اللي رضعوا صناعي فقط تعااااااااالووووووو

السلام عليكم ورحمة الله وبركاته ..

ياناس يا عالم ..

ضميري يانبني بس ما ادري شسوي ..

ودي ارضع طبيعي بس بنتي ما تشبع منه واصلا ما تلقط الحلمه بسرعه

اتعب معاها وبس بجي فاضطر اني اعطيها صناعي ..

واللي حولي يلوموني اني اعطيها صناعي ..

تكفون اللي رضعت صناعي .. حست بفرق .. هل في مخاطر ؟؟

هلا حبيبتي اي انا بعد عمري من كنت بالتفاس وانا اعطيه صناعي لان ماعندي حلمه وصعب يلقطها وبجيييييييي وقلت خليني اشفط وحلمتي تشققتتتتتت تعبت مالقيت غير الصناعي ليلحين يلوموني بس شسوي اريحلي واريحله لانه يتعب ومايشبع خصوصا بالليل
اول مرة عطيته سيميلاك مووووووو شي غازات مو طبيعيه وبعدها نان تبارك الرحمن الحمدالله مشى عليه وارتاحله والكل امدحه
ربي يخليلج الكتكوته

والله انا ماكان فيني حليييب كلللللش
وما كنت اقدر اقعدمن الجرح عشان اجرب ةالله اولت اعطيها واحنا منسدحين ما قدرت
ف ظليت على الصناعي والحمدالله ما اشوف فيها شي او اضرار

الشي اللي يعور القلب الغازات والامساك اللي يصير لاغلب اليهال

والله انا كنت اشفط واحطة بالرضاعة
كانوا بالحاضنه

لما طلعوا تعبوني مايعرفون لصدري

ونشف الحليب ما يشبعهم

انا ماكان فييني حليب سبحان الله
ورضعت ولدي صناعي والحمد لله على كل شي

الله يطمنكم .. يا بنات

ويعطيكم الف عافيه

والله من غير هالمنتدى ..

والبنات الطيبات ما ادري شسوي ..؟؟

بنات والله استانست من ردودكم
لانكم نفس حالتي
والله صكت فيني الدنيا بنفاسي … هو ما يرضع وانا اعاني واحس ما ينزل له شي و على طول ترجيع و يبجي من الجوع
قلت مافيه غير الصناعي و الحمدلله ما فيه شي
بس والكل يتكلم عني واني مو ام و من هالكلام
وانا بروحي والله ضايق خلقي و ندمانه اني ما استمريت عالطبيعي
و من يومين قريت حديث انه اللي ما ترضع ولدها وتحرمه من صدرها …. راح تتعاقب
اعوذ بالله
ربي سامحني و اغفر لي و للمسلمين