|
|
السلام عليكم ورحمة الله وبركاته
هذا اول حمل لي .. ومقررين ولادتي تكون قيصرية لأسباب صحية .. 
بغيت أسأل عن اللي جربوا القيصرية في مستشفى الصباح .. شنو رايهم فيه؟؟ وفي الممرضات ؟؟ والتعامل ؟؟ والعناية ؟؟
وسؤالي الثاني عن (( وحدة العناية بالأطفال الخدّج )) اللي ينولدون قبل موعدهم … هل المستشفى مهتم فيهم؟؟ وهل العناية زينه؟؟
أتمنى ألقى إجابة وافية من الأخوات اللي جربوا الولادة هناك … لأني خايفة مووووت 
مرة اخوي تمدحهم ويعتنون بالي تولد قيصري اكثر
والخدج عندهم عناية فايقة لهم واجهزة وخبرة احسن من مستشفى ثاني
واستخيري والله يسهل امورج ان شاءالله..
الله يسهل عليج ويباركلج بالولادة
اول شي مافي مفر تروحين وتردين على مستشفى الولادة ——->اقولج ليش
امي لما يابت اختي في احلى المستشفيات الخاصة حصل خلل لان امي يابت اختي بالشهر الثامن اول ما اختى انولدت اشفطوها وصار نقص اكسجين وماي بالمخ
تخيلي شنو صار على طول قطو اختى بسيارة الاسعاف وودوها مستشفى الصباح قالو مالنا شغل ما نعرف وهناك بمستشفى الصباح بقسم الاطفال الخدج عناية ولا احسن والحمد لله بس بسبب هالمستشفى الخايس اختى صار فيها اعاقة واحنا الحين بالخارج في بوسطن قاعدين نعالجها صارلنا سنتين
مافي على المستشفيات الحكومية
وانا صارلي 9 شهور من ولدت بمستشفى الولادة الصباح والحمد لله عناية ولا احسن
بس ممكن سؤال ليش قررولج قيصرية؟؟؟؟؟؟؟؟؟
عرفتي ثاني شي اذا انتي مقرين لج ولدج بيحطونه بحضانه مع الخدج يعني تكلفه مادية ويبيلها سيوله انا حماتي اولدت ولدها وحطوة بالحظانه 3 ايام خذو عليهم 1800 وكانت ولادتها طبيعي فأذا عندج مادة روحي خاص احسن والله عناية و يهبلووون وروحي حق دكتورة نجمة بالسلام انا مجربة قيصريه عندها روعه والله ولا تحسين بالقيصرية روووعه وهذي نصيحتي لج والله يسهل علييييج
الله يسهل عليج
جنه ولادتج معاي
بس الصباح حريم اخواني ولدوا هناك وماشافوا منهم الا كل خير ..
وعسى الله يسهل عليج يارب وتولدين بالسلامه وتبشرينا عنج حبوبه
توكلي على اللله ولا تخاتين والله يقومج بالسلامة يا رب
انا سامعه الخاص مايستقبل الولاة المبكرة
احس الصباح خبرتهم اكبر صج ما عندهم معاملة زينه يعني ما يدلعونج بس كافي خبرتهم