|
|
ارجوووووووووكم راح اولد وما ادري وين
اللي ولدت جريب من يوم الى 3 شهور تقول لنا عن المستشفى والدكتوره
ارجوووووووووووكم
ما ادري وين اروح كل ما افتح ملف في مستشفى اسمع مصيبه وتعبت .. وايد تعبت
ساااااااااااااااعوني
اب ااب
انتي راجعي بمستشفى عند دكتوره شاطره وبس
منو اللي راجعتي عندهم؟؟؟
حبيبتي ماعليج من كلام الحريم الولاده سهاله من رب العالمين هو الي حطه في احشائج وهو الي بيخرجه من احشائج ….ونعم بالله
انتياخذيلج فره عالمستشفيات كلهم و شوفي غرفهم و قسم الولادة و شوفي اسعارهم و اللي يعجبج صلي استخارة و توكلي عالله
انا والدة مرتين برويال حياة و من اروع مايكون
اختي والدة مرتين بالمواساة و تمدحه وايد
رفيجتي والدة مرتين بدار الشفا و تموت عليه
وحدة من اهلنا ٥ ولادات بالهادي و ما تفكر بغيره
يعني انتي و تجربتج و الله يوفقج و يسهل
عليج
انتي بس حددي الدكتورة اللي بتولدين عندها وتوكلي على الله وخلي الدعاء دايما على لسانج وانشالله التساهيل من ربج
بالنسبة لي ولدت من سنتين ونص بالهادي .. زوينين بس السسترات والدكتور كانو زينين
ونظافة الغرف لاباس فيها .. بس مشكلتها الزحمة
بس للحين ما لقيت دكتوره والسبب الخوف من المستشفى اولا والغالبيه
يتكلمون عن دكاتره رياييل ثانيا
دشيت موضوع دخلي وتكلمي عن دكتورج او حطي توقيع باسم دكتورج (((( كله رياييل دكاتره !!!!!!! ))
يعني شويه متناثره دكتورات لكن من بره المستشفى
الحين سؤل … البنات بقسم الحوامل ..
شصار معاهم .. بأي مستشفى !!!
شفت كم وحده كله قيصريه !!!
يا رب ساعدني
بس حبيبتي نصيحه لا تسمعين كلام الناس
انا كنت ادور دكتوره زينه الصراحه شاب شعر راسيً
البنات وايد يبالغون واكثر شي اسمعه كله تولد قيصيري !
يعني بيدها ولا شنو ؟؟ حتا دكتورتي شفت موضوع عنها انها كله تولد قيصيري مع انه مولده خواتي ٣ مرات طبيعي
المستشفيات الي سمعتها زينه
دار الشفا
السلام
اما الامومه والسيف هذيل يديد وما عندهم خبره كثر الباجين
رويال حياه انا ما يعجبني واحس الكشخه اكثر من الاهتمام !! *
في د.فرجينيا ود.شاديه ممتازين
والله يهون عليج