|
|
السلام عليكم حبايبي
صج الناس ما عاد فيها خير ومنتهم قشرة
بدخل بالموضوع على طول لاني حدي منقهرة وابي حل لهذي المشكلة
انا ساكنة عند حمولتي
انا ما اسوق وتخرجت الكورس اللي طاف من الجامعة وما توضفت هالسنة لاني كنت حامل وولدت و برتاح وبجابل البيبي
وزوجي ضابط دوامة على الحدود يعني يطلع من اليبيت المسكين يوميا الساعو خمس ونص الفجر وزوجي طبعا رافض نهائيا اني اسوق
انا ولدي الكبير بالروضة وحماي وزوجتة بنتهم بالروضة بعد مع ولدي بس مرتة تسوق دوامها بنفس المنطقة وحماي دوامة قيب بس يوقع الصبح ويرد لان مسؤلة بالدوام ولد خالة
عشان جذي حماي كل يوم يروح يوقع ويرد يودي بنتة الروضة و ياخذ ولدي معاهم
ومرات يابنات اقعد ولدي المسكين وألبسة يقول لا بنتي بتغيب اليوم ماني مودية اسكت واقول مو مشكلة واقعد كل يوم بليل اسال خدامتهم قبل لا تنام بنتكم بترروح باجر والا لا لانهم ما يعلمون
الللي قهني اليوم عندهم رحلة بالوضة لشركة الخابز الكويتية وانا فرحانة بالرحلة لان ولدي بيتعلم شي جديد
دق علي زوجي الساعة ست الصبح وقال لا تقعدين الولد لان اخوي ما اح يقدر يودية اليوم قلت لا حسافة والررحلة قال شسوي يعني
الصدمة
يوم قعدت الظهر الا بنتهم جاية من الروضة
طلعت امها موديتها وما خذو ولدي معاهم
انا بعرف شنو بيضررها لو خذت ولدي معاها اهي رايحة رايحة يعني ليش ليش النذالة
انا مابيني وبينها شي وعلاقتنا زينة
وشنو الحل الحين مع زوجي
ومعاهم
ان بنتهم راحت الرحلة وولدي قعد يبكي بكي ليش ما خليتيني اروح
انا اختي مرت حماها تشتغل بروضة بنتها وبنات حماها بعد بنفس الروضة كبر بنت اختي بس اختي اللي تودي بنتها و تييبها تقول مابي اعتمد على احد
وبتشوفين اكثــــــــــــــــــــر مادامج مع الحموله
اسألي مجرب
لكن دوري لج باص او حرمه توديه بدال منة الناس القشرا ..
ولاتعاتبين احد لان مايستاهلون بس ردي عليهم بحركتج انج تأجرين باص يوديه وبسسسسسسسسسسسسسس 
الشرهه مو على مرت حماج !!
الشرهه على ريلج والله !!
يعنييي يتم رابط مصير ولده ويه عيال اخوه بالله !!!
كلمييه قوليله لي متى يعنييي ولدييي بيتم متى ماحضرتهم بيودون ولدهم راح ولديي !!!!
ريلج اللي عليه اللوم مو الناس الثانيه
اللي يقدر يشيل منت الناس من علييج اهو ريلج !!
اتفقي مع سواقه وارتاحي من منة الناس
اذا يا ريلج قوليله وخلي ولدج يقوله بابا شوف فلانه راحت الرحله وانا ماما ما ودتني 
وقوليله اذا ما تبيني اسوق يبلي سايق يعني مايصير احنا كل يوم على هالحال .. وناقشي بهداوه ولا تبينين انج متنرفزه بس بيني انج محتره عشان ولدج
وقوليله انزين هذا حل مؤقت ان يروح مع مرت اخوك باجر اذا صارو بالابتدائي وكل واحد بمدرسه شلوون
وحتى لو بوصلونه على دربهم بالابتدائي مو نفس الروضه عادي يغيب اذا غابت بنت عمه
وان شالله الله يسخر لج قلب زوجج ويلقالج حل
يوم من الايام لما تشوفين زوجج توه ماكل غدا و شبعان عالآخر و مافيه نوم .. كلميه
لازم تقولين حق زوجج يتصرف و يحط حل ..
اما سواق او تشوفين بالروضه في باص ولا لا ..
او يخليج تسوقين
الحين اهو بالروضه ميخالف .. لو يروح الابتدائي شلون ؟
|
المشاركة الأصلية كتبت بواسطة طواري لـ((العنقا))ـيل
 وبتشوفين اكثــــــــــــــــــــر مادامج مع الحموله اسألي مجرب لكن دوري لج باص او حرمه توديه بدال منة الناس القشرا .. ولاتعاتبين احد لان مايستاهلون بس ردي عليهم بحركتج انج تأجرين باص يوديه وبسسسسسسسسسسسسسس |
انا مع رد الاخت حطي له باص ولا سايق ولا تذلين روحج لحد واريح لج ولهم وولدج
وصدقيني لا تحتاجين للناس ابد >>>>>>> حني على زوجج بالسياقه ولا مذلة الناس وقوليله باجر بنتهم تروح مدرسة ما راح يوصلون ولدك لأنه مدرسته غير اشلون لو عنده امتحان !!! شنو راح تسوين ؟؟ خرعيه