|
|
.gif "Eh S(17)")
شلونكم بنات؟؟
بنآت انا بنت عمري20 سنه ادرس بالكليه وألبس حجآب وعبآية كتف من كنت بالمتوسط
وبسألكم انا صارلي سنين افكر بالنقاب وعباية الرأس!!
لأن اللي حواليني لمن اطري النقاب يقولون لاتتنقبين ماله داعي
وهمن انا فترات اقول لنفسي نفس هالكلام!!صح ماله داعي!!
ودورت فتوى للنقاب لمشآيخ عده:::
انقسموا لقسمين:
مجموعه تقول فرض: لأنه بزمن الفتن!
ومجموعه تقول مستحب أو فضيله: ويجوز كشف الوجه ومن ضمنهم (ألألباني)
طبعآ الألباني علم من العلماء الكل يعرفه …
فـ أنا قصتي للأمانه دايم احس بظلمه من داخلي وكله ضايقه جذي طبيعتي وشكثر اكره هالدنيا من كثر ما اشوف هالدنيا و الناس اللي تسد النفس والمواقف وكذا شغله ولمن اسمع عن نعيم الجنه وغيره احس أبدا هالدنيا مو السعاده الحقيقيه ولا الحزن الحقيقي!!!!!!!!!
فكنت دايم افكر اني اكمل الدين بحذافيره واتغطى بالكامل عل وعسى ربي يهديني وينور قلبي ويسعدني… لأن في حديث قريته عن الرسول صل الله عليه وسلم يقول:::
"لا يدخل الجنة من النساء إلا كقدر مثل هذا الغراب في هذه الغرابان".
ساعدوني يا بنات شرايكم أخاف استعجل؟؟؟ أبي تشجيع؟؟
وأبي أسأل هل في بنت غيرت من لبسها ولبست لبس شرعي ونقاب وعباة راس وحست بفرق؟؟
من داخلها او نفسيتها او سعادتها؟؟
وشكرا جزاكم الله خير أحبتي
و درجته صحيح
الكل نصحني لاتستعجلين اول شي اصلحي من نفسج واتركي كذا وكذا
لكن اللبس الشرعي دايم في بالي وفعلا لبست عباة راس وتركت المكياج ولبست قفازات(دسوس)
الله يثبتني ويهدي الجميع يارب
وحاليا قاعده احاول اصلح نفسي من داخل واترك المعاصي مثل الاغاني والحش وغيره الله يهديني واياكم يارب
دام ودج تغيرين للافضل لاتتردين ولاتشاورين احد محد فينا بينفع الثاني بيوم القيامه بيوم يتبرا الاب من ابنه والاخ من اخوه
ابتدي من اي خطوه دامها صح وصدقيني بتتغيرين بالتدريج وبيتغير تفكيرج وتثقين بافكارج
اللهم اغفر لي وللمؤمنين والمؤمنات والمسلمين والمسلمات الاحياء منهم والاموات
سبحان الله وبحمده سبحان الله العظيم
توكلي على الله وتنقبي سبحان الله راحــــــــة وفوق كل هذا رضى ربي فوق كل شئ راح تحسين انك ملكة مثل الجوهرة الثمينة وانتِ جوهرة اصلاً وخلي قدوتك الصحابيات وزوجات الرسول صلى الله عليه وسلم ولو تفكرين فيها كل الفتنة بالوجة اقل مثال من حياتنا لو تقدم لكِ خاطب اول شئ راح يشوفه وجهك ماهو يدك او شئ ثاني اختي الحبيبة اسأل الله الكريم العظيم ان يفتح على قلبك وتبشرينة بالقريب العاجل بتنقبك يارب 
موضوع كشف الوجة
https://www.youtube.com/watch?v=ijRiA9zykPI
تفضلي حبيبتي ايضاً :
https://www.youtube.com/watch?v=sT1h2lmerjA
انا سبحان الله لبستها تقريبا من سنه او سنتين والحمدلله
حاسه براحه
وتقربت من ربي وايد ولله الحمد
عسى ربي يثبتنا ويصلحنا يارب
طاعي نفسج وربي مادام تفكرين بنقاب لا تضيعين فرصه البسي وانتي مغمضه
ولاتطعين الناس
صلي استخاره
نصيحه تنقبي
وموضع الفتنة في الوجهه لا في اليد ولا في الرجل الناس ماراح تفيدك في النهاية
الله يثبتك يارب