبي اويل للمساج < من بدايتها غلط ههههههههههههههههههههههههههههههههههههههههههههههه
ههههههههههههههههههههههههههههههههههههههه

وشغلت سي دي الموسيقى الهاديه وطفيت الأنوار وجلست ع الشموع بس وانبطحت على بطني ع ذاك السرير

ومسكت جوالي بكل دلع اتصل في ابو الشباب ها حبيبي وينك !!؟

انا عند المطعم للحين انت عنده

ايه سيارتي اختربت ومو راضيه تشتغل

قلت له طيب والحل قال اتصلت للسايق يجي ياخذني وبنودي السياره الوكاله

قلت له بس الوكاله بعيد مره وديهاا عند اي مكنيني العشاء بيبرد

قالي ريناد شفيك تفكرين بالعشاء سياره مو ديل 2024 اوديها مكنيكي !؟

حلال يهودي هي هههههههههههههههههههههههههههههههههه

قلت له طيب وسكرت وجلست احتري ساعه وانا ع نفس الوضعيه
واتصل قال حبيبتي بتأخرر السيااره بتخلص الليله شغلتها هينه
باخذها وبرجع

لووول لو تشوفون وجهي قمت ولبست البيجامه ومسحت الميك اب
ورفعت شعري ع فوق مثل ذيل الفرس وطفيت لشموع وطفيت السي دي

ونزلت الصاله قلت للخدامه تسوي لي بوب كورن وجلست ابلع وواشاهد

لين نمت من القهر الساعه 10 وهو جى وصحاني وجلست باقي الليله

ماده البوز ومااكلت من عشاه البارد

ويوم ثاني سوى لي احسن مساج واحلى جو من غير ترتيب

ومن غير خرابيط

وع فكره هالحركه ثاني مره تصيدني اول مره تو بسم الله

اتصل اخوه يقوله ابوك فيه جلطه

وطلع اخوه مكبر الموضوع