تخطى إلى المحتوى
الرئيسية » المعهد العالي للإتصالات والملاحه !

المعهد العالي للإتصالات والملاحه !

السسسلام عليكم ورحمة الله وبركاته

مبارك عليكم الشهر وعساكم من عواده

بنات عندي كذا سؤال وابي مساعدتكم

بنات حبايبي بخصووص اللي كملوا دراستهم بعد المعهد شلووون ؟

بنات انا الحين رايحه كورس ثالث

بس الكورسات اللي طافت ماجبت امتياز

كانت عندي ظروف

والحمد لله الحين هانت

وان شاء الله على هالكورس ناويه عالامتياز

بس بغيت اعرف هل فعلا يصير اكمل هندسه بعدها ؟

وشلون ومتى وليش لووووول

بس جد بنات اللي عندها خبره او سوت جذي ي ليييت تفيدنا

وبعد عندي سؤال خليجية

اللي تخرجت من تخصص إلكترونات

شنووو توظفت

سوري عالاطاله بس مساعدتكم خواتي خليجية

انا سمعت ما يصير اللي يتخرجون من معهد الاتصالات يكملون

الا اذا دراسه على حسابج

لا تكفييين عن الاحباط خليجية

امبلا يصير

قالي استاذ اتخرج مساعد مهندس بعدين اقدر اكمل وادرس هندسة الكترونات

بس شلووووون خليجية

ي رب التوفيق

من متى صار عالي ؟
وترى الالكترونات تخصص حلو وتتوظفين عالخامسه وثلاث علاوات واغلب الوزارات ياخذونج
بس سالفة التكمله ماعندي فكره
للرفـــع

انا تخصصي الكترونات والحين قربنا تخلص الميداني … يصير تكملين بس برا الكويت وعلى حسابج بس يسوون المعهد منحه حق ال١٠ الاوائل يكملون برا على حساب الدوله …
واحنا مسمانا فني
واللي يتخرجون من كليه التكنلوجيا هذول مساعد مهندس ….
مووووفقه .
أجل الأساتذه كل واحد يتكلم من كيفه
:‏(‏

الله كرييييم خليجية
بس ماراح أوقف بشد حيلي أن شاء الله وبدرس برااا هندسه

أنا متأكده يصير بس بعرف شلون

مشكورين بنوتات ي قلبي

وأحلى البشر من دخلته وهم يسمونه العالي لووووووول

الله يوفقنا ي رب

اي شدي حيلج وكملي برا دام ظروفج تسمح خليجية ويقولون بعد جم سنه احتمال يبطلون بالكويت جامعه تقبل تخصصات معهدنا
صج

الله يبشرج بالخير ي قلبي
والله يوفقنا ي رب بصراحه أنا أشوف موادنا صعبه عاد الكورس الثالث مادري عنه الله يهونها علينا ويوفق كل الطلبه ي رب

والله انا عيزت ادوور طريقه اكمل فيهااا

انا الحين صارلي 4 سنين متوظفه

الحين باخذ اجازه دراسيه وبكمل

بسجل عن طريق التعليم العالي بس بكمل بالبحرين

وايد ناس اعرفها مسويه جذي

لان بالكويت مافي

احنا مسااكين الكويت مترووسه جامعات خاصه ولا نقدر نكمل فيهاا

ظلم والله ظلم

اولا لازم الشهادة الثنوية علمية ثاني شي اتيب جدر ماي وتنقع شهادة المعهد وتشربها عشان التعليم العالي موقف الاعتراف في المعهد و ما يفتح ملف الا حق الثنوية علمي حق الهندسة ويدرس من الصفر و هذا الموضوع مطبق من شهر 6
شنو فايدة الامتياز اذا ما عادلونلكم الدبلوم
بس انا اعرف ناس تكمل بالبحرين

وشهاده الثانويه ادبي

وتكمل هندسه

معادلين لهاا بالجامعه الخليجيه سنتين و تكمل سنتين

من 5-5-2011 التعليم العالي ما يفتح ملف حق اي واحد عندة دبلوم من الاتصلات و ملاحة . لا و اذا تبي اتكمل على الثنوية لازم اتكون الثنوية علمية فقط وستفسر من الارشاد و التوجية مبنى 4 الاخت بسمة او الاخت المغربي عشان اتصدقون . والبحرين معتمدين فيها جامعتين حكوميتين بس وطالبين 80% في شهادة الثنوية العلمية عشان اتكملون هندسة . اذا احد عندة 80% يدخل معهد الاتصلات وملاحة او طاقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.