الي حاطه في بالها تحجز عند حنان البستكي >>> تدخل

صبـــ الياسمين ـــاح

***

شخباركم يا أحلى عرايس بالدنيا ان شاءالله مرتاحين والنفسيه تمام … ؟

طبعاً هالموضع للي يبون يحجزون مكياج العرس بحنان دشتي (( البستكي ))

أنا دقيت عليهم أمس وسألتهم عن كل شي وماقصروا معاي الله يجزاهم خير

قلتلهم :

1- جم مكياج العروس , قالوا ب 250 واذا تبين إكستنشن تدفعين 35 دينار زياده

2- هل للعروس مرافقه مجاناً << أمووووت على الثقافه

قالوا لا ما يكون معاها مرافقه مجاناً , إستغربت مع إن في صالونات يكون مع العروس

مرافقه مجاناً , يعني مكياجها وتسريحتها على الصالون …

3- أنا عرسي شهر 9 متى أحجز , قالوا كل ما كان الحجز بدري كل ما كان أحسن

4- طيب أبي أشوف عرايس عندكم عشان أعرف منو أحسن وحده تحط مكياج وتساريحها

حلوه , قالوا يوم الجمعه 8 – 4 – 2024 الصالون مترووووس عرايس ماشاءالله تعالي

وشوفيهم وشوفي مكياجهم وتسريحاتهم وشنو يعجبج وإحجزي عند الي تبينها ويكون أفضل لو

جيتي الساعه6 المغرب يكون العرايس مخلصين مكياج وتسريحه وتشوفينهم …

***

بس خلص الحوار

طبعاً أنا قلت أبلغ حبيباتي كويتيات وتحديداً الي يبون يحجزون بهصالون ومحتارين اذا شغلهم

حلو أو لا بأمكانج تروحين يوم الجمعه وتشوفين العرايس الي عندهم واذا راح يعجبج مكياجم

أو لا وتقررين …

***

وعسى الله يوفق الجميع ان شاءالله ونطلع أحلى عرايس ويكفينا شر العين والحسد ويرزقنا

بالرزق الحلال ويهنينا ويرزقنا ذريه صالحه اللهم أمييين , قالوا أمييين

***

تحياتي (( راقيــه وجــذابه ))