|
|
السلام عليكم يا معلمات والله يساعدكم ويصبركم انشاءلله
عندي 3 اسئله
1- هل اقدر الحين اقدم على شغل ولا بعدنا تحت قانون وقف التعيينات ؟ ولي متى هالقانون ؟ ومتى اقدر اقدم حق شغل ؟
2- احسن روضه للشغل بالعاصمه من ناحية الادارة والتعاون بين زميلات العمل مطلوب ومرغوب وياريت تكون روضعه عاديه مو نموذجيه
3- في شغله محيرتني وشاغله بالي من اول ما اشتغلت بالميداني بالتربيه العمليه اهي اني انا استحي وايد خاصة عى سالفة تمثيل المسرحيات والقصص والحركات اللي تطلبها بعض المنبهات يعني استحي امثل واقلد اصوات واناقز جدام ابلات ثانين مستحيل ولا جدام الناظره ولا لو كان في اجتماع امهات مستحيييييل انسوا اسوي شي … فشنو الحل معاي ؟ طو فترة الميداني ماوقفت على المسرح ولا شاركت بمسرحية ولا مسكت المكرفون وبالصف لمن ادش علي المشرفه ولا الموجهه مستوى الجرأه ينخف عندي لي تحت الصفر حتى صوتي ماينسمع والموجهه كانت حيل تشتكي مني وتقول انا بارده ومااصلح معلمة روضه 
رياض العاصمة ماعرف عنها شي للأسف ماقدر أفيدج
أما عن التمثيل .. لاااااازم تتجرأيين ترا أهم شي ثقة المدرسة بنفسها أثناء الشرح يركزون على هالنقطة والتمثيل أنا كنت أمثل بالمنبهات ومسرح العرايس وجذي بس ماجربت بالتربية العملي أدش المسرح ولا أقدم نشاااط كلش كنت أحس مستحيل أسويها أكيد برتبك قدام المدرسات
انا باشرت عمل ماصارلي شهر وعطوني نشاط أنا وثنتين فاااهيات ههههههههههههههه استغفر الله ياربي جد برود مو طبيعي أضطريت انا أسوي كل شي حتى المشاهد التمثيلية أنا أسويها .. استغربت من نفسي يوم دشيت المسرح عااااادي مارتبكت ولا شي .. انحلت العقدة 
انتي شوي شوي أبدي بالحلقة تمثيلين تغيرين نبرة صوتج وانفعالاتج بعدين بتتعودين أنا حتى بالبيت أخوي يضحك علي يقولي جنج جاااهل ههههههههههههههههه هبلت فيني الروضة
اوووه سوري خذيت راااحتي بالموضوع حيييل
الزبدة من الكلام هذا كله .. انه التربية العملي غييير والشغل غيير فلازم تتأقلمين مع الوضع .. و الله يوفقج ان شالله
محد كثري يستحي .. وكان ويهي يصير احمر واااضح اني مستحيه
بس مع الوقت تعودت وصار شي عادي .. والحين يطلبوني اساعدهم بالنشاط
وبالنسبه للروضات يمدحون عمر بن عبدالعزيز .. واللاطياب
وشلون ناظرتها ؟ والابلات فيها ؟ والشغل فيها وايد ؟؟
الي اعرفه ان كان فيها مشرفه مو زينه بس الحين ماادري
والاطياب بقرطبه الكل يمدحها الصراحه وابلاتها على قلب واحد يقولون
واخذيها نصيحه مني لاتسالين شلون المدرسه. لان كل وحده لها راي حسب اطباعها والناس تختلف
في ناس ترتاح بمكان غيرها مايرتاح فيه.. انتي حسب شخصيتج
والله يوفقج حبوبه
وبالنسبه للتمثيل وهالسوالف اكيد مع الوقت راح تتعودين ويصير عندج جرأه اكثر ..
وصدقيني راح يصير وناسه اصلا تفرغين طاقاتج وانتي تستانسين وتضحكين شلون سويتي جذي