|
|
السلام عليكم
عفية ريحوني اليوم تكسر ظهري وانهرت ركبي من الفرارة بهالمنطقة ومحد يدري منو المسؤول عن التحويل الاداري …………………………… تصوروا ؟؟؟!!!!!!
المدرسة يقولون المنطقة والمنطقة من ادارة لادارة ومن قسم لقسم اخر شي قالوا راجعي المدرسة ….
وانتهى اليوم وانا خلالالالالالاص صداع وعوار ظهر وما احس بركبي وبطني شب علي ززز عفية اللي منتقلة ولا تشتغل بالمنطقة او اي شي عارفة تقول لي وتريحني …
بكرة بروح العدان بحط موعد لي بالعيادة النسائية والعظام وموعد لبنتي ود ..
بعدين بروح المدرسة اخليهم يوقعون على طلب المجلس الطبي واسال عن هالسالفة مرات ومرات وبعدين بروح المنطقة اسلمهم طبياتي 
السؤال المهم : وين وكيف وشلون اقدم طلب تحويلي لادارية ؟؟؟!!!!
بعدين منو عندها فكرة عن قانون الطبيات الجديد اللي نازل من الديوان ؟
قولوا الحمدلله عالسلامة يا جيه من المنطقة التعليمية
الله يفك اسرش من التدريس
ان شاء الله توفقين وتروحين مين ما تبين
وقل بحبك قول كرهتك
بس قوووووووول
اي حاقة
كاشتين حتى محد فكر يقرا شنو كاتبة ؟؟؟؟ 
انا زعلانة [u]
ويفكج من التدريس …ويكتب لج الخيرة من عنده …
ويسهل أمورج كلها …
قولي آآآآآآآآآمين
هاااااااااه …..زعلااااااانة؟؟؟؟ 
… اذا تعرفون معلمة اجتماعيات لها خلق ترس صبيان عفية قولوا لي
مشكورة غدير
)
اوركيد تعطيني ويه وازعل …. لا وتدعي لي بعد …..
لا مو زعلانة … انا فرحانة …
وقالوا تكتبين انتي كتاب عادي وعنوانه تحويل الى اداريه
وترفقين فيه مرضياتج
وتقدمينه للمنطقه عندنا وراح يحولونج اداريه باذن الله بناء على المجلس الطبي
طبعا السالفه راح تطولللللللل
انا يوم السبت بخلص ورقة المجلس الطبي في المنطقة واوديها للمجلس الطبي وعندي موعد يوم 12 /4/2006 م
واخذت معاي تقارير بس من الخاص لأني ما اراجع الحكومة اصلا وان شاء الله يوافقون او يحولوني للعدا واخلص
تسلمين يا حياتي
رفيجتي كانت طاقة جبدها من رياض الاطفال ..ونوت تحول ادارية
قالوا لها بس ييبي اداء متدني نحولج…
بس ما ادري انتي بمدرسة صبيان …يتراوالي يجلبون فيج بايدينهم وضروسهم ..
حتى لو يبتي متدني
انا بعرف شنو غصب اشتغل بهالشغلة شنو ما يدرون اني جذي كارهة التدريس يعني ما راح اعطي من قلب
بعدين انا معطتهم طاف من تعبت ذاك اليوم يعني احسن لهم يحولوني
على العموم انا اصلا عندي مشكلة بظهري وما اقدر على الشغل ولو يعطوني تقاعد طبي يكون احسن لأن ظهري يا جماعة كل البشر عمودهم الفقري عوي اللي انا مستعدل ومستقيم بشكل عجييييييييييييييييييب
حتى انا قالوا لي الحين مالش علاج المساج والابر والادوية لتخفيف الالم فقط وهذا قال لي اياه اكثر من طبيب حتى اللي بره …
والله كريم اجر وعافية وفكة من التدريس فوق مانا مكسرة وظهري ذابحني يبون يسون فيني امراض ثانية الظاهر ….
اليوم رحت للمجلس الطبي ولا الدكتور كويتي وشايف نفسه ولما عطيته التقارير سواء لامراض النساء او العظام سوى نفسه كلش يعني مو عاجبته التقارير لأنها من خاص
اي شسوي الحكومي رحت احط موعد عظام من 1 / 4 حطولي الموعد 3 / 5 يعني اكثر من شهر
رحت الططواري قبل لا افتح حلجي عطوني اورقه الصيدلية فيها مسكادول اللي يقلب الكبد
وقال انا بعرف شنو علاقة العوار اللي بظهرش بالامراض النسوية قلت انا اصلا مسوية 3 عمليات في اقل من سنتين ونص وبين الثانية والثالة 10 شهور واخر عملية صار عندي نزيف وولادة مبكرة وانفجار في المشيمة وبغيت اروح فيها
والحين البداية عندي نزف متقطع بعدين ما قامت تجيني الدورة رغم انهم عطوني الحبوب اللي تنزلها اخر مرة جتني 9/2/2006 ومن يومها ما شرفت ومع حبوب التنزيل ومو حامل ويحوشني الم دايم في بطني غير الصداع والدوخة وضيقة الخلق والحرارة وعندي قرحة في عنق الرحم وهذي من اعراضها اصلا الم في الظهر يعني في ارتباط بين هالقرحة وزيادة عوار الظهر …
بالاضافة لعةار الظهر والتنميل في الرجلين واليدين وكذلك الشد في القدم اليسرى والكف الايمن
والله وصف حالتي كانه وحدة مدعومة
المهم الطبيب الفنتكة قال : راح اكتب اللرد يوم الاحد تعالوا اخذوه وشكله ناوي على شر
يقول ريلي الحين بيكنسلهم كلهم ويخصمونهم من راتبش
ما ادري صج ولا لأ ؟
تهقون يقدر ؟ او من حقه يكنسل كل الطبيات ويخصمونهم علي ؟!!!!!!
صج ما ادري شلون صايرين دكاترتنا
الصاحي ومن الجماعه عطوه اللي يبي
واللي من ص مريض وتعبان يتعبونه زياده
الله يعينج ام جوري
تدرين بحملي الاخير كنت اقولهم اني تعبانة ما اقدر اوقف قالوا لي ما فيش شي يقيسون الضغط ويرجعوني البيت بعد ما انطر دوري اكثر من ثلاث ساعات وحولوني لجنية كل يومين رايحة وناطرة واكثر الاوقات اكون واقفة ما في كراسي …..
تخيلوا لولا ستر الله ورحمته كنت رحت انا واللي في بطني … ولدت ولادة مبكرة والمشيمة انفجرت في بطني وقالت لي الدكتورة لو متأخرة نص ساعة بعد كان حصل شي مو طيب للبيبي ولش …
والحين والله اني مرات اعرج لأني ما اقدر ادوس على رجلي … وبطني يعورني وكاني بولد … اروح للطبيب وقبل ما اتكلم كاتب لي البندول والمسكدول واللفكس !!!!!!!!!!!!!!!!
ّّّّّّّّّّ
على فكرة الادارة مضيعين ورقتي اليوم انزلي واصعدي وما يدرون وين راحت !!!!!!!!!!!!!!!
قالت لي وحدة شفتها هناك والظاهر كسرت خاطرها احسن شي اكتبي كتاب لنورية الصبيح …
ايش رايكم ؟
الله يعينج بعد قلبي على هالتعب والمحاتاة …
ليش ماتشوفين المراقبة بالمنطقة التعليمية ؟؟؟؟كلميها مع الطبيات اللي عندج …
يمكن …تقدر تساعدج …
بالنسبة للدكاتره …اهم شي شوفيلج دكتور سنع …
موتحذفين اوراقج عند اي واحد….مايخاف ربه فيج …
انا اروح للخاص يا اوركيد بس هم يقولون لي لما يودوني المجلس الطبي ليش ما تروحين حكومي ؟؟؟؟ !!!!!!!!!!!!!!
اي حكومي مه هالمواعيد فوق الشهر !!!!!!! ولما اروح ما الحق اقول اشغ=فيني لا فحص ولا شي عطوني الوصفة …
المراقب عندنا شايف نفسه بصراحة لما رحت له علشان ابي امومة لبنتي وجبت التقرير الطبي وشرح له زوجسي الوضع انه البنت محتاجة لرعاية خاصة وما يصير تطلع وايد او يحتكون فيها الناس ومن هالكلام ما وافق …
ايش رايكم بفكرة الكتاب لنورية الصبيح ؟