|
|
مرحبا معلمات..
أول شي حشاكم محشومين من اللعن..
بس أنا فتحت هالموضوع علشان أناقشكم في هالعبارة وهي عبارة
[ الله يلعنكم !!! ]
=====
من خلال هالأزمة عرفت وحسيت ولمست شكثر
بعض الناس حاقدة على المعلمين.. الحقد والحسد
مبين عليهم أشكره.. حسيت كأن المعلمين اهي الكويت
وباجي الموظفين العراق على أيام غزو 90
=====
لسخرية القدر إني أفتح التلفزيون اليوم الصبح الساعة 9 وأقلب بهالقنوات
لحد ما أوقف على أحد القنوات الكويتية وهالقناة فيها
نظام شريط المسجات المتحرك أسفل الشاشة
=====
أتفأجأ بمسج مكتوب من شخص او شخصة وتكتب فيه
الله يلعنكم يا المعلمين والمعلمات!!!!!
للدرجة هذي صرنا رخاص؟
=====
أنا مو بصدد إني أتكلم عن سالفة الكادر ومشكلته مع وزيرنا
خلو هذا على صوب. أنا الي قاهرني وباط مرارتي. الناس شفيهم
هبوا علينا جذي!!!!
=====
لا هابين علينا وبقوة بعد!! ماكو أحد ما نزل روسنا للقاع
الي يقول مسوين جريمة!! هذي آخرتها ننسب من كل هب ودب
ولا ويقولون احترام المعلم، هذا ويهي ان صار لنا اي احترام من
بعد الي صار..
=====
انا مو قاعدة اتكلم عن سالفة المسج. لأ لأن في وايد مواقف قاعدين يستهينون فينا
ومسوينا بيزة ما تسوا.. ما أقول الا طيح الله حظ كل من يسب ويلعن فينا… ويعل حوبة
كل معلم ومعلمة فيكم.
=====
أوكي عندكم انتقاد او مو عاجبكم الوضع تكلموا لكن بإسلوب محترم
مو تقعدون تسبون وتلعنون!! واااي منقهرة من بعض هالبشر والله..
=====
عاد تبون الصج انا الحين متمسكة بوظيفتي أكثر من قبل. يمكن قبل كنت أفكر اطلع منها
لكن الحين لأ وألف لأ.. معلمة غصب عن الي يرضى والي مايرضى… وعندنا حقوق ومطالب
نبي نطالب فيها غصب عن الي يرضى والي مايرضى..
حسبي الله ونعم الوكيل
السبب كالتالي:
اغلب مهنة التدريس معلمات وعلى الرغم من انه يوجد ذكور((معلم)) الا ان الاتهام والسب دايم تاتي بصيغة الايناث لييييش!!؟
لان احنا نفتح موااااضيع وناقش ومانخلي سااالفه الا نعجن فيه اول مانسمع كلمه فيها سب ننشرها بالنت وننشرها برود كاست واهم يعطونا اكثر لان دروا ان فيه تاثير شوفي موضوع الاخت ام الخير((اتقوا الله يامعلمات )) امسوين له اب صارله كم يوم مانزل الموضوع تحت وعلى فكره انا بعد معاكم انا اول من رد عليها وتحسفت والله تحسفت
ونقطة ان المعلم ماعاد صار له هيبه والله محد عزز هنقطه ونشرها في الميادين الا احنا الكلمه من السفيه اذا تركتوها تندفن وان تكلمتوا فيها صارت اشهر من شعله على علم وبما ان اعدائنا كثر خلونا ندفنها*
خلونااا نطااالب بحقوقنا وايد بإيد ومانرد على كل سفيه ولانرد على كلمة سفيه
(((الصمت بعد حديث السفيه حكمه)))
عيونهم علي معاشاتنا
خل يكرفون مثل كرافنا بعدين يتكلمون
لا واللي يبط الجبد لما يقولون والله انتوا يالمدرسات
ماتشتغلون
حسبي الله ونعم الوكيل علي كل من ظلمنا
.gif "Eh S(11)")
ولا تروحين بعيد الحسد اول شى جانا من كم عضوه هنيه بغو يموتون علشان طالبنا بالكادر جنا من حلال ابوهم مو من خير ديرتنا
تجى وحده ما تعرف كوعها من بوعها تتفلسف وتقول انتو ما تسوون شى الفراشه تسوى كل شى لكم بس ما اولومها يمكن محتره
لان ما عندها شهاده ولا دشت المجال وتعرف اهواله
والامهات قامت قيامتهم لانهم ما تحملو عيالهم يوم واحد خل يحسون فينا واشلون احنا متحملينهم سبع ساعات يوميا
بس ما اقول الا ان شاء الله يقرون الكادر ويطيبون خاطرنا ويكيدون عذالنا
دناءة نفس منهم …
انا صج استقلت و ادور وظيفه ثانيه مع اني احب التدريس بس الضغط البدني والنفسي من الاداره والتوجيه كله حاسه فيه وقلبي معاكم ودايما ادافع عنكم لنكم زميلات مهنتي الاساسيه
الله يعطيكم الف عافيه ناس قاعده عالمكاتب وتتفلسف ما يدرون شلون المعلمه وقتها محسوب بالدقايق
بس قولو حسبي الله ونعم الوكيل ومالكم شغل بالمحترين