الناس والقيامة؟؟؟للمناقشة

السلام عليكم خواتي ياارب يكون الجميع بخير
فيه موضوع صاير موضه هالايام اللي هو ربط
كل حدث يصير بالعالم بيوم القيامة وهذا الشي خطأ
حتى انا سمعت الشيخ ابن مطلق يقول ان رب العالمين
ماعلمنا بموعد الاخره عشان ما ننشغل بالتفكير فيها
والدليل قوله تعالى(يسألونك عن الساعة ايان مرساها()فيم انت من ذكراها()الى ربك منتهاها)
يعني امر الاخره بيد رب العالمين وهو وحده العالم فيها والمفروض مانعطي مجال لاحد يتكلم بشي مايعرفه بعض الناس يكون قصده الوعظ وعشان الناس تتوب بس مهما كان المقصد مايجوز لاي واحد يحدد موعد ويقول خلاص هذي القيامه احس الموضوع عند بعض الناس هوس اعوذ بالله لدرجه اي شي يصير قالوا هذي علامات القيامه ومتأثرين جدا بالاشاعة اللي تقول ان 2024نهاية العالم حرام نصدق هالكلام لانه تنجييم وادعاء العلم بالغيب والدكتور سليمان العوده وقف بوجه هالمقوله وقال انا عندي امل كبير بالله ان 2024راح تكون بداية العالم لا نهاية العالم
وانا مااقول لا نجيب طاري الاخره او نوعظ بعض بها لا لكن مو لدرجه الهوس الموجود عند بعض الناس احنا كمسلمين نعلم ان الساعة حق وان العالم يجيله يوم وينتهي لكن الموعد مجهول عندنا حتى الرسول اللهم صل وسلم عليه ما يعرف موعد القيامة فكيف بباقي البشر
يالله بنوتات ابغا من كل وحده تعليق وراي بخصوص هالموضوع خلونا نستفيد من بعض