المدرسه ما سلمت ولدي جدول الحصص شسوي .؟؟؟؟

صباح الخير… شلونكم بنات

ولدي بثالثه ابتدائي.. والكتب ماشاء الله كل واحد اثقل من الثاني حتى الجنطه تكسرت توايرها من كثر سحب هالكتب والدفاتر والملفات.. لا ولازم كل يوم يلبس لبس الالعاب ما ندري بالظبط متى عليه … ولما راح لهم زوجي قالو مو مننا ما عندنا مدرسين الاغلبيه انتقلو شكو هالعذر بالجدول ما ادري…

وبعد ما يعطونهم خطة الواجبات وانا انغثيت حييييييييل وماني عارفه شسوي مع هالمدرسه الداشره … مدري اروح اشتكي بالمنطقه التعليميه والا وين ارووح وربي يكسرون خاطري ولدي وربعه من هالاثقال اللي شايلينها

الله يعينج
انا سمعت من البنات ان الاسبوع الياي في امتحانات حق الابتدائي بس مادري اي صف

والله مادري شنو اقولج
بس روحي كلمي الناظره مره ثانيه

كلمناهم اليوم وقلنا اذا ما وزعتو الجدول ترا باجر بنروح المنطقه التعليميه والا اشواا وزعووه عليهم ناس ما تجي الا بالتهديد

ويي انا نفسج اخوي اولى ابتدائي عطوووه الجدول بس مايدري وقاااطه وكل يوم امي عند المدرسه تبي الجدول والجدول عند الوكيله والوكيله كلا طالعه مشكله ولله هالمداااارس مسكين الكتب ملوته واايد شكلي بخلي امي تسوي نفسج

وااااي الله يعينكم عاد الا الجدول صج الياهل يتاذى بثقل الجنطة

روحي المدرسة وكلمي الناظرة لو كل يوم يعطونهم جدول اليوم اللي وراه

…, كلش مو عذر منطقي !!
شحاله … روٌحي مره ثانيه ودخلي ع الوكيله او النآظره ع الاقل تعرفين بس آيام الموآد غي الآساسيه ~

\