|
|
السلام عليكم ورحمه الله وبركاته
اليوم حلمت ان كان عندنا حريم ومعهم وحده من اهلنا اعرفها سلمت علينا ومادخلت المجلس جلست بالصاله وكانت الصاله فاضيه جلست هي وبنتها وقالت لامي وخالتي تعالوا ابيكم اخلصوا وتعالوا انا جلست معها وكنت لابسه جزمه بيضاء جديده شوي الا جات امي وخالاتي وجدتي وقربت الحرمه هاذي وقالت لامي في ناس متكلمين ع بنتج يبون يخطبونها وكانت تطالعني ووجهي احمرر واستحيت وكنت فرحاانه وطايره من الفرح اني بتزوج وبعدين قالت لامي خلاص نصيب فلانه اللي هي انا جاء والولد ماينعاب شوي الاجلست جنبي خالتي قالت ايه هذا الولد يصير اخو معلمه معها بالمدرسه وهو زين ومدحت ليه كثييير وكانت تنصحني اني اوافق مع العلم بنت اخته صديقتي حيييييل وكنت مستغربه ليه ماقالت لي توني مسكره منها مع العلم ولد اخته بالواقع كانت امه معجبه فيني وتبيني لولدها بس ماصار نصيب وبالحلم هي نفس الام قالت لخالتي انا كنت ابيها لولدي بس صارت من نصيب اخوي وبس تكفووون اللي تعرف تفسر الحلم تفسره
أختي الغالية شكله حديث نفس . لأنج يمكن كنت تفكرين بالموضوع وشاغلج لأن العقل الباطن في الأحلام يعرض لنا مواضيع فكرنا فيها أو تكلمنا فيها أو شاهدناها … وأن شاء الله نصيبج يكون رجل صالح يقدرج ويحسن معاملتج 