.gif "Eh S(10)")
بنات سمعو تجربتي مع اللولب
آناركبته عند دكتورة قبل سنتين عانيت فيها معاناة ما يعلمها إلا لله
أول شي الدورة كانت مدتها 12يم وبعدسنه خفت لي 10 أيام
بس هالشي ما كان مضايقني وايد لأن الشي اللي عانيت منه إهو عوار فضيع فضيع فضيع بالخاصرة من كثر ما يعورني كنت أحس النفس ينقطع وكان ينزل بفخذي اللي يخليني إذا كنت واقفة أقعد
و سنه كاملة من الألم والمعاناة والروحة عند الدكاترة هاذا يقول كلمة والثاني كلمة
وكل اللي فحصوا يقولون لي اللولب ممتاز وثابت ابمكانة
قررت بعدها أشيلة وسبحان الله ماشاء الله بعد ما شلته راح الألم نهائيا فعرفت إن أخونا اللولب كان السبب
والحين آنا محتارة ومادري شسوي الحبوب ما تناسبني نهائيا وقاعدة أفكر باللولب أدري بتقولون هذه اشفيها
بس آنا أقول يمكن اللي صار فيني من الدكتوره إهي امسوية شي غلط والله مادري اللي عندها حل اتساعدني 
حدي محتارة
حبيبتي انتي وين مركبه اللولب؟
بعدين يمكن مركبيلج نوع مايناسبج
في انواع
احجام
اشكل له
لا خرعتيني ناويه اركبه
آنا مركبته عند أميرة بهبهاني إهي زينه بس مادري ليش اللولب ماضبط
كنت مركبة العادي النحاسي بو أربعين لأني مابي شي يغير هرموناتي
اللولب موزين يسبب التهابات نسائيه وغزاره بالدوره ويسبب الالام بالظهر والخواصر ….ما انصحك فيه حتى لو ركبتيه عند دكتوره زينه ولا تنسين ان احتمال الحمل معاه كبير واحتمال انه يتحرك من مكانه
جربي حبوب تكون خفيفه وبالبدايه تكون صعبه بس مع الوقت جسمك يتعود عليها بس لا تستمرين عالحبوب فتره طويله لانها هرمونات تلعب بجسمك والله يسهل الامور
اختي فرفوشه.بصراحه انا كنت مركبته سنتين بس لعب فيني واااايد
اول سنه الدوره منتضمه بعد السنه الاولا صارت تتاخر عن موعدها واااايد.
وكنت مركبته في مستشفى دار الشفا.وكنت احس بالالام بالضهر والرحم
حبيبتى انا نفس حالتج بالضبط حالتى ماتسمح لى اكل حبوب وبعد ولدى الثانى ركبت اللولب لمده ثلاث سنين ونص وبعدها حملت تقريبا بعد شهر او شهرين ,وكل شى له مميزات وعيوب صج ان الدوره ماتنتظم بالشهور الاولى او السنه الاولى ويبيله فحص دورى كل ثلاث شهور واهتمامج بالنظافة تساعد على تخفيف مشاكله وانا عنى بركبه مره ثانيه هالشهر لانى تونى والده قبل اربع اشهر قيصريه واهو بالاساس بعد ست اشهر اذا كانت الولاده قيصريه بس عشان حالتى وافقت الدكتوره تركبه وسلامتج
عاد كنت بركبه بس إذا جذي يخوف … آنا دورتي إذا طولت و ذبحت نفسها إسبوع… لا و أكون متأففه و ماله منا … ألحين 12 يوم … لا يبا … خلوني عالحبوب أحسن
حبيببتى يمكن نوعه مانسبج او التركيب غلط انا اعرف وحده مركبته بالسلام عند عمرو عصام مافرق معاها الا الدورة الاولى بعده وعقب انتظمت وصارت احسن من قبل …..وجسم عن جسم يفرق مو كل الناس سوا …
غيري نوع اللولب حبيبتي
يعطيكم الغافية عالرد
اشرايكم بأمل عبد العزيز أستشيرها بالموضوع
والله انا ركبتة عند دكتور زياد مراد في السالمية التخصصي يهبل عادي دورتي ما تغيرت بس اول 4 ايام الدورة تنزل بشكل كثيف بعدين عطاني بوسكبان وفعلا خف النزيف صار طبيعي بس ها اللولب انا شاريتة علي حسابي رحت صيدلية الغانم وقتلة ابي احسن نوع عندكم وتميت علي سنتين ونص الحمدلله من احسن ما يكون
انا ركبت اللولب عند د . دلال السالم ومعروفه هالدكتورة شاطرة بتركيب اللولب وعلى ولدي الآخير ركبته 5 سنين وشلته وبعدها حملت وما لقيت اي مشاكل من تركيب اللولب .
اللولب الهرموني ما يمدحونه عن تجربة وحده كانت مركبه لولب عادي وغيرته لهرموني ما ارتاحت من النتيجة مو سبب حمل لا لخبطة الدورة الشهرية .
اما اللولب بصفة عامة ممكن يكون سبب في تكون تليف بالرحم .
حبيتي وين عيادة دلال السالم
حبيبتي انا مريت في نفس معاناتج ركبته بعد حملي الاول عند د.سكينة فرمن ماصارلي شي أول جم شهر نزيف توصل الى 13 يوم بعدها انتظمت وبعد حملي الثاني ركبته كنت احس بنزيف وآلام في جهة اليسار ينزل لفخذي لدرجة اني وسوست وكنت احاتي جيكت عليه عند الدكتورة قالت وضعه ممتاز زي الفل عطتني مسكن للألم وتحمليه لتخفيف النزيف وبعده خف الالم الحمدلله بس لاتزال تنزل توصل الى 9 أيام