|
|
موضوعي موجه للي حبوا قبل الزواج وما تزوجوا الي حبوهم
واتمنى التفاعل من الكل
عن تجربه
وللأسف
اني مريت بمثل هالتجربه
بس ودي اقولكم عن الفايده او الحكمه الي طلعت فيها من ورا هالتجربه
اهم شغله استفدت منها انه الوحده لما تحب يا اما تلتزم في الشخص الي حبته وما تتزوج غيره ..
او ما تحب خير شر ..
وتتزوج عادي
لكن مسألة انج تحبين وبعدين تتزوجين شخص ثاني
هدي جاايده وصعبه
شلون تقدرين تتأقلمين مع زوجج
شلون تقدرين تعطينا من كل قلبج
شلون تقدرين تخلصينله
ادا كنتي تقدرين تسيطرين على تصرفاتج وما تخونين بافعالج فشلون تقدرين تسيطرين على مشاعرج وما تحبين غير زوجج ..
وهدا الصراع انا عشته
وعانيت منه وااااايد .. ولازلت .. وادري مو مني .. من الشيطان الرجيم ..
وقاعده احاول الهي عمري بأي شي عشان لا افكر لان التفكير ما وراه غير المشاكل والهموم
قاعده احاول اطالع ميزات زوجي .. مشاعره ناحيتي .. اخلاصه لي .. عل وعسى انسى وما افكر ..
ما احس اني قاعده اتفانى واخلص ، احس اني مجرمه 
وادري لو زوجي يعرف بلي فيني بيزعل زعل جايد ويمكن ما يخليني على دمته
وفي يوم من الايام
وانا بعز الهم الي انا فيه (طبعا هم وهمي) بحكم ان حياتي الظاهره للناس ولزوجي حياة حلوة مافيها مشاكل تدكر .. >> ترا حرف الدال خربان عشان جدي قاعده استخدم بداله الدااال ..
وانا بعز الفوضى الي انا فيها (( فوضى المشاعر والاحاسيس)) طلعت بشغله حلوه
اهيا فكره
وااااايد ساعدتني وحسنت مني ومن ادائي كزوجه وام
وعطتني حافز وساعدتني اني انسى السراااب والوهم الي كنت معيشة نفسي فيييه
كتبت الفكره على شكل سوالف
راح انقلها لكم مثل ما كتبتها واتمنى الكل يستفيد ..
كلن بقلبه شقا الليله
الحب وهم كبير
ماله وجود
مثل السراب من بعيد تشوفه يبرق ولما تقرب منه تلاقي صحرا خاليه
اتوقع ان الله سبحانه خلانا نحس فيه علشان نقاومه
علشان نجاهد أنفسنا ونقاوم بأقصى ما عندنا
ليش نقاومه
لأنه وهم
لان يخلينا نضعف ونضعف
ويعمينا عن اشياء وايده
اشياء مرات نحسها بس نجذب احساسنا لان ما نبي نطلع من شعور الحب
ليش ما نبي نطلع من شعور الحب
لان احلى شعور بالدنيا
بس للأسف
ماله وجود
اهو مجرد خيال مو اكثر
عشان جذي لازم نقاومه
عشان لا ننصدم بالواقع
دايما الحقيقة تعور
تذبح
وليش العذاب
ليش التعب
خلينا نملك حياتنا مو اهيا تملكنا
خلينا نملك خياراتنا مو اهيا تملكنا
وأقص على نفسي اذا قلت ان العيشه من غير الحب سهله
ما انكر اني بحاجة هالشعور
ما انكر ان في شي ينقصني بحياتي
ومو لاقيتا بحلالي
ويمكن عشان جذي اقول لازم انقاوم
لان احتمال كبير يكون الاحساس بالنقص مجرد وهم من نسج ابليس والعياذ بالله منه
يصرف نظري عن الحلال
ويطلعلي عيوبه
ويمكن يكون احساس حقيقي وحاجة حقيقية
بس بالحالتين اكبر غلط اهو اني اتبع هالشعور
انزين دام الحلال موجود ليش ما ادور الشعور عنده ؟
لاني حاولت بدال المره 10 و20 واكثر … ما لقيت نتيجة
النتيجة الي طلعت فيها اهيا ان حلالي اهوا مصدر شعوري بالامان وراحة البال
بس مالقيت راحة القلب
ولا لقيت الي يسد عاطفتي
ليش المشاعر الحلوة ما نلاقيها بواقعنا
وليش المشاعر الحلوة انوجدت بالاساس اذا بحياتنا العمليه ما نلاقيها
هالكثر ابليس والعياذ بالله منه لاعب بعقولنا وبقلوبنا
وبعد كل هذا
قررت الآتي
اني شئت ام ابيت هذي حياتي
وحياتي لازم اتقبلها بحلوها ومرها
لما اعيش حق غيري واشيل من بالي نفسي ومشاعري وقلبي وكل هالاشياء اكيد راح ارتاح
اذا مو قادره احقق لنفسي الي ابيه واتمناه
ليش ما احققه لغيري
يمكن لما اشوف الفرحة بعيونهم افرح واكتفي بهالشي
ليش ما اعطي
اعطي وبس
واركز على هالعطاء
ما اخلي في بالي مجال لأي فكره تاخذني من واقعي وتعلقني ما بين السما والارض
انشغل في غيري
انشغل في ناسي
اشغل نفسي بإني اعطيهم واعطيهم
بكل بساطة لانهم يستاهلون
لو تلاحظون انا وايد واقعيه بتفكيري
يعني في اشياء نقولها ونرددها ومقتنعين فيها لكن مو حاسينهااا
صح ؟ مو ملاحظين هالشي ؟ في وايد من امور الحياة ندري انها صح .. بس التطبيق ثقيييل وصعب ..
ولما كتبت هالكلام ما انكرت ان الحب شغله حلوه بس مو شرط نلاقيها بحياتنا الزوجيه والي اقصده بالحب انتوا تعرفونه
تعرفون مقصدي
يعني الحب الي نبيييه وودنا فييييه ونتمناه ونتخيله .. ما نلاقيه في حياتنا .. انا عن نفسي مو لاقيتا .. لاقيه الامان .. لاقيه الراحه النفسيه .. لاقيه الصدق والمعامله الزينه .. بس مو لاقيه الحب .. مو معناته اني ما احب زوجي .. بالعكس احبه وهدا الي مينني .. يمكن لو ما احبه جان ما همني .. بس انا احبه واحترمه .. عشان جدي محتره من نفسي ليش مو قادره انسى .. بس حبي لزوجي مو اهوا الحب الي يشبع عاطفتي .. فاهمين علي ؟؟
وطبعا هدا الواقع الي حبيت اني اتكلم عنه ..
انتي لا تتعاملين مع زوجج على اساس ان بتلاقين معاه كلشي .. حطي فبالج النواقص والعيوب .. وحطي فبالج انج اتضحين .. لان في ناس ثانيين دشوا بحياتج واي قرار تتخدينه ممكن يأثر فيهم تأثير سلبي .. وانتي اول من راح يتأثر ..
((مثلا قرار الطلاق))
فلا تتسرعين
الشغله الثانيه والمهمه ((لو نفسج توزج بيوم انج تكلمينه -حبج القديم)) لا تطاوعين رغباتج وتتصرفين تصرفات تندمين عليها بعدين
قبل كل تصرف فكري وفكري عدل
شوفي هالتصرف وين ممكن يوديج
راح تلاقين سد
يعني طريج مسدود وماله اي مستقبل
وصورتج راح تهتز بنظرج اولا وبنظر الي كنتي تحبينه ثانيا يعني حتى لو كان صادق بحبه لج فصورتج راح تنهز جدامه وبعير رايه فيج وبتقل قيمتج سواء عنده او عند نفسج ، ثالثا واهوا الاهم ان ما يسوا عليج تعيشين حياة وهميه مردها بتوقف يا منج او بطيح عليج زوجج وبتخسرين الطريفين يعني زوجج بيطردج من حياته نهائيا لانج خنتيييه وما يشرفه انج تكونين ام عياله .. وهداك الي حياتج ممكن تنهدم عشانه شدعوا بيسأل فيج ! مو قتلج حتى لو حبج وكان صادق معاج بيوم من الايام راح يغير رايه فيج بمجرد ما انج سمحتي لنفسج بإنج ترديله وانتي متزوجه .. واكيد ما يبي مصيره يكون مثل مصير ريلج المسكين . ما يبي يكون مغفل .. فلا من زوجج ولا من الحبيب السابق .. ولا حتى من عيالج ولا من نفسج ..
واي فكره شيطانيه اتييلج عشان تكلمين الي كنتي تحبينه حطي فبالج انها ضياااااااع في ضيااااااااااع … اوكي ..
والله يهدي الجمييييع
ومثل ما قلت
لما تحطين فبالج انج عايشه عشان غيرج يرتاح ويستانس راح ترتاحين
حطي فبالج هدف اسعاد الغير ( زوجج وعيالج) تفاني في عطائج لهم ..
وما يحتاج اقول .. تقربي من ربج اكثر وادعي ربج ان يحميج ويحفظج من كل شر
انا دايما اقول هالدعاء ..
(( اللهم اني اعوth بك من شر نفسي ومن شر الشيطان وشركه ، وان اقترف على نفسي سوءا او اجره الى مسلم ))
و في الختام اتمنى ان الكل استفاد
والي ما تزوجت ديري بالج
قبل لا تتزوجين حطي النقط على الحروووف وعرفي شنو تبين بالضبط وشوفي اني شنو حاسه ؟ وشنهي رغبتج ؟ لا تستعيلييين .. والله يوفق الجمييييع 
.gif "Eh S(17)")
وعلى قولتج مافي أحلى وأنظف من الحلال
والحب الحقيقي ما نعيشة ونحس فيه الا بعد الزواج مع الشخص الي اختارج جدام الناس كلهااااااااا بالحلال وحبج
أما حب خفافيش الليل فهي مصخرة ولو اهوا صادق ما كلمج بالسر بالعكس رفع راسج فيج وتزوجج
مشكووورة حبوبة
لو الكل يطبقة ما نلقى شئ أسمه طلاق
مشكووورة
ومشكورة عالموضوع الروعه
بس أحب الضيف عليه لانى مريت بهالتجربه ما لجاة لغيرى ولا حتى لنفسي
لجأة للى خلقنى بهالدنبيا ليختبرنى فستخرت ربي بصلاة الإستخاره
وطلبت ان يقربي من زوجى ،،، وينسينى اللى فيه.. شر لى ولدينى
والله الحمد قبل الزواج وبعده استمرت على هالإستخاره الى من اسكنه الله زوجى في قلبي
واللحمد الله مهما كانت ظروفنا ومشاكلنا وسؤء تفاهمنا لبعض أحس انى ما اقدر استغنى عنه
وجزاك الله خيرا يا اختى
وسلامي
ويهنيكم ويسعدكم
شيلي من بالج انج (كنتي) تحبين واحد غيره
وان شاء الله امورج تتحسن
ومشاعرج كلها تنصب على زوجج
واذا ما لقنا الحب بداخلنا راح نحصله حوالينا وفي عيون الي حبونا من عيالنا ازواجنا اهلنا الي يعزون علينا ونحاول نسعد غيرنا عشان نحس بالفرح والنجاح لانه عوضنا النقص الي فينا من عواطف ومشاعر في توفير السعاده الصادقه لغيرنا
|
المشاركة الأصلية كتبت بواسطة {}{}{ سكرة }{}{}
 كلاااااااااااامج رائع وجميل
وعلى قولتج مافي أحلى وأنظف من الحلال والحب الحقيقي ما نعيشة ونحس فيه الا بعد الزواج مع الشخص الي اختارج جدام الناس كلهااااااااا بالحلال وحبج أما حب خفافيش الليل فهي مصخرة ولو اهوا صادق ما كلمج بالسر بالعكس رفع راسج فيج وتزوجج مشكووورة حبوبة |
مشكوره على مشاركتج
وكلامج صح ومنطقي وصحيح 100%
بس هدا الي انا تكلمت عنه
وين الاحساس ؟
يعني انا مقتنعه بس صارلي 5 سنين متزوجه مو لاقيه هدا الحب
او لاقيته بس مو حاسه ان شابعني
مو حاسه ان مكفيني
في شي ناقصني مو عارفه شنو اهوا
الله المستعان والدنيا لازم تكون فيها صعوبات ولازم نقاوم والا احنا ليش عايشين ؟
الله يثبتج ويزيد محبة زوجج في قلبج انشاء الله
يعطيج العافيااا
|
المشاركة الأصلية كتبت بواسطة mahooy
حبيبتى الغاليه كلامج حلو ورائع ومنطقي
بس أحب الضيف عليه لانى مريت بهالتجربه ما لجاة لغيرى ولا حتى لنفسي لجأة للى خلقنى بهالدنبيا ليختبرنى فستخرت ربي بصلاة الإستخاره وطلبت ان يقربي من زوجى ،،، وينسينى اللى فيه.. شر لى ولدينى والله الحمد قبل الزواج وبعده استمرت على هالإستخاره الى من اسكنه الله زوجى في قلبي واللحمد الله مهما كانت ظروفنا ومشاكلنا وسؤء تفاهمنا لبعض أحس انى ما اقدر استغنى عنه وجزاك الله خيرا يا اختى وسلامي |
اشكرج
كلامج وايد ريحني
|
المشاركة الأصلية كتبت بواسطة ام الغالين
صح لسانج كلامج كله صح
واذا ما لقنا الحب بداخلنا راح نحصله حوالينا وفي عيون الي حبونا من عيالنا ازواجنا اهلنا الي يعزون علينا ونحاول نسعد غيرنا عشان نحس بالفرح والنجاح لانه عوضنا النقص الي فينا من عواطف ومشاعر في توفير السعاده الصادقه لغيرنا |
بالضبط هــthاااا الي اقصده
شكراا