|
|
السلام عليكم
شلونكم بنات
الموضوع وما فيه أني للمره الثانيه خلال شهرين تقريبا تصير فيني هالحاله
أكون طبيعيه جدا ومو حاسه باي تعب مثلا أو دوخه
أقوم من مكاني تفتر الدنيا فيني( مو دوخه عاديه لا تفتر فيني الدنيا بمعنى الكلمه فعلا)
وراسي اسمع فيه صفير قوي
أرد أقعد بمكاني لأني ماني قادره أثبت بوقفتي
أنطر لما تخف الدوره
أذا خفت تبدي جبدي تقلب وراسي يعورني واسمع بأذوي خشخشه قويه تخف تدريجيا
تعرفون تفسير هالحاله؟؟؟؟؟
اناراجعت دكتور جمااال بمستشفي الهادي من سنه تقريباا كانت معاي نفس الحاله وسوالي تخطيط حق اذني قال التهاب الاإذن الوسطي وعطاني حبوب استيجيرون وبيتاسيرك قال اخذيهم ثلاث مرات باليوم
وقال لي هالحاله تصير بشكل عام بسبب التهاب الاذن الوسطي ومرات تصير بدون سبب وبعض الحالات تستمر معاهم الدوخه والطنين بالاذن اسبوع وبعضهم شهر وبعضهم سنه وبعضهم خمس سنين والحافظ الله
انا صايره لما اجندس باخذ شى من الارض احس بدوخه بس استعدل اصير زينه الحمدلله وقاعده اخذ الحبوب وربي يشفيني ويشفيج ويشفي جمييييييييع مرضانا ومرضي المسلمين يارب
لا ماعرف لها تفسير احنا نعرف الدوخه العاديه واهي بسبب نقص الحديد
اما اللي تحسين فيه يبيله طبيب ولاتتأخرين روحي بسرعه
وماتشوفين شر ان شاءالله
بس حسب معلومات البسيطه ان الخلل بالتوازن سببه الاذن
لازم تروحين طبيب انف واذن يفحص اذونج
وطمنينا عليج
ماعندي خبره..
ليكون شاريه شغله ع ترتر
ماتشوفين شر ياااااااقلبي
اول شي لازم تجيكين على ضغطج
اذا كان طبيعي ولا لآ
وشوفي يمكن عندج مشكله بأذنج
وانا ادري من قبل ان عندج مشكله
شوفي حياتي
نقطة توازن جسم الانسان اذا ختلت او صار شي
يكون من الاذن
وحياتي يمحن يكون في ثقب
او المطرقه فيها شي
او الطبله
ويمكن يكون من خشمج مأثر على اذونج
حياتي سبوووووج
لازم تراجعين
انف واذن وحنجره
وماتسكتين على نفسج ياقلبي
لان انتي غاليه عندنا
والله يشفيج ياقلبي
واي شي انا حاااضره ياعسل
راجعي دكتور وسوي تحاليل فقر دم وفحص للأذن
انا رفيجتي مره سوت تحاليل ودنيا واخرتها طلع عندها التهاب بالأذن وتعالجت الحمدالله
سبحان الله في سائل بالأذون اهوا اللي يحفظ توازن الانسان
وسلامات انشالله
سمعي والله اليوم قالت لي رفيجتي جنتها بعد صاير فيها نفس الشي وقالولها تسوي تخطيط الاذن الداخليه وتخطيط حق الدهاليز ملوت الاذون وانا بروح بإذن الله وماااعليج الا العافيه لاتحاتين ياقلبي
تصدقين عاد وااااااايد يصير معاي ها الشي….
خاصه بالفتره الاخيره.
حتى من جم شهر يتني ها الدورة و انا بنزل السلم المتحرك بلاندمارك……لو ما ستر الله جان هبدت هبدة سنعه….gif "Eh S(4)")
..
بس مسيكين حمادين الي طاح لأنه كان ماسكني و فلتت ايده لما دخت..gif "Eh S(2)")
.و تلقفه الهندي تحت.
يصير دوووووورة و زغللة بالعين (هذا اذا قدرت افتحها)و صفير حاااد مع شلل بالتفكير اسمع الي حولي و مو قادره اربط بين كلامهم. لمده ثواني مو أكثر.
سبحان الله ما ربطت بين ها الدوخات الا لما قريت موضوعج….
يتراوالي السبب هبوط الضغط.!!!!
عسى عمرج ساااااااااالم حبيبتي
ام تروكي 1 الشر ما أييج بعد قلبي….ياربي ما أدري ليش روحة الطبيب ثقيله
ما أدري ليش الاطبه صاروا ما يفهمون لما تشرحين لهم الي فيج!!!!!!
كل شي عندهم عادي والبندول اهو المنقذ
jolie_q8 مشكوره يا أم حمود الشر ما أييج وأن شاءالله أبلغج بالي يصير معاي
رونه ههههههههه ضحكتني وانا وجعااااااااااااااااان
*دبدوووبه* تسلمييييييييين بعد قلبي وفعلا أنا عندي شك أن يكون السبب الجيوب ضاغطه على خشمي ومناسمي……مشكوره حبيبتي وايد استفدت من معلوماتج
tota in indiana الشر ما أييج حبيبتي
عاد انا كان يايني سكر بالحمل والله يستر لا يكون مستمر معاي للحين مع اني والده لي سنتين
FOZQ8 الله يسلم عمرج فوز ما قصرتي
رنون سلاماااااااااااااااات بعد قلبي حمادين وليدي
وأنتي ليش ساكته على عمرج الله يهديج ليش ما فحصتي انا توني ثاني مره بس أنتي الظاهر لها فتره معاج
يالله نروح أنا وياج نشوف شسالفتنا وتودينا الغاليه نونو تبتلش فينا بنات عبدالغني شربت هههههههههههههه
انا فجاه اقول الدنيا كلها تدور واحس بلوعه
وكنت ناويه اروح اليوم الطبيب وكان خفاره وزحمه رجعت شعور غريب احس راسي ثقيل
ودوخه قويه الدنيا تفتر مادري شنو هذا
وشي ثاني أثناء الدوره راسي يخدر لي درجة اني افركه ابي أخفف الدوره ما احس باصابعي على راسي!!!!!!
وعقبها يستلمني عوار راس وخدور وجبدي تصير ثقيله
ماربطت بين الأمور.
يا الله …. خنشوف شالسالفه!!
أول و تالي بودي ولدي سالم العلي باخذلي تحويل معاه مره وحده!انشالله
و لا مرة خطر على بالي انه من الاذون
مشكورة على الموضوع و ما تشوفين شر
و انا بروح اجيك على اذوني بعد