الملتقى الثاني لعرايـــــــــ12ـــــــــس***

السلام عليكم ورحمة الله وبركاته

هذا التجمع الثاني لأحلى عرايس شهر12
الحين بنبدي بالصجيه خخخخخخخخخخخخخخخخ يعني قبل جذبيه

قصدي قبل كنا نجهز ع الخفيف
والحين ع الجامد ههههههههههههههههاااااي

ياويل السوق مننا

المهم للإدارة شروط
ولازم نلتزم فيها :
*** اننا مانخلي الملتقى مثل الشات ***
يعني لازم سوالفنا تتعلق بالتجهيز وامور الزواج خخخخخخخخخخخخخ والله احس صار الموضوع صج
اي ونساعد بعضنا
نفس ملتقانا الأول

وابحاول احط الاساسيات اللي بنتكلم فيهم
مع ان الللي بكتبه شي بسيط من اشياء واجد مقدر احصيهم

1 – شنو شريتي
2- من وين اشتريتيه
3- السعر
4- اماكن حلوه ومحلات اعجبتج بتجهيزج
5- شي شريتيه وندمتي عليه
6- اشياء بسيطه وبنفس الوقت مهمه وتتوقعين انها ماراح تجي في بالنا
7- تجربتج مع العناية بالجسم والشعر والبشره
8- صالونات تتعاملين معاها وحيل معاملتهم حلوه وتستاهل السعر
9- مواضيع اعجبتج بمنتديات ثانيه انقلي لنا الموضوع بدون الرابط يعني قص ولصق
" تتعلق بالعناية بالجسم والشعر والبشره ،وتتعلق بالمكياج والماركات "
10- شنو تتوقعين موضة هالسنه او ال2010
11- شنو اكثر شي هابين فيه بالسوق
12- رحتي السوق وشفتي تنزيلات ..حطي المحل واسم المجمع
13- نتفق بعد العيد ان شاءالله على اننا نشتري المكياج من الالف إلى الياء
14- تجاربكم الحلوه مع تاجرات منتدى كويتيات
15- تجاربكم مع مشاغل الحريم
16- فناتك التجهيز

اممممممم

وبس

ماعاد عندي افكار

اللي تدخل بعدي وفي شي نسيته خل تضيفه

يارب يوفقنا كلنا ويسخرنا لزواجنا ويسخرهم لنا ويكفينا شر الانس والجن

وان شاءالله بكتب موضوع كامل كله ادعية الزوجه للزوج>>>> هديتي لكم بس بعد الامتحانات ان شاءالله

والله يوفقنا لما يحبه ويرضاه ….

أنا ببدي شغله حلوه وكنتوا تتناقشون فيها الاسبوع اللي طاف

الا وهي البوكسات مالت الملابس الداخليه وقمصان النوم

رحت ايكيا وشفت عندهم بوكسات شفافه وفي الوان شفافه بعد حلوين
انا فكرت اشتري بوكس مقسوم بالنص نص للستيانات ونص للأندر وير وبوكس لقمصان النوم
وبوكس للملافع واغلفهم بدانتيل اسود واحط فيونكا فوشيه او احمر بيطلع خيال

وبدور فراشات سلفر وورود لون احمر واحجار ملونه شفافه عشان ازين العطور بالتسريحه

وبشتري 3 علب صغار نظام الوان وكرستالات بحط فيهم بخور الكمبودي والبخور اللي اشتريه بالتوله

وبشتري خام جاكار للحين مافكرت باللون وبسويه مثل جياس القرقيعان عشان كل جيس احط وانتوا بكرامه نعالي الكعب الكشخه
وطبعا الجيس بزينه بس للحين مافكرت لا باللون ولا الشكل

اللوشنات بروح نكتار وبروح زهور الريف بشهر 11 ان شاءالله وبشتري كل شي منهم
اشتريت من بدي شوب لمن رحت مكه مجموعه جديده بريحة ورد الجوري حدهاااااا تحطيـــــــــم

حيل يمدحون معرض رمادا
ان شاءالله لمن يفتح برمضان بروح له الحين ما اقدر بسبت الصيفي

عرض لابرجوازيه ماكان للبدله البيضا
كان لملابس السهره
انا متصله عليها وقالتلي
الحمدلله اني مارحت خخخخخخخخخخخخخخ

وبس تعبت خخخخخخخخخخخخخخخخخخخخخ

الافينيــــــــو كله تنزيلات

بس مافي شتوي

انا خلصت الملابس الداخليه وشطبت عليهم
البجايم خلصتهم خخخخخخخخخخخخ بس للحين موشبعانه منهم كل ماشفت بجامه حلوه اشتريتها
امي تقول ان دخلتي محلات البجايم ذبحتج خخخخخخخخخخخخخخخخخخ مالومها

بحاول اخلص اكسسواراتي الاسبوع الجاي
وبفصل نيقاب سير بس من ورا ربطه : عشان لو رحت مكان ماتلعوز وانا اقطه .. عرفتوا قصدي خخخخخخخخخخخ مصيبه شلون بصير مدرسه وانا ما اعرف اشرح خخخخخخخخخخخخخخخخخخ
قميص اول يوم >مدري من وين اشتريه …!!
ابي ساعه متروسه شوار فسكي بس همن مدري وين بلقاها …؟!
بشتري البديكير والمنيكير من الجوثن وبجيب لي وحده بالبيت تسويلي بغراضي وهمن مو عارفه احد يجي البيت

<<<< عجل شنو تعرفين ههههههههههههههههههااااي

بشتري بودرة للجسم طعم حلاو وريحتها فريش من وجوه لاتطوفكم رفيجاتي شارينها وحدها حلوه

الف مبروك افتتاح الجزء الثاني للملتقى

وعسى الله يوفقكم يارب

ويليت تراجعون هالرابط قبل ما تبلشون بسوالف التجهيز والعرس

https://www.q8yat.net/showthread.php?t=324958

هلااااااا حناين
الله يبارك فيج ياقلبي
تسلمين ومااااااااااتقصرين واجمعين ان شاءالله

مبرووووك الافتتاح .. وان شالله كل عرايسنا يستفيدون

الف مبروك افتتاح الملتقى الجديد

لوليتا
كبرياء انثى
الله يبارك فيكم
ويسلموووووو ع المرور

مبرووووووووووووووك مبروووووووووووك
كلولولولويييييييييييييش
جعله مجلسن مبااااااااااااااارك
عشـاااااااااااكم الليله علي
وصااادقه الحين بداا الجد
وانا بعد نفسج
شطبت علي قمصان النوم بس باآقي اول ليله
وشطبت عالبجايم وبدل الشقه بس يبيلي كم برموده
وخلصت طقم الفوط والاكسسوارات يبيلي شوي بس واخلصهم
خلصت الجواتي والجناط كلها بس يبيلي وحده ماركه
شريت لي ساعه من قس
والعطور والمكياج بنطر معرض ليالي شرقيه بيفتح في رمضان فيه كل الشركات اللي نحتاجها
وباقي شغلات واجد

هلاااااااااااا همووووووووووووس
ياقلبي قلبج
انا بعد باقيلي من كل شي شي صغيرون
شريتي قس الذهبيه ولا الفضيه …؟

كل التوفيق لكم ..

وجد جد .. لاتنسين تدعين ان الله يهديه لج ..

هذا اهم شي ..

ولاي استفسار .. حاضرين ..

توني مخلصه تجهيز وعندي خبرة باللي تبون ..

تستاهلووون

هلا فيج يا حياتي
لا ذهبيه بس جلدها ابيض

سجلي عندج قبل لا انسى مثبت المكياج بخاخ تحطينه بعد ماتخلصين من مكياجج من ماركة ديور
وبيس يثبت الشدو من ماك
وكونسيلر من ماك

انا مسجلتهم عندي بس بشتريهم بعد العيد

واي معرض اللي تتكلمين عنه …؟
وين مكانه..؟
ومتى يتبطل ..؟

<<< صرت المحقق كونان خخخخخخخخخخخخخ

ملاك العنزي
يعطيج العافيه يا الغاليه وتسلمين
الله يوفقج ويجزاج الله الف خير

يسلمووووووو ملاك ع المرور
وتسلمين ع التذكير ماقصرتي ياقلبي
وانتي بعد مري علينا
وقوليلنا شنو اكثر شي استفدتي منه…؟
وشنو الشي اللي شريتيه وتحسفتي…؟