النوادي الصيفية

اشلونكم يا بنات الكويت العطلة قربت , و قعدة اليهال بالبيت من غير عمل شي مفيد موزينة , النوادي الصيفية صارت ضرورة خاصة حق الأم العاملة , و حتى الأم المعطلة!! لازم يستيفيدون من العطلة اب شي مفيد .
آنا أول شهر بالعطلة بدخلهم حضانة قرطبة
و بعدين ثاني شهر بدخلهم فليكس مدة اسبوعين بس ( أسبوع فليكس و أسبوع راحة ) و على فكرة فليكس الأسبوع اب 55 دينار و الشهر كامل اب 200
و آخر شهر و قبل المدرسة بدخلهم تقوية لغة عربية

و يالله يا بنات همتكم عطونا أحسن النوادي الصيفية و أماكنهم و أسعارهم خل نستفيد

والله انا بدشش ولدي نادي صيفي بالمدرسة الي بيدشها لانه انشالله بيروح اولى روضه فعندهم تمهيد للروضه بالانجليزي بس مدتة شهر فقط
وترى يمدحون فلكس وااااااااااااااااايد واحتمال ادششهم

عندج ليتل جيم بالجابريه شوفي سايتهم
https://www.thelittlegym.com/gym/special.aspx?gymid=130
و هذا رقمهم 5344844

ياليت نلقى مكان حلو انا مفكرة بالنوادي اللي عندهم خزف ورسم وهالسوالف بس اتوقع بعد الامتحانات يحطون الاعلانات بالجرايد وطبي وتخيري

مشكورة NEW MUM
على هالمشاركة الحلوة
يا بنات تدرون أن النوادي من الحين بادية تفول؟؟؟
آنا حيل خاطري اب kids sport
اب قرطبة يعلمون البنات باليه 3 مرات بالأسبوع اب 50 دينار الشهر بس لقيتا FULL

والله وناسه كتبت رقم لتل جيم حق بنوتاتي بعدين علي الاقل يتعلمون شي ويحبون بناتي الباليه وايد ويفكونه من الحنه

بنات انا ودي ادخل ولدي شي فيه رياضة اكثر مثل الكاراتيه والجودو بس ماني عارفه شنو احسن مكان وياليت تساعدوني.

زين مافى مكان يعلم الاطفال الرسم واساسياتة ؟؟؟؟؟؟؟؟؟؟

مشكورة ياأم بدير وماقصرتي , واذا في اناكن ثانية بعد ياليت تفيدونا وانا ولدي ترى موكبير عمره 3ونص وحاب يتعلم كاراتية.

امس انا قاعدة وادور اي نادي اقدر ادخل فيه بنتي 3 سنين عمرها ومومحصله شي معقول بالسعر وهم بعضهم ماكو تسجيل مكتفين
فليكس قالولي ان عندهم عرض بيخلص اليوم والشهر 128 ، وهم اكو نادي اسمه هوايه في السرة الاسبوع عندهم 32 دينار والشهر 116، لتل جم قالولي مانستقبل والتسجيل عندهم بأكثر من 200، وهم في النادي العلمي تقدرون تسجلون فيه بس مادري بجم…….. انشالله اكون فدتكم واللي تعرف نوادي غير هذيل خلها تحط لنا اساميهم الله يعافيكم

يونو الله يعافيج وين صاير كدز سبورت وجم تلفونهم اذا ممكن. مشكورة

ياليت في مشاركات اكثر
وانا عندي موقع السراج المنير
https://www.islam.gov.kw/seraj/topics….php?cat_id=10

انا بصراحه ادخلهم مركز الرياده

لوسمحتي اختي مركز الرياده اللي حطو اعلانه قبل جم شهر
وجنه رسومهم 99 دينار ياليت تعطينا معلومات اكثر او رقم تلفونهم
واكون شاكرتلج