اللي سوت تجميل للمنطقة الحساسه من بره

بسم الله الرحمن الرحيم

انا الحمد الله متزوجه ولي سبع سنوات وجبت بنوتتين وولد
لكن بعد الولادات الخياط عندي مو ظابط شكله

وبعد من كثر استعمالي للشيره احس ترهل

وبعدين قعدت اقولب بالجريده بصفحه اللي يكتبون فيها اسماع العيادات لقيت دكتور ما اذكر اسمه الظاهر كمال شي جذي او جمال بتاكد من اسمه وارد اقول لكم
المهم ندخل بالموضوع
هو الوحيد اللي كاتب اشكره انه يسوي تجميلي للمنطقه الحساسه
دقيت وسالت ردت علي سكرتيرته قالت لي عاديه العمليه
المهم انا خايفه وودي لو مره تسويها احسن
بس وين تلقين الافضل والاحسن
لاني قلت اول شئ بسوي له تجميلي وبعدين تقشير وبعدينليزر
بظبط نفسي بعد كل هذا حق منو اكيد حق ابو الشباب:
ناطره ردووودكم

اشدعوه

تسعه اللي مروا ولا تعليق
وله وحده تعرف وحده سوت
انا ادري انه الموضوع حساس
لكن يهم كل مره متزوجه

والله ماكو ماعندي فكره بس شنو قصد بالتجميلي هو التضييق والتصغير والا الشكل الخارجي
سوري بس بعرف
حالنا من حالج بعد نبي نتكشخ

لا الخارجي
لان شكله من بعد الولادات مو ذاك الزود من الخياط والترهل
يختي متغير احس يمكن من كثر حف الشيره
ابي اعرف دكتور وله دكتوره شاطره وله احد سوه هالعمليه
لاني سويت سيرج بالكمبيوتر
طلع لي بلاوي انه يتفخونه الشفرتين اللي بره مثلا اللي عندها مترهل
او يساوون الشفرتين اللي داخل
عااد انا حده مو متساوي
ومره سالت اختي مو متزوجه جان تقول والله حتى انا لايعه جبدي منه الشفرتين اللي داخل مو متساوين
يمكن طبيعي
او يختلف من شخص لي شخص مثل اختلاف الملامح
المهم والزبده ابي وحده مجربه ومسويه تجميلي من بره

اكو احد الحين مايسوي تجميلي حرام عليج روحي سويها وافتكي وترى الكل يسوي حريم ولا رياييل المهم امراض نسا وولادة روحي اي مستشفى دار الشفا ولا المواساة دشي على الدكتورة وقوليلها ابي اسوي تجميل الي من برة وداخل وراح ترجعين بنوووووووته والشكل راح يتغير ولا ترهلات ولا شي وابو الشباب راح يكيف المهم روحي سويها وتوكلي على اللله بس ترى اهيا مؤلمه شوي اول شهر راح تتعبين وبعدين تحسين بالفرق وتتحسفين على عمرجليش ما سويتيها واذا تبين اي استفسار انا حاضرة

من صجكم بعد ماظل شي والله انتوا بدعتوااا
الحمدلله على العافيه

انا اذكر سويت تجميلي عقب ولادتي صج شكله غير شحلاته وتسكرت حيل بس مؤلم وسويتها في مستشفى السلام صج يذبح يعور يالله طاب العوار بعد 20 يوم
بس ناويه اسوي تجميلي بعد ولادتي بعدين لان النتيجه بالنهايه حلوه وشي سوي وتوكلي على الله
وانا رفيجتي هم سوت تجميلي من غير ولاده صج عورها بس حيل كيف زوجها مايفارقها كله مقابلها_03ba:

ههههههههههههههههههههههههههههههههههههههههههه

يعني تضييق .. اهو من الولاده ترهل وهالشفرتين اللي تتحجين عنهم من الزواج والجماع صارو مذويين ..

انتي مالج الآ العملية المشهورة وهذي مومن بره تستوي من داخل بس يصير شكل بره اصغر ومشدود عرفتي ..

بس انتي مو عارفه .. لانه شوفي مايصير عمليه من بره ..

بره مافيه شي الآ شعر .. وتقدرين تشيلينه بالليزر اذا ماتبين شيره ..

والسواد والبقع والحرار .. لها اسباب وايد اولها وراثية بمنطقة الخليج .. على حسب بشرتنا .. وهم المتن يسبب هالسواد او يزيده ..

عالجيه وفتحي روحج بالماسكات والكريمات الكيماوية ونزلي وزنج ولبسي شورت وحطي بودر او طحين …

بالنسبة للعملية رفيجتي نفسج 3 عيال وتوها مسويتها ..

اساسا اهيا تضييق بس مو تضييق بالخيط فقط .. الا حتى اللحم اللي زايد على بره قصوه لها وخيوطوه .. تقول اسيام تحت ..

من كثر الالم .. النتيجه زينة بس العملية تعور ..

وصار لها اصغر الفتحات وشدو لها الشفرتين ومدري شنو بالخيوط ..

بس هاج مع الاستعمال والولادة .. رجع كلشي ..

اذا ولدتي سوي احسلج
حملي وولدي وسويها على الاقل عوار ويايبة ياهل ولا عوار لريال يمكن يطلع باجر ما يستاهل هالالم
ما ادري سوي برة وداخل مرة وحدة بعد اللادة
واذا مكتفية بالعيال سوي التجميلي برة وداخل مرة وحدة بس لا تفكرين تحملين بعدها لانج بترجعين بكرية حرام تتحملين لم الولادة البجر مرة ثانية عشان عيون ريال
كيفج هذا راي
وانا اذا اكتفيت ناوية اسويها ان شاء الله

ردي على الموس
انا توني رديت على الشيرة فعلا تذوب المنطقة وترهلها الموس صج يقزز ويبيلة مجابل يومي
لكن يشد هالمكان
والسنة الحلق لتحت والنتف للابط

سوي ليزر وبترتاحين

للرفع

لا يا حبيباتي فيه تجميلي للمنطقه الحساسه من بره مثل ما يسوون تجميلي حق الخشم
اكييد فهمتوا
بس انا سمعت عن دكتور واحد حاط اعلان عنها بالجريده
عيل اشلون اللي يسوون تغير خلقتهم هذول الجنس الثالث
انا مره دخلت موقع فيه يتكلمون عن تايلند انها فيها مستشفى تسوي الرجال مره
بس انا ما ابي الا تظبيط شوي خارجي
كل الكلام اللي قلته اقصد فيه انه فيه تجميلي للشكل الخارجي فقط
ومره سمعت انه فيه تفخ وفيه تقشير

انا الحمد الله مسويه عمليه تجميل داخلي وقت الولاده
بس انا ابي خارجي
تتساوى الشفرتين الداخليتين ومن هالقبيل