المتزوجه واللي مو متزوجه تدخل .

ببدى الموضوع بدون مقدمات في هذا القسم وايد مواضيع حق بنات محتاجين نصيحه ومساعده وعندهم مشاكل
مو محتاجه احد يزدها ولا يعقدها يا بنات انا لاحظ ردود بعض البنات الله يهداهم كلها شر اللي تدعى واللى تسب وتقعد تقول كرامتج ومادرى شنو ونص هالبنات مو متزوجين ولا متزوجين بس مو فاهمين شنو الحياة الزوجيه ….
كل علاقه فيها مشاكل حتى علاقتج انتي مع اهلج مع صديقاتج يعني لما تتهاوشن مع ريلج هذا شى طبيعي وفي بعض البنات مايعرفون شنو يحلون مشاكلهم ويبوون مساعدتكم ليش تقعدون تزيدون النار حطب ….
لا يا بنات هذا مو تصرف … يعني بالعربي اللي عندها شى يفيد تتحجى واللي ماعندها تسكت احسن لها …
يعني قبل فترة قريت موضوع عن وحده تتكلم عن اختها والردود كلها سبون باختها ليش عيب لو مهما كان
المفروض محد يتعدى حدوده هذى اختها … حتى مشاكل المتزوجين اللي تدخل وتقول خلى يولى خل يحترم نفسه
عفوا بس بصفتج شنو تتكلمين عن ريلها جذى وانتي اللى كاتبه الموضوع شنو ترضين احد يتكلم عن ريلج وابو عيالج
بهالطريقه وكل من هب ودب ياي يعلمج شنو تسوووين وياه والمشكله اهما مو عارفين شنو شخصيته شنو طبعه شنو يحب شنو يكره لا ينات الحياة مو جذى …. بنفس الوقت اقول في بنات الله يخليهم لاهلهم يعرفون شلون يهدون البنات وشلون يحلون المشاكل بدون اى كلمه تجرح صاحب الموضوع وعارفين الحياة اخذ وعطا فعلا يزاهم الله خير …

احب اقول حق كل وحدة متزوجه لا تتوقعين ان الحياة الزوجيه لازم تكون خاليه من المشاكل لان هذا مستحيل الله خلقنا جذى ولا تقولين كرامتى وما كرامتى لو فعلا عارفين شنو الزواج راح تعرفون ان انتى وزوجج واحد وكرامتكم وحده واذا غلط بشى كان غلط ع نفسه لما تقولين له جذى راح يستوعب كل تصرافاته … ونصيحه بنات كلنا عندنا مشاكل بس مثل مافى يوم مر في ايام وايد حلوة .. وحطى في بالج اذا دارت اى مشكله بينكم اول شى فكرى فيه هل اهوا يخاف الله وياج يعني ما يسوى الحرام والعياذ بالله .. معناتها خلاص كل شى يهون وكل انسان يغلط وعادى اذا سامحتيه هذا زوجج اذا الله يغفر انتو يا البشر ما تغفرون ….