|
|
السلام عليكم إخواتي الحبيبات
أنا انقبلت من شهر في وزارة التربية (( إدارية )) – بكالوريوس
و رحت راجعت و قدمت الأوراق
و قالولي نطري منا اتصال خلال ثلاث أسابيع
و ما عطوني ورق الصحي و لا أي شي
الحين خلاص الأسبوع الثاني خلص
أراجع على طول الإسبوع الياي ؟ و لا بيماطلون ؟
و ليش بطيئين جذي ؟
و المفروض شنو بيسوون ؟ مقابلة و لا يعطوني أوراق الصحي ؟
و شسوي بالمقابلة إذا قالولي تحطني بمكان وايد بعيد عن بيتي ؟
ظروفي المادية و الأسرية ما تسمح بأي تأخير أو رفض
و محتاجة الشغل فعلا و متوترة من الكلام اللي أسمعه
و متى أباشر الشغل إن شاء الله ؟
و سؤال ثاني أدري طولت عليكم : شنو أحسن بنك أسوي عنده حساب للراتب , أبي بنك ما يتأخر لأن ظروفي ما تسمح في رقبتي مسؤوليات و ناس وايد .
أفيدوني أفادكم الله
هلا حبيبتي مبروك الوظيفه
انا بعد مقبوله بالتربيه وقاعده اسوي اوراقي
الحين خلال ٣ اسابيع راح يدقون يقولون لج وين تعينتي بالضبط ٣ اسابيع بالضبط مادقو روحي لهم رفيجتي قعدت شهر ونص مادقو عليها وراحو قالو لها اوراقج خالصه بس البنات نسوا يدقون ترى باردين لاتعتمدين عليهم
اذا رحتي راح يعطونج اوراق الفحص روحي ومعاج ٣ صور شخصيه وتروحين المركز الطبي بالصباح ياخذون منج عينة دم واوراق تحليل بول عز الله القارئ واشعه تسوينها بمستشفى منطقتكم تسوينهم من باجر يطلعون تاخذينهم وتردين للمركز الصحي تدشين عالدكتوره فحص نظر وصدر ويقولون لج بعد اسبوع تعالي تردين لهم بعد اسبوع يعطونج اوراقج تودين الاوراق للوازاره واسبوع بالكثير تاخذين مباشرة العمل وبنفس اليوم الي تاخذين فيه مباشرة العمل تروحين مكان تعيينج يحددون لج القسم وتداومين
وموفقه ان شاءالله ، يارب تتعينين بمكان ترتاحين فيه
والله يوفقج
اما اجراآت الوزاره ماعندي فكرة والله.. بس شنو تخصصج!! لان في تخصصات يرضون ياخذونج مدرسه عليهم!
بس بعرف اذا قالولي مكان بعيد عن بيتي شقولهم لأن ما عندي سيارة
هل فيه مجال اناقشهم بالمكان و لا بيرفضوني ؟ حدي خايفة
اخت غالية و اخت اميرة تسلمون الله يبارك فيكم .
هالبنك ما يتأخر بتسليم الراتب ؟
و صج التمويل اول واحد يحط الراتب و لا لأ
لأن وراي مسؤوليات ما تتحمل التأخير
اخت غالية انا تخصصي نادر ادارة تجارة دولية ماكو بنات متخرجين منه نهائي غيري
بس ما اتوقع يحطوني مدرسة مع اني اتمنى و الله
مافيه رابط بالمدرسه ولاالمنطقه التعليميه
لاني تخصصي محاسبه وقالولي اذا تبين صيري مدرسة حاسوب بس انا مابي التربيه
والله يوفقج يا رب ويفتح عليج ويسهل امورج.. ويرزقج الي يرضيج
اخت غالية انا دارسة محاسبة و تكنولوجيا معلومات بقولهم يا رب يوافقون و الله يجازيج خير على النصيحة الطيبة و الاهتمام
اخت اميرة انا بحول الراتب مبدئيا عليهم عشان ظروفي و لما ان شاء الله الله يرزقني بشوف بنك ثاني
الله يباركم فيكم اخواتي و الله بردتم قلبي و ريحتوني تسلمون
دقوا علي قبل اسبوع وسويت مقابلة
و الحمدلله نجحت بس ما دقوا علي للحين عشان اسوي اوراق الفحص