امهاات الخدج نداء عاجل بليز تدشوون

السلم عليكم ورحمت الله وبركاته

يعطيكم الف عافيه امهات

الموضووع باين من عنوانه انا توني يايبه بنوته على اخر الشهر السااابع وكاان وزنهااا حيل حيل صغير

يعن كان وزنهاا 990 غراام قعدت بالحضانه 54 يوم لحد ماوصل وزنهاا كيلو و900 غرام وعطوهاا دم مرتين بس ماادري ليش

بعدين طلعت البيت

الحين صار لها من طلعت 25 يووم وحدي حايسه معااهاا اخاااف عليهااا من كل شي تكفوون اللي مرت بهالتجربه تفيدني

شنو الفحوصات الطبيه اللي لازم تخضع لهاا بعد ماطلعت

وجم مره ارضعهاا باليووم ؟؟ وجم رقم تشرب ؟؟

وشنو الاعشاب اللي اقدر اعطيهاا ؟؟ الحلبه زينه واالا لا ؟؟ لاني بصراحه ابهاا تسمن لان حدهاا ضعيفوووونه

وكل من شافهاا تخرع منهاا

الحين احسهاا تعبانه ماادري صج والا انا موسووسه ؟؟ شلون اعرف انا بجر ومااعرف احد والد على الساابع

بليزززززززز ناطرنكم

ماعليه في جم شغله نسيتهم ..

شنو الحليب الزين اللي يسمنها انا اول شي كنت اعطيها سيميلاك نيو شور بس كانت ترجع الله يكرمكم وغيرو لها الحليب الحين تشرب

نوفيلاك

شدعووووووه بنااات ((النصيحه بجمل ))

وينكم ..؟؟؟

وااااااااااى ربى يسلمها لج ياااربى الله يعينج ويارب تكبر وتصير زينه 00مااعرف بصرااحه وودى اااساعدج بس الى اعرفه الطبيب يعطيها حليب خاص للخدج وبعد حليب الام ضرورى

باارفع الموضوع لج يمكن وحده ترد عليج

اللله يحفظها ويخليها لج حبيبتي عادي الخدج ضعاف وصعب يشربون الحليب و بس مع الوقت راح تعودين عليه انا بنتي جبتها على نهاية السادس وقعدة بحضانه شهر واتعبت وصراحتن مااتذكر جم وزنها بس حيل اصغيره ولما طلعتها من الطبيب اهما عطوني اوراق علشان اراجع معاهم عند عيادة الخدج بمستشفى الفروانية والحمدلله الحين بنتي عمرها 6 سنوات وترا حيل صعبا التعامل معاهم خاصتن في التغذيه و لا تعطينا اي شي من غير طبيب ولازم يكون لها مراجعات مع الطبيب واتذكر ان كانو يعطوني حبوب احطهم لها مع الرضع مره في اليوم على مأضن انهم فولك اسد و على فكر عطوني مواعيد على كل العيادات مثل الصدري والعيون وبنسيله وغيرها علشان يتطمنون لان الخدج يخافون عليهم خاصة من الشيشه لان لها تأثير على الطفل و اذا انتي تحسين مو عارفتلها اطلبيلها ممرضة خاصة تهتم فيها عندج وعلى عينج لان انا اعرف حريم واجد اطلبو ممرضات بالبيت يهتمون فيها واي اسفسار انا حاضره حبيبتي

السلام عليكم
طولي بالج عليها وبمرور الوقت راح تلقينا اسبقت اللي بعمرها بكل شي…وراح تذكريني
أولا……..الحليب نوفلاك ممتاز …أنا جربته لبنتي 3 أشهر..كانت من الخدج
ثانيا……..لا تستخدمين الحلبه …نصيحه الخدج مايتحملون مثل غيرهم….
ثالثا…….كنت اشرب بنتي رقمين كل 3 ساعات…لما كملت3أشهر..صرت أزيد الكميه …كل 3ساعات……..
رابعا…..مناعة الخدج ضعيفه ..حاولي تبعدينها عن المرضى…………
أي استفسار أنا حاضره…..

يعطيكم الف عافيه على المرووور وماقصرتو

اختي ام عبووود ولا عليج ا مر ب بعررف مراجعااات المستشفى بعد اطلعتيها يعني انا بنتي عطوهاا موعد للعلاج الطبيعي

وبعد شنو المواعيد اللي لازم

وعن الحلبه انتقولي وحده ان عنداا 7 خدج وكانت تعطيهم حلبه ن اء الله انها ماتضر

انا الحين احط لها بمطارة المااي 7 حبااات ومالها لالون ولاريحة حلبه
والحين احسهاا تعباانه

وديتها المستوصف عطوها اكسجين و ادويه ماعطيتها منهم خفت

عادي اختي لاتاخافين
بس اهتمي برضاعتها ونصيحه لاتعطينها حلبه تراها ثقيله

الله يحفظها لج يارب

up

السلام عليكم خواتي … أنا كمان عندي بنت صغينونة حيل ولدتها بأخر الثامن بسبب ارتفاع مفاجئ بضغط الدم وزلال بالبول أدى اي نزيف وبنتي اعدت بالمستشفى الفروانية 55 يوم تتنقل ما بين الحضانات وكان وزنها كيلو و ثمانمائة جرام ( 1.8 ) وهم خرجت بعد شهرين بنفس الوزن وعطوها مراجعات كثيرة على المستشفيات لكن بنتي بسبب النزيف ال حصل سبب لها مشاكل كثيرة بالنسبة للنظر و السمع والجهاز الحركي وتشنجات وللحين تعاني من التشنجات بالرغم من انها تأخذ علاج لذلك ومشكلتها الكبرى بالوزن فهي عمرها الان سنة وستة أشهر ولكن كل من يراها يعطيها 3 أشهر ليس أكثر وحليب النيوشور هو حلو بسب كانت لا تتحمله والحين في حليب بس يصرف للكويتين فقط واسمه infatrini وهو عبارة عن بروتين حيفيدها اذا كنتي كويتية تقدري تكلمي الدكتور في انه يكتبهولك ولاني غير كويتية ما قدرت أخده وبعت اجيبه من مصر .
وطبعا لازم تتابعي معاهم طبعا عيادة النظر و عيادة السمع والعلاج الطبيعي وعيادة المخ بالبنك الوطني لو كانت تعاني من اي شد او تشنجات وكان المفروض قبل ما تخرجي من المستشفى يعطونك كل هذة المراجعات كي تتطمئني على بنتك وانشاء الله ما فيها الا العافية …
ولا تنسونا بالدعاء لها ولكل مريض الله يشافيه ويعافيه … أمين يارب العالمين

انا يبت ولدي بالثامن وكنت مسويه تجمع للخدج بدورلج الموضوع حيل مفيد وحاطه كل تجاربي فيه
بس نصييييييييييحة اخت لاتعطينها اي شي غييييييييييييير الحليب لا احد يقص عليج بنتج مو مثل اليهال الطبيعين الي تجربين فيهم
خليها بس على الحلييييييييييييييييييييييييييييييب سويلها كباديه رقمين واذا شفتيها خلصتها زيدي رقم

واذا شفتي تفضلها لاتقصبينها ترى معدتهم صغيييييييييره حيل وبسرعه يشبعون وبسرعه يوعون يعني والله ولدي اول شهر بس ياخذ
رقم ونص يضحق جنه فار والحين عمره سنه وشهرين ماجنه خدج

نسيت اقولج لاتعطييييييييييينها اي حليب عطيها حليب خااااااااااااااص للخدج
فيه كذا نوع

فيه نيوشور
وفيه ابتاميل بروماجور
واتوقع فيه نان لللخدج وترى ماتحصلينه بالتموين تحصلينه بالجمعيات او مركز سلطان لانه حليب الخدج يمتن الياهل
وبس يصير وزنها 3 ونص تحولينها على الحليب مال المواليد الجدد

https://www.q8yat.net/showthread.php?t=216797

هذا الموضوع لو تقرينه بتلاقين وايد تجارب مفيده فيه

انا ولدي خدج يبته 900 جرام بس الحين الله يحفظه كبر شوي كنت كل ساعتين اعطيه حليب اول نيوشور من سميلاك بعدين تغيرين ولازم اترعينه هذا اهم شي اطلعين الهوا وبس حطي بالج لم تغيرين له وانشالله يكبر او تكبر وتفرحين فيهم

ahoda الله يشفي بنتش و تشوفينها عروسه

اختي احبك حيل الله يعينش و في البدايه احتسبي الاجر في كل شي تسوينه

انا ام ل3 خدج عيالي توم و جبتهم في بداية الثامن اوزانهم صغييره مره

ولدت في مستشفى الولاده بالصلبيخات و رتبوا لعيالي مواعيد في مستشفى البحر للعيون و مستشفى الرازي و مشتشفى ثالث نسيت اسمه من متابعت دكتور الاطفال لهم في المستشفى الي ولدت فيه الى ان وصلت اعمارهم سنه و بعدها نقلتهم لمستشفى الاحمدي

الحليب عطاني المستشفى سميلاك حق الخدج و مازلت على سيميلاك كل ما كبروا عطيتهم الرقم الي بعده

الحلبه مدره للبول و بكذا راح تجهد الكليه

اذا بنتش ما عطوها مواعيد راجعي مستشفى حكومي يفحص البصر – خلع الاوراك – مشاكل الدم كبدايه و اذا تشوفين اي اعراض مستنكرتها اعرضيها للدكتور

رضاعة الخديج بطيئه جدا كانوا يشربون رقم في ساعه

نصائح عامه:

خلي رضعات كالتالي: حليب – ماي – يانسون يعني لا تعطينه حليب مرتين ورا بعض تجنبا للغازات و اذا ما تبين يانسون اتركيه

لا تستخدمين السكر يزيد الغازات

الترجيع طبيعي اذا زاد غيري الحليب ولا تعطينه الرضعه مره وحده اقسميها على جزئين و بينها حاولي ترفعين راسه و هو متيند على صدرك

صغر الحجم طبيعي و بيطبر بشكل سريع في الشعور الجايه باذن الله

اذا تحسين الامر صعب جيبي ممرضه

اخر شي اقول الله يساعدش