|
|
السلام عليكم
مادري شقول مادري شلون أعبر عن اللي شفته أو اللي قاعده أشوفه كل يوم وما يندرى راح ينتهي هالشي والا بظل على طمام المرحوم (مثل مصري) !!!!!!
السالفه ومافيها يابنات الحمامات مالت الكلية (دورات المياه) وانتو بكرامه
يعني شقول وشخلي لا من الريحه ولا من القذارة للي فيها وسنين وبنين ماتغسلت ولاااااا والأدها من هذا البيبان مالت الحمامات اللي داخل مكسره يعني اللي مايشتري يتفرج الفرجة ببلاش !!
يعني وين الادارة وين اتحاد الطلبة ما يشوفون حل حق هالتخلف اللي صاير .ما كأن بدولة متحضرة كأن قعادين بالسيلان والا ببنغلادش الحمدالله والشكر
ترى والله هاذي اهانه لنا موحاطيلنا اعتبار ولا موفرين لنا أبسط وسائل الراحه شنو عادينا حيوانات مانحس ومانشوف
الى متى بنتم ساكتين على الوضع احنا ماصدقنا نخلص من خياس حمامات المدارس وقلنا بنتطور تطلعلنا الكلية
ولو تشوفون حمامات جامعة كويت صج صج فرق تلقين بكل حمام خدامة تنظف كل ماطلعت وحده .
وحنا خدامات كليتنا بس فالحيلي بالطراره والمطراش وسلام عليكم ماما .مو مافي أحد فوق راسهم
و جامعة الكويت ماسكينها ناس سنعه وطلبة الاتحاد هناك كلمتهم ماشيه حتى بمجلس الأمه
وحنا الله خير من تفوز القائمه بالانتخابات بعد ماندري عنها فص ملح وذاب والا سكتونا بكم كرسي وراصين علية اسمهم يعني احنا ترى سوينا انجاز 
اللي بقوله يابنات خل نوصل شكوانا حق جهه مختصة واذا ماسوو شي نروح حق خالد عبد الجليل يفظحهم والا شرايكم
بلييززززززززززززز عطوني رايكم
وشكرا عفوا
هالكورس انحديت آكل من كافتيريتنا الله لا يوريج كل يوم عوار بطن 
والحمامات حدّث ولا حرج امسك وضوي من البيت مابي ادش حماماتهم واتأزم
وين بنات الاتحاد نصوت لهم ولا يضبطون وضعنا احنا بشر تكره نفسنا هالاشياء
لا مصافط ، لا قاعات ، لا كافتيريا ، ثلاجة عصير تاكل الفلوس ، بلاااااااااوي
صااااااجه الحاله كسيييفه محد مهتم
اهي وقفت على الحمامات وانتي بكراامه كل شي بااااااااااااااااايض بالكليه
لو بتكلم ماني خااالصه
الكفتيريا لوووووووعه ومسخره
والقاعات حدث ولا حرج وكلي شي ولا الزرايب الي يسمونها جبرات مادري شاليهات وعععع
والمكايين الي حاطينها ما عليها احد ينظفها تطلعلج كوووفي بنكهة النمل والدود والقرررررف
ونقص الكراسي الي مادري متى بنخلص من هالمشكله طلعتلي عضلات من كثر ما اشيل واحد بالكراسي راايحه اكرف مو ادرس
والله كل شي كل شي رااايح فيها يبيلها الكليه اعادة تاهيل
ويعني احنا الطالبات أغلب يومنا يكون بالكلية يعني انا من الساعة 9 الى 5 المغرب يعني لازم أحتاج الحمام شسوي والله مرات أطوف محاضراتي وأرجع طايره ماشوف دربي بس أدور الحمام وتشوفوني أتحرقص بالسياره
الحين يقولون الميزانيه ما تسمح
نمون من الحسره عشان الميزانيه
خابرته الصباحيه ؟؟؟
شالسالفه وين بيودونا بالضبط
امس انا بحمام الدور الثالث بالتربيه جان اسأل الفراشه ابي كلنيكس جان تقولي ماما يعطونا لا ادوات تنظيف ولا كلنكس ولااااااشي وحتى الصابون من كورس لي كورس ومرات من سنه لي سنه يالله حطون يديد قتلها روحوا لهم جان تقول قالولنا انتي مو شغلج يالله روحي مسكينه زفوها
ما اقول الا حسبي الله عليكم يا الاتحاد اللي مهتم بس بالرحلات وشغلات اللي ما نستفيد منها فيكم خير ثبتوا يوم محددددددد للاعانه اللي صارت اهانه تكفوون دشوا موضوع الاعانه وشوفوا البنات بس شلون يكسرون الخاطر واحنا يا خلاااف نصوتلكم اييي هين اذا صوتلكم المره اليايه
باااي
متى يبطلونه
وهذا اللي بالشامية شبيسون فيه ؟!!
كلموا الاتحاد مو اهمه هدفهم خدمه الطلبه ؟ وصلوا صوتكم و ان شاء الله يتجاوبون معاكم
و على فكره اللي ماسكين اتحاد الجامعه اهمه القائمه الائتلافيه = قائمه المستقبل الطلابي اللي ماسك اتحاد التطبيقي نفسها يعني عندهم نفس الاصلاحيات يعني بالكويتي عنبر اخو بلال
و صاجه كلمه اتحاد الجامعه ماشيه و قلتيها بنفسج حتى بمجلس الامه شنو السر ياترى
و لكن السؤال اهنيه هل تصب في مصلحه الطلبه؟ ماسكين الاتحاد 30 سنه و ما اشهروه للحين يعني مو معترف فيه اصلن – مطالبين بالحضانه الجامعيه من سنه 83 و للحين ما اقروها هذا غيض من فيض الله كريم و عسى الله يصلح الحال
<< الحل بايدكم صوتوا لمن يستحق
يعني بعد سنتين او ثلاث !!
<<< راح اكون تخرجت حسااافه
وعلى الحمامات تكرمون .. فالصراااحه والله لاعت جبودنا منهاا .. تكفي الريحه قطططططع ،
ولا الحمام اللي عند المصلى – استغفر الله – حدث ولا حرج :S امبيه عن جد شي فضيع !!
وبصراحه انا انصحكم تيبون معاكم كلينكس والصابون الورق ،
لان لو بنعتمد على بنات الاتحاد .. والله مابنشوف شي !!!
وعلى قولتكم الكليه مو بس محتاجه حمامات يديده ،
.. والله كل شي يبيله تجديد 
اولها الكافتيريا واكلها اللي زين مانتسمم منه
<< والله ماقام اكل منهم .. اما اتريق بالبيت قبل لا اطلع والا انطر ارد من الكليه واتغدى فبيتنا ..
والمواقف اللي اتم ساعه افتر ادور موقف = وعلى ما احصل موقف الا محاضرتي طايف نصها
ولا هذا قالوا تعالوا بجر @@
انزين ايي مبجر وين اقعد ؟؟؟
اهوو اساسا فيه مكان نقعد فيه ؟؟
والله مرات ايي مبجر عشان احصل موقف واتم قاعده بالسياره والتكييف شغال .. انطر محاضرتي =
.. والله لو بتكلم من الحين لي باجر مابخلص من سلبيات كليتنا .. الله يعينا ويصبرنا بس ،
~{ تسلم ايدج اختي " نيولوفر " لطرحج هالموضوع الحساس جدا ^^
ربي يعطيج الصحه والعافيه غلااااتي ..
& تااااانكيوو
وصدقوا البنات في كل شي قالوه
والله صرت اخاف اروح الحمامات اخاف تنتقل الامراض والالتهابات والبلاوي اللي ماندري عنها
وحاطين لنا مراحض افرنجيه وانتوا بكرامه شنو مايدرون انها مو زينه
المفروض يحطون مراحض عربيه
والله تعبنا مايخافون من ربهم يسرقون ميزانية الكلية وحد يوقف بوجههم
الصراحه احنا ماعندنا رجاجيل مع الاسف
اخ لو اعرف رقم المحامي خالد عبدالجليل والله لفضحهم
سنين ودنين ماشفنا شي بمصلحة الكليه
بس فالحين يحطون سيراميك للارضيه
اش نبي بالسراميك مايشوفون الحمامات الللي تبي هدام من اول وجديد
ولا الجبرات الرخيصه اللي مسوينها لنا والتكييف مستعمل والبيبان والدرايش بوطقه
انا قاهرتني الكفتيريا حدها صغيره بالنسبه لعدد الطالبات
مع الاسف مايخافون من الله مو قد الامانه اللي احملوها
اتمنى ان يوصل الكلام ويهديهم الله ويحسون وينتبهون لنا شوي
أنا أقول مانبي لا كفتيريا ولا استراحات يبه مانبي منهم شي بس خل ينظفون لنا الحمامات لا يرمومونها ولا شي
انا أقترح يحطون خدامة بكل حمام تنظف وتشيل الازبالة وانتو بكرامه اللي بتنفجر من القذارة اللي فيها ويحطون مشرفة تفتر عليهم وتراقبهم بدل ما يشتغلون اطراره .
وما أعتقد هذا الاقتراح اعجاز ما يقدرون يسونة
و أخيرا أقول للادارة ترى النظافة من الايمان
واللي تبي رقم خالد عبدالجليل يطلع على الشاشة لمن يطلع خالد عبدالجليل
والا بس يراكضون ورانا قبل الانتخابات بيوم
رفعي شكواج لهم