اللي عندها معلومات عن حالات مشابهة تفيدني بالخدج

السلام عليكم ورحمة الله وبركاته

الحمدلله على فضله ومنته

رزقني الله بطفل مولود قبل موعده في الأسبوع 32 .. ولازال في المستشفى في حضانات الخدج

لكن الدكاترة يقولون انه فيه تضخم براسه بسبب تجمع السائل الشوكي .. وانا حاولت ابحث عن هالحالة لقيت اسمها hydrocephalus أو بالعربي ( استسقاء الدماغ )

والدكاترة للحين يتابعون حالته وحجم الراس .. عشان يقررون اذا كان يحتاج لجراحة وزراعة انبوب أو لا

ياليت اللي مرت مع طفلها بنفس هالحالة تفيدني بمعلومات عن العلاج وشنو صار معاهم

أو أي احد سمع عن حالات مشابهة

فيدوني جزاكم الله خير

ولاتحرمونا من دعائكم له بالشفاء

ما عندي فكرة
الله يشافيه

عندي حماتي جذي يابت خديج بالشهر السادس ونفس حالت ولدج وحطوله انبوب وماشاالله شالو لمن كمل 4 شهور ومافي الا العافيه عمره الحين 8 او 9 شهور بس شكله اصغر لانه ضعيف

ماي الورد

جزاج الله خير

،،،

يارا

يعني الانبوب بس حطوله فترة معينة ؟؟ انا حسبالي يظل معاه طول عمره

زين وين سوت العملية له ؟ بالكويت والا برا؟

والله يجزيج خير ان شاء الله

و الله ما ادري الله يشافيلج ولدج يا رب

جزاج الله خير .. ماقصرتي

عسى الله يشافي ولدج شفاء لا يغادر سقما

الله يشافيه
انا بنتي يبتها بالاسبوع 28 يعني 6شهور واول اسبوع من السابع وكان عندها نقص اكسجين الرئه مو كامله وثقب بالقلب
بس سولها العمليه وحق الرئه ابر ليه عمر سنه او اقل وظلت شهرين ونص لا تحاتين دامه بالحكومه اهم احسن حق الخدج والي عندهم العنايه المركزه انا بنتي بالصباح كانت والحين عمرها قريب السنتين مافيها الا العافيه

ام عفراء

للاسف ماعندي فكره

اللهم رب الناس اذهب الباس اشفي انت الشافي لاشفاءه الا شفاؤك شفاءا لايغادر لسقما
اسال الله العظيم رب العرش الكريم ان يشفي ولدج شفاءا تماما
اللهم اميييييييييييييين

اللهم امين

اللهم امين

جزاج الله خير

الله يخلي لج بنتج ويبلغج فيها ، والحمدلله على سلامتها

والحمدلله اناولدي الحين طلع من المستشفى بس للحين نراجع فيه حق راسه في مستشفى ابن سينا

والله يشفيه ان شاءالله

ومشكورة حبيبتي عالمشاركة

اللهم امين

جزاج الله خير حبيبتي ماقصرتي

جزاج الله خير