الله يوفقكم ساعدوني وربي ضايقه فيني الدنيا

مرحبا بنات وربي ضاققت فيني الدنيا وقلت ماكو غيركم بعد الله اكيد بتساعدوني بس امانه قبل كل شيء مابي احد يجرحني بالكلام تكفون لان اللي فيني مكفيني حيل …..
الموضوع ومافيه انا مطلقة وخطبتني صديقتي لخالها المهم اصر واصر واصر انه يكلمني قبل لايخطبني واعجب بشخصيتي وكان هو بصراحه حبوب وكان يكلمني عن طريق تليفونها يعني مو عن طريق تليفونه كانت تكلمني وهو عندها وبعدها يكلمني بالرغم اني انا كنت رافضه هالمبدأ من الاساس(انه يكلمني حتى لو بعد الملكهرافضه رفض تام )
خطبني من اهلي واهلي وافقوا وهو عارف اني معجبه فيه وحابته صار يكلمني على تليفوني وكلام عادي بعدها الرجال تغير صار يقول عني نكديه انتي ام النكد كلما اكلمج متضايقه من المدرسة تبكين متهاوشه مع اهلج صاير لج مشكله …لاعت جبدي
المهم سمعني كلام جارح حيل اهو مطلق بس اللي صدمني انه قالي ترى انا كلمة الطلاق عندي سهله اقولها لج من الحين عشان ماتنصدمين بعدين ..!!!
انا واحد طول عمري عايش لحالي ماعشت مع امي ولا اخوي ..ولاعندي استعداد انتي اتحمل وحده مافي شيء يجبرني اتحمل اهم شي راحتي …قلت له انت اناني يعني الحياة الزوجية تعاون كل واحد يتحمل الثاني مافيها شي
واللي قهرني يقولي لو خيروني بينج وبين السيكل بصراحة لاتزعلين بختار السيكل …!!!
جرحني كثير …
بنات انا ماملكت لحد الحين بس الخطبة رسمية وهو خوفني حيل من الزواج وهو بعد مطلق مثل وضعي …بس جد خايفه حتى قالي لو استمريتي على نكدج ترى مو بعيد اطلق توقع هالشيء …
يابنات انا صج خياليه مثل مايقول بس مو نكدية ..حتى قلت له لاتحكم علي من التليفون يقول الا احكم …
يقول انتي صج بنت ناس محترمه وعايلتكم والنعم فيها بس حنانه نكدية طفشت منج
حتى قالي انا زوجتي الاوليه لو الناس ماتدخلوا بينا كان ماطلقتها !!!!
اول مره احسه انه يفضلها علي دايم كان يسبها ويكرهها لدرجة ان امه تحاول الى هاللحظه ترجع لها هو رافض…
انا تشتت …حتى قلت له يمكن انا لاني انحرمت من امي وابوي عشان كذا قعدت اعوض فيك النقص قعد يقول وليييييييييييييه ردينا ع النكد !!!!
مو عارفه شنو يبي …
وانا والله قلت له مابي اكلمك لانك بتحكم علي غلط انا وحده ابي زوج واطفال واستقرار بس…
حتى قالي انا انجذبت لج لانج تختلفين عن بنات الكويت ….!!!
توه يقول نكدية الحين يقول انجذبت لج …
خااااااااااااااااااااااااااااااااااااااااااااااااي فه حيل ساعدوني شسوي …
تكفون مالي بعد الله الا انتم …
حتى قلت له انا يمكن تصرفاتي غلط آسفه على كل حال قال انتي غلط مو تصرفاتج غلط انتي متأثرة بالافلام والمسلسلات حيل ………..
بنات لنفرض انا نكدية فعلا وانا ماحس هالصفه فيني وش اسوي عشان ابعدها عني مو عارفه

انا رايي ما تكلمينه الابعد العرس اريح لج عشان ما تضقين اكثر من جذيه

لان احس الكلام قبل الملجه او بعدها ما يجيب الا المشاكل

والله يوفقج ويفك ضيقتج

شوفي حبيبتي هذا زواجج الثاني يعني اهم شي تكونين مفكره عدل ومقتنعه فيه زين مو عشان مطلقه تندفعين وجنه اهم شي اسمه زوج وبس على كلامج اللي قلتيه عنه بصراحه يخوف يعني اذا من الحين كالساعه قايل عنج نكديه يعني بعد الزواج باشهر ولاحتى بسنه شبقول ؟؟؟؟
وبعدين من صجج يقولج لو خيروني فيج ولا بسيكل افضل السيكل وانتي عندج عادي مكمله معاه حتى مازعلتي
ما ادري انا من وجهة نظري لازم تفكرين عدل وانتي بعدج عالبر قبل ما تقدمين على شي وتتحسفين
وانتي ادرى فيه اذا يستاهلج ولا القعده بدونه احسن ويلج انشالله نصيبج اللي احسن منه
واتمنالج كل التوفيق وانشالله ربي يسعدج ويعطيج على قد نيتج
وادعي ان اللي فيه الخير عسا الله يقدمه لج.

حبيبتي اهم شي الاستخاره
استخيري بالاول
وبعدين قعدي مع نفسج ويبي ورقه وقلم وكتبي مساوء هالزواج وحسناته
وبعدين حكمي عقلج
ترى الطلاق وللمره الثانيه مو شي سهل
وترى الناس والمجتمع مايرحم
مراح يقولون مظلومه لا راح يقولون العيب منج
حتى لو كنتي مظلومه
واسمحي لي وش هالاستهتار
يفضل السيكل على الاستقرار
انا اقول الله يوفقج يالغلا

حبيبتي فكري عدل عدل عدل مليوووووووووووون مرة هذا يقول لو ان الناس ما اتدخلت جان ما طلقت زوجتي خوفج ياخذج و يرد زوجته على طول و يمكن اصلا ناوي الطلاق من اولها شالسالفة يقول كلمة الطلاق سهلة عندي جنة ناويها من الحين وانتي كللللللللللللللللللللش مووووووووو زينه بحقج تتطلقين مرتين فكري وايد وايد وايد بصراحه يخوف و اخذي نصيحة مني صلي صلاة الليل و ادعي بالحاح الله يعلم الغيب و ما في القلوب لا انا و لا غيري نفيدج ادعي و انتي ساجدة لرب العالمين و اقري وافوض امري الى الله ان الله بصير بالعبادو الله يسمح دروبج

اول استخيري ومن ناحيه مواصفاته ماني شايفه فيه شي ايجابي هذا من الحين وجذي يتكلم عيل لو ياخذج شلون ؟؟ شوفي دام هذي 2 زواج لج فكري الف مره قبل مو بس عشان تبين عيال واستقرار اتضحين لا والله اهم شي الريال وتبين الصج الريال يبين باسلوبه ومعاملته واحترامه لج ولاتفكرين انج مطلقه وماعندج غير هالخيار وتوافقين على هالاساس هذا اكبر غلط !!

معاكم حق باللي قلتووووووه ….
مجروحه منه كثير ما كان كذا ابد ابد …هل قارن بيني وبين زوجتة الاولية وحس انها افضل مني
امه ليل مع نهار تلح عليها يردها ورافض بالرغم له ولد منها ورافض رفض تام …
معقوله حن لها …
مستغربة كررهه المفآجيء لي …

الللللللللللللللللللللللللللله
هذا خطبه جذي شاخط فيج عالرايح و الراد
المفروض حبيبتي ما تكملين معاه و لا دقيقة زيادة
خبري الرياييل يجاملون بفترة الخطبة … و يطيرون بنت الناس السما من المدح
مو بين كل كلمة و الثانية قالج ترى كلمة الطلاق عندي هينة و عادي بالملجة اطلقج

<< قوليله اشونك قلتها من البداية
مينووووووون !!!!!!!
والله جد حتى لو كنتي ام النكد ما يقول هالكلام بالويه … فلي الخطبة و كان الله غفور رحيم
و يقولج مرتي لو ما تدخلوا الناس جان ما طلقتها … يعني مثلا يبيج تصفقيله و الا شتسوين !!!!!

كافي تطلقتي مرة … ماله داعي تدخلين بزواجة انتي عارفة نهايتها و تصيرين مطلقة للمرة ال 2
عاد المرة ال 2 الناس ما راح ترحم و راح يحطون العيب فيج
تركدي
و فلي خطوبتج
والله يرزقج ان شالله بواحد يبرد قلبج
السالفة مو مجرد زواج
هذا واحد يتجابلينه 24 ساعة و بتقضين معاه سنين عمرج
الزواج يبيله تأنييييييييييييييي
و هذا خال رفيجتج الله وياه
فلي الخطوبة و ريحي قلبج

و موفقة

سوري على الكلمه بس ويييييييييييييييييييييييييع

من اولها باين ان يلوع الجبد دامج على البر شالله جابرج ؟؟؟؟؟؟؟؟؟؟؟؟؟؟؟؟؟؟

لو انا مكانج من اولها اقوله دفعه مردي دام بس خطبه ولا افكر واحتار ولا افتح موضوع

انتي بالخطبه وصار فيج جذي ومحذف عليج كل هالكلام باجر لي جمعكم بيت واحد شبيسوي ؟؟!!

دامج على البرررر تركي لا تبتلشين ويمرمرج

انا ودي اعرف شغله يابنات ليش تقطون نفسكم بالناررررررر من الاول على امل ان يتغير وتحطون العيب بالوقت وفيكم والعيب انتو عارفين وين بس همكم الاول والاخير ان تبعدون العيب عن الريال !!

اذا كان هذا اوله ينعاف تاليه ……….فكري حبيبتي قبل ما تندمين

مو جنه وايد شايف روحه

مادري الصراحه شنو لا يكون يحسب بنات الناس لعبه على ادناة الدون بيطلق الاخ

انا من رايي لا تستعجلي وحطي اهلج في الواجهه اذا كانوا يدرون !!

الله يقدم اللي فيه الخير يارب

طيب فكروا لي بخطه افتك منه …
اهلي مقدر اقولهم وربي اخوي بيذبحني لو درى عني …
ابي الفكة شلون
اخاف اقوله مابيك يروح يكلم اخوي ويقوله والله سمعت ان البنت ماتبيني …
حزتها اخوي بيقولي ليش وافقتي من البدايه وليش اعرف منه انج رافضته ؟؟

وبكل الاحوال اخوي بيذبحني وربي انا ما ابالغ حيييييييييييل شديد

حبيبتي مابي اضيقج اكثر من ضيقج بس المكتوب باين من عنوانه .. هذا مو متحمل نفسه .. ومافي ادنى احترام لمشاعرج عنده يعني اذا قلنا بيتغير بعد العرس فمااعتقد بيكون للافضل لان المعروف ان الخطوبه اجمل واروع الايام … اذا مو مقدرج من الحين كيف بعدين .. حبيبتي لاتستعيلي بقرارج .. ولاتندفعي ورا مشاعرج .. بصراحه مايطمن وهو عطاج تصريح واضح .. يعني شو مفكر الزواج والطلاق لعبه .. بنات الناس لعبه عنده …انتي محتاجه لاستقرار ووزج حكيم وعاقل مو واحد كل شوي يقولج بطلقج … انتي معززه مكرمه ف بيت هلج .. المسأله مو زواج وبس ياقلبي … فكرررررررررررررررررررررري مليون مره …