الغده الدرقيه خامله شنو يعني ساعدوني

قوه بنات حبيباتي رفيجتي تبي تحمل وهاده نفسها عالحمل ويوم سوت فحوصات قالولها ان الغده الدرقيه خامله!!شنو يعني وشنو علاجها؟؟وقالها الدكتور لاتحملين الا لين تعالجينها لان اذا حملتي راح يصير اجهاض؟؟صج كلام الدكتور؟؟وهل حبوب علاج الغده تاثر عالحامل اذا حملت واهي تعالج؟؟؟؟؟فهموني بليز وهل تاخر الحمل؟؟

شوفي هني موظوع عن اوبرا ومشكلتها مع الغده الدرقيه https://www.q8yat.net/showthread.php?t=283344

انا يوم حملت سويت تحليل على الشهر الخامس وطلع فيني خمول غدة وكنت اخذ حبوب ألتروكسين عادي ما تأثر على الحمل بس يمكن قصده الدكتور انه تبده بالعلاج عشان تنظمها قبل لا تحمل وراح تكمل مع العلاج حتى بفترة الحمل عادي

انا صارلي سنه ونص من ولدت وليلحين قاعده اخذ الحبوب
خل تكثر من السمج و اوميغا 3 مفيد حق الغدة

السلام عليكم

انا عندي غده بس انا مو متزوجه …اراجع دكتور يوسف بو عباس بالاميري خووووش دكتور ..وعنده عيادة خاصه بشارع البلاجات .

والله يشفي كل مريض يارب .

كلام الدكتور صحيح و خمول الغده له علاقه بتاخر الحمل او الاجهاض اثناء الشهور الاولى.. و لابد تراجع طبيب غدد على اساس يحدد لها الجرع المناسبه لها و تتابع مراجعاتها عنده .. و خلال الحمل تستمر على حبوب الغده و تزيد الجرعه خلال شهور الحمل .. و الحبوب مالها تاثير على الحمل او الجنين
و الخمول علاجه سهل حبه على الريج و الاكل عقبها بساعه او اكثر .

عفية ابي عيادتة بالضبط وأرقام تلفوناتهم ..

ممكن ؟!