|
|
السلام عليكم ورحمة الله وبركاته
الحجامه والله ياناس فيها نفع موطبيعي
اكيد بتقولون شيء موجديد لكن المثل يقول اسال مجرب لا تسال طبيب
بعطيكم شرح
الرسول عليه الصلاة والسلام قال بما معناته بيت الداء المعده يعني ان مشاكلنا وامراضنا كلها تجي من المعده
لو تلاحظون بالماضي ماكان فيه امراض مثل الي موجوده الحين ولا كان فيه عقم الا نااااادر الحين صار العدد كبير والسبب طبعا اكلنا بالوقت هذا
القصد الاكل المسموم والمهرمن والفاسد لما ناكله بيتحول مع الوقت لسموم متراكمه بالجسم مما يؤدي للمرض مع مرور الوقت
ممكن تتجه السموم للراس مما يؤدي لصداع او امراض بالرأس او تتراكم السموم بالقدمين مما يؤدي الى الام المفاصل والركب او او او
الحجامه هنا عملها انها تزيل السموم من الجسم مثلا لو كان عندك مشكله بتكيس المبايض مثل الي كانت عندي بعمل حجامه على المبايض من الخلف مره بعد مره لحد ما تروح السموم الي متراكمه فيها ويزول المرض الي نتج عن الدم المتراكم
بعض الناس بيقلون عملنا حجامه ما فادت
الحجامه مثلها مثل الدوا مافيه دوا في الكون من اول مره بيزيل المرض كل شيء يبي مثابره ومتابعه
احنا مساكين نركض ورا ادويه كلها هرمونات تزيد المرض مرض ومنشطات تسبب اكياس وتكيس وتخل نظام الجسم كله
المهم بنات انا مثال كن فيني تكيس وعالجته بالابر وجاب لي اكياس ماي بعد
يعني بدل لا حل مشكله جتني مشكله ثانيه
طبعا حلها اكل حبوب مانع ورفضت ورحت عملت حجامه مرتين والحمدلله راحت مع انها ثلاث اكياس وخلال اسبوعين بس ولله الحمد وهرمون التكيس الي هو هرمون lh كان مرتفع خمس اضعاف والحمدلله تقريبا صار طبيعي
قال رسول الله صلى الله عليه وسلم: (أخبرني جبريل أن الحجم أنفع ما تداوى به الناس). صحيح الجامع 218
ولوتبون اقولكم قصص كثيره عن الحجامه وعجائبها بتنبهرون
القصد اعملو حجامه كل شهر في ايام 17 او 19 او 21 من الشهر الهجري وهي افضل اوقات عمل الحجامه
عن أبي هريرة ، قال رسول الله صلى الله عليه وسلم: (من احتجم لسبعة عشرة من الشهر ، و تسعة عشرة ، و احدى وعشرين ، كان له شفاء من كل داء). حديث حسن أنظر صحيح الجامع 5968 .
لاحظو شفاء ن كل داء
ولا تستعجلون على النتيجه شوي شوي بيستعيد الجسم نظامه وبيشفى من المشاكل الي فيه
نصيحه اعملو بحث عن الحجامه عن طريق قوقل وشوفو النتائج المبهره لها
الحجامه الحين تعالج امراض حيل صعبه مثل السرطان والايدز وووو ليش ما تعالج مشاكل ابسط
انا مستعده اعمل لكم دوره عن طريقة عمل الحجامه واشرح لكم كيف تتعلمونها وتعملونها لازواجكم ولاهلكم
وبالمقابل علموها لازواجكم عشان يعملونها لكم
ويكفي ان الحجامه سنه نبويه وفيها اجر كبير
للاسف ما اعرف رقم حجامه انا اعرف انه فيه كذا وحده بالكويت بس والله ما اعرف ارقامهم لكن بسالكم ان شاء الله
بالنسبه للدوره ما لها شغل المهم الايام المذكوره بالحديث
7785073
ومشكورة اختي على موضوعج
انا كان فيني هرمون الحليب وعيزت وانا اخذ بهالحبوب وماكو فايده
والله اني يوم سويت حجامه واهي مره وحده بس وبعدين سويت تحليل للهرمون تفاجأت ان رجع طبيعي من غير ادويه سبحان الله
اختي بابلو
انا سويت الحجامه عند ام عمر والله كانت ممتازة وخوش مره
والله يوم سوتلي الحجامه قالت لي انتي ماخذه ادويه بالفتره اللي طافت ؟
قلت لها اي قالت لي ان الادوية وايد مأثره على جسمي وكان لازم اسوي حجامه عشان اتخلص من آثارها .. وانا ناويه ان شاء الله اسوي حجامه مره ثانيه بعد العيد