|
|
السلام عليكم
شلونكم بنات شخباركم ؟ 
بنات صارلي اسبوعين اشتغلت بالمدرسة ابلة اجتماعيات مرحلة ابتدائيه …. مسكوني صفوف رابعه أبتدائي وخامسه .. وطنيه وحياتيه وبلادي الكويت …
وانا ضايعه حدي والبنات الي ادرسهم في ذمتي حرام وانا ادري بنفسي ماني راضيه على نفسي وانا اعطيهم …
مشكلتي الكبيرا شنو ؟؟ دفترا التحضير بنات كلش ماني عارفه احضر كلششششش تحضيري ما فيه افكار ولا ترتيب ولا اي شي وبالقسم الي معاي استحي منهم واحتكاكي فيهم مو وايد منحرجه منهم وما ابي اثقل عليهم وبنفس الوقت ما احسهم لهم خلقي … تقفون بنات ساعدوني شسوي بالتحضير ما اعرف احضر .. واحتمال تحضرلي الناظره خلال هل فترا اليايه .. .وانا لي الحين اطرش بالزفه 
شسوي بالتحضير ساعدوني شسويييييييييييييييييي؟ ؟؟؟؟ 
انا لمن اخذت ماده طرق تدريس دراسات اجتماعيه عطانا الدكتور كتاب
طرق تدريس دراسات اجتماعيه << والله قاعده احوس بالدثره بداري ادوره ماكو؟؟؟
المهم حبيبتي الكتاب هذا اسمه دكتوري فوزي بوفرسن اعتققققققققد اعتقققققد ان ماخاب ظني
انشالله يكون واحد من المألفين
واهو وصااااانا حيل ما نقط الكتاب لمن نتخرج وااااااايد يفيدنا بالتحظير
روحي اشتري الكتاب
وشوفي الفصل الرابع ان ماخاب ظني
كلللللللل الدرووووووس تحضيرها بالتفصيل من الالف الي الياااااء
حتى الحقائق والمفاهيم والتقويم والواااااااااجب يكتبلج ياه بعد شتبين
اتمنى افدتج
حصلتي الكتاب؟؟
وفيه تحضير تقصدين حق شنو انا ادرس مرحلتين رابعه وخامسه وموو بس اجتماعيات .. الي اهي بلادي الكويت .. بعد وطنيه وحياتيه وهم في المرحلتين ..
زين بنات شدعوه كل هل قسم ما فيه الا وحدا ردت ؟؟
مشكوره حبيبتي تسلمين نتاشا الجميله
خرعتيني والله
جوفي سلمج الله
آنا يوم رحت الكورس اللي فات حق المدرسة
جفت دفاتر المدرسات
أمبيه إتينن
خل أقولج شنهي الأفكار ؟
جفت أبلة دفترها عادي
حلو ؟
وأهيا مسوية ورقة a4 بس فيها اطار وجذي
كاتبة فيها
الحقائق
وتحتها نقط وايد عشان تكتب
المفاهيم
التقويم
عرفتي ؟
وهالورقة ملزقتها بكل ورقة بالدفتر
والتحضير تكتبه بخط إيدها
تمام ؟
وحاطة كل ورقة ستيكرز
أمبيه أتونس أتونس
الثانية جفت لاء والله كاتبة بخط إيدها
بس همن مبدعة بالترتيب
ودفترها كل شي فيه
أوراق الاختباارات
اوراق العمل
وهمن حاطة صور تعبر عن الدرس
بالنسبة للتحضير
يعني تبين الخطوات ؟؟
آنا عندي درس أسمه كيف نشأت بلادي ؟
مسوية له تحضير كامل
وتصميم رووعة
لو تبين .. أراويج إياه عشان تستفيدين
والله يعينج يارب
و لا تستحين منهم ما راح ينفعج الحيا
و الله يوفقج
وبالذات دره عسها عالقوه
وان شالله ابلات الاجتماعيات يفيدونج اكثر
ولا تستحين طلبي من رئيسة قسمج ومن المعلمات الي مو فاهمته عشان يساعدونج
آنا كتبت لج تحضير الدرس
كامل
وهمن صورت لج شكل التحضير
لأنه كان درس ريادي
وفضل من الله أخذت 95 بهـ المادة ..
لأنه آنا أصلا الفكرة وجي ساعدتني فيها أبلة ماقصرت ..
ولا تنسيني من دعواتج
جوفي حبوبة ..
درسي كان .. مثل ما قلت لج كيف نشأت بلادي ؟
بداية كل تحضير لازم شيكون ؟
نشاط إستهلالي .. حلو ؟
آنا كان ..
صندوق بداخله شيء ثمين وبجانبه مجموعة من المفاتيح , تختار كل طالبة مفتاح حتى تصل للمفتاح المناسب وتتعرف على الكنز .
( علم الكويت القديم – العلم الحالي – صورة الجمل – صورة سفينة )
وسؤال الطالبات .. ما علاقتها بدرس اليوم ؟
الأهداف :
من المتوقع بعد نهاية الدرس تكون الطالبة قادرة على أن : –
الأهداف المعرفية :
1- تسمي المنطقة التي كان يعيش فيها آل صباح ومن معهم من قبائل أخرى .
2- تعلل أسباب هجرة آل صباح من منطقة الهدار في نجد .
3- تعدد الحرف التي تعلموها آل صباح ومن معهم من القبائل الأخرى .
4- تستنتج سبب تسمية الكويت بالكوت قديما .
الأهداف المهارية :
1- تتبع خطة سير هجرة آل الصباح من منطقة الهدار بإتجاه الشرق وصولا إلى قطر على خريطة شبه الجزيرة العربية .
2- تفرق بين الحرف البرية والبحرية من خلال الصور المعروضة .
3- تكمل خط سير آل صباح من قطر وصولا إلى الكويت على خريطة شبه الجزيرة العربية .
الأهداف الوجدانية :
1- تقد جهود الآباء والإعتماد على أنفسهم لتوفير سبل العيش .
أساليب التعلم :
– المحاكاة
– العصف الذهني
وسائل التعلم :
– مجسمات ( بيت شعر – سفينة )
– صور للحرف البرية والبحرية .
– خريطة شبه الجزيرة العربية.
– جهاز الكمبيوتر .
الأنشطة :
– تشاهد مجموعة من الصور لحياة أهل الصحراء وتصف طبيعة الحياة فيها .
– تشاهد مجموعة من الصور لرعي الأغنام والإبل لتذكر مصادر الرزق في نجد .
– ترسم خط سير هجرة آل الصباح من منطقة الهدار وصولا إلى قطر شرقا , بإستخدام مجسم لوسيلة نقل برية ( الجمل ) على خريطة شبه الجزيرة العربية .
– من خلال الصور المعروضة تستخرج صور للحرف الجديدة التي تعلموها في قطر .
– تصنف صور الحرف إلى برية وبحرية في الجدول السبوري .
– تكمل خط سير آل الصباح من قطر إلى الكويت بإستخدام وسيلة النقل البحرية " السفينة " على خريطة شبه الجزيرة العربية .
– مناقشة الطالبات والإقتداء بأجدادنا في تحمل مصاعب الحياة .
التقويم :
بإستخدام الكومبيوتر ’ تضغط الطالبة على صندوقان فيظهر لها ظل جمل وصوت يتكلم عنه وأخرى لظل سفينة وصوت يتكلم عنها " من أنا …… " وإذا كانت الإجابة صحيحة تظهر الصورة واضحة ..
بما أنه الدرس عن نشأة بلادي
فكان التصميم عن ماضي الكويت .. وجي ..
هذا شكل التحضير من داخل ..
وكتبت لج شنو كان مكتوب داخل ؟
وهذا شكل التحضير من ورى ..
همن تصميمه عن الكويت أول ..
وهذا البوم اللي أستخدمته كوسيلة تعليمية
وهذا همن بيت الشعر
كـ وسيلة تعليمية .. أهم شي الخروف .. لووول ..
لو أستفدتي شي .. دعواتج حبيبتي ..
وبقولج شغلة ..
آنا بديت الدرس بأغنية وطنية
كان بدايتها السلام الوطني
فاالبنات قاموا
وعقب ما خلصت الدرس ,, يوم بديت أصحح ورقة العمل همن شغلته لهم
فكانت حلوة الحركة
وآخر الدرس وزعت كاكاو .. كنت حاطتها بصندوق مبيّت ..
.gif "Eh S(17)")
وباي بمدرسة انت ؟؟؟؟