انا حارة الطبع وابيكم تعلموني لاينهدم بيتي

اولا تعتب من نفسي من كثر ما تحملت خوات زوجي من غير ما ارد ولا حرف عليهم بس احط حرتي بزوجي من اطلع من بيتهم مثل
شفت خواتك شنو قالوا شنو سوو شفت هالنغزه كانت على يعني كل اللى يسوونه انقله له حرفيا ولا اروح جمعاتهم وزوارتهم اتحاشاهم من كثر ما غثوني والله والله انه يدري بخطاهم ومره بس قالي بعد ما اكتشف ظلم اخته لي (( شقول اختى تربط عصائص )) ولا عاد بين خطاهم مره ثانيه عندي ابد كل ما شكيت قال يا دهينه لا تنكتين ما تبين احد يكلمج طبعا مو هذى مشكلتى اللى ابي اسمع حل منكم المشكله اني حارة الطبع مع زوجي حيل شاده لانه ما يوقف معاي بشي انعكس هذا على معاملتي معاه اذا بغينا نتناقش فى موضوع اهجم بسرعه عليه ويصير شد حار بييننا ونهاوش واذا قعدنا بالصاله كل واحد لاهي بروحه ومن يتكلم ارد عليه بنبره حاره ما ادري ليش اسوي جذي وطحت عليه مرتين يراسل وحده بالتلفون وحلف انها غلطه وماراح تتكرر وان اهي اللى تدز له رسايل وعديتها له المره الاولى وصدته المره الثانيه واقسم انه ما يعيدها مثل ما اقسم لى المره الاولى والله يستر تونا كنا نتنقاش فى موضوع عادي كليت ريلي اكل لدرجه انه عصب وصار شد قلت له انت ما تتقبل اى حرف مني اهو ينرفزني يسولف ومن ارد يعصب يحب يبين اني غلط واهو الصح واهنى يبدي النقشا الحار والشد والهوش والله ما ني عارفه شنو اكتب من كثر البجي ولا انا صغيره تعدينا انا واهو الاربعين من العمر

اول شي غلط ياحبيبتي تحرشين زوجج على خواته عملو وسوو وهذي قالت لي وهذي عملت لي جذي بيكره خواته والسبب انتي

ولاتنسين صلة الرحم واذا سمعتي منهم كلام حاولي انج تحلين الأمور معاهم وزوجج ماتدخلينه بالأمور ….

ثاني شي أغلب الحريم جذي نار وشرار بس الحكيمه الي تمسك نفسها وقت العصبيه

طنش تعش احسن شى

مااينفع التحريش لان طبيعي راح تطلعين جدام زوجج انه انتي الموزينه وكله تحشين وتذمين فيهم وهم الزينين ,, لان هم قاعدين يغثونج من تحت لتحت ,

احسن لج ادعي ربج والله دعوة المظلووم مستجابه , وزوجج ماله ذنب تطلعين حرتج فيه , بالنهايه هذا زوجج لاتخرب العلاقه بينكم

حبيبتي ما حب انصحك و انا اصغر منك بس الحق ينقال
خليني اقولك نقطتين :

1- مشاكلك مع حمواتك لا تعرضينها جدام زوجك ابد لان يحسك نكدية و يدور الكلام الحلو برة

2- عامليه باحترام و اسلوب حلو و اتكلمي شوي شوي – لان الريال مستحيل يغفر لزوجته عدم احترامها

تدرين انتي تذكريني بنفسي وااااااااااااااايد وايد انا و ريلي جذي اذا صار شي بيني و بين اهله انتي مثلي بالحرف الواحد و انا صارلي 3 سنوات متزوجه بس احط حرتي فيه اذا ضايقوني اهله مع اني احبه والله بس شسوي يمكن يا اختي هذا طبع او عادة
انا الحين اذا تضايقت قاعده اقول استغفر الله اعوذبالله من الشيطان الجريم لا اله الا الله و جذي احاول اذكر ربي لحد ما تروح الحره لانها ترى من الشيطان يحب المشاكل و يفراق القلوب الله يلعنه

حبيبتي اغلاطج وايد

المفروض انتي ماتقولين حق ريلج خواتك وخواتك ومدري شنو
حتى لو تشوفين ظلمهم لج توكلي على الله وفوضي امرج له ولاتشتكين لريلج ولاغيره

اللي تسوينه والله غلط المفروض تسمعين ريلج الكلام الحلو
وخليه يحبج ترى اللي تسوينه بنفسج وفيه حرام مايجوز

تعوذي من الشيطان والله يوفقج يارب ويهديج

الله يعينج حبيبتى والحموات صج صج نكد ما تنلامين.

حبيبتي اهو عارف اهله موزينين مافي داعي بكل زوارة ترددين نفس الكلام..

لأنه بيقلب عليج مهما كانو اهله سيئين اكيد ماراح يرضى عليهم واهو ماقاعد يسمعهم لأنهم من تحت لتحت يسمعج,, انتي بس وبيقول نكدديه وراعية مشاكل حتى لو انتي مظلومة..
وانتي من كثر ماعندج تراكمات وضيقه منهم قاعده تهبين فيه على ابسط الأشياء,,مالومج بس همن هذا ريلج خفي عليه جذي ماراح يتعاطف معاج بمشاكلج مع اهله لأنه شايفج نار وشرار.. بيعتقد انج معاهم جذي بعد..تعوذي من ابليس ولاتشكيله من اهله خلاص خليج ذكيه كسبيه من صوبج عشان يدافع عنج عقب.. اذاحس انج مسكينه وماتاخذين حقج وهالشي يحكم عليه من خلال تعاملج معاه لأنه مايشوف اهله وتصرفاته حاولي تغيرين فكرته عنج ..يعني بالعربي كسري خاطره وسكتي عنه وشوفيه عقب والله بيدافع عنج … موفقه

تعلمي تمسكين اعصابج وكثري من الاستغفار وبعدين هو شذنبه تحطين الحرة فيه هم اول وتالي اهله ومايرضى عليهم مهما كانو غلطانين محترة فضفضي لاخواتج للبنات اهني بالمنتدى لابكرة يقول نكدية ويلجا لغيرج كلنا ننقهر من اهل الريل بس نحط بقلوبنا ونسكت وترا الشكوى لغير الله مذلة

الله يهديكم لبعض امين

يآمآمآ …~
اسئل الله ان يصلح بينكم

لا حبوبه بقولج كلمه امي كلها تقولها لي ((الريال لو شنو ما يحب احد يقول عن اهله شي حتى لو يدري انهم اصحاب مشاكل)) حاولي تكونين رسميه وطنشيييييييييييييييييييييييييييييييي اهم شي معامله زوجج لج اذا زييييييييييييين والله تحملي الدنيا عشان عينه مو يقولج من اجل عين تكرم الف عيييييييييييييييييييييييييييييييييييييييين
حطي روحج مكانه تخيلي كل مره يقولج امج فيها واختج فيها واخوج فيه وعمج فيه هم راح تتضايقين وتحسين بنقص وانه لازم تثبتين انج الاحسن واهني تبدي المشااااااااااااكل وبعدين ما تعرفين سوالف الحريم يحبون يغثون الوحده خلهم يتكلمون لمن ينبطووووووووووووووووووووووووووون روحي جابليهم بو ساعه وساعتين واي شي تسمعينه عطيهم طاف وردي عيشي حياتج عاديه وحلوه مع زوجج والله يوفقج حبوبه

ماشاء الله عليج مو صغيره وأكيد تعرفين ان شرعا منتي ملزومه بزيارة الحموله , فليش أتحمل ناس ماوراهم الا المقثه ………………………….لو أنا منج , اسحب عليهم وديلييييت

الله يهديكم