الطلق الصناعي ؟؟؟؟

اشلونك بنات

بغيت اسألكم منو جربت الطلق الصناعي

وايهو احسن التحميله ولا الدرب ؟؟؟؟

ومتى يفتح الرحم بالطلق الصناعي ؟؟؟

وادعولي اولد طبيعي وما احتاج طلق صناعي

حدي متأزمه

الله يهون عليك انشاء الله

ويهون علينا يااااارب

والله للحين ما جربت وانشاء الله ما اجربه بس حبيت ادعيلك ..

الله يسهل عليج ياربي ولاتج وتولدين طبيعي وتصير ولادتج طبيعية

هلا نونو
انا جربت الصنااااعي ما أنصحج فيه صراحه لأنه موووت شفتي الطبيعي على عواااره ولا شي عند الصناعي تحسين من كثر الألم انج بتطيرين شلون مادري
انا جربت الدرب
بس التحميله مو نفس الدرب التحميله تهيج الرحم للطلق الطبيعي
لكن الدرب اهو الطلق الصناعي

نونو الله يهون عليج وانشا الله ما تحتاجين انا جربت الاثنين ولادتي بعيالي ينزل علي ماي ولم اروحلهم يكون مفتوح يدوب سانتيين وجربت الدرب وجربت التحاميل الدرب اعتقد مفعوله ابطأ والتحاميل اسرع لانها مباشرة بالرحم وعالعوار لا اتخافين ولا اتحاتين مع الكمام والمسكنات ما يختلفون انشا الله والله يسهل عليج انشا الله

الله يهون عليج عليج بالدعاء بهون الطلق وحسن الخلق

nono78
الله يهون عليج انا في كل عيالي لازم طلق صناعي و ما يحوشني الطلق الطبيعي سبحان الله و بالنسبه للتحميله اهي ما تعتبر طلق صناعي اهي يعطونياها عشان تفتح الرحم و بعدين يعطوني الدرب اللي اهو طلق صناعي لأن ما يصير يعطونج طلق صناعي و الرحم مو مفتوح فهمتي علي و بالنسبه للعوار اهو يعور اكيد لأن بعد الدرب راح يحوشج الطلق بسرعة.

انا يوم ولادتي حطولي الدرب والتحاميل

ولا تحاتين العوار مع الكمام انشالله مافي الا الخير

وحاولي اثناء الولاده تدعين لكل من يعز عليج انشالله دعائج مستجاب وقتها وماراح تركزين بالعوار

الله يهون عليج كلنا ياتنا هالحالة عقب ما طفنا موعدنا ماعليج انشالله بتولدين هاليومين بدون طلق صناعي ولا شي والله يهون عليج وايسر لج ولادتج ….

مشكورين بنات

الله يطمنكم يارب

والله كريم ان شاء الله ما احتاج طلق صناعي

انا مخليه حق عمري مهله لي يوم الأربعاء اذا ما ولدت بروح بريولي

يوم الخميس للولاده

بس حدي خايفههههههههههههههههههههه

الله يسهل عليج يارب
ومثل ما قالوا البنات الطلق الصناعي اهو اللي بالدرب
اما التحميله فيوسع الرحم
وبالنسبه للعوار اكيد يعور بكلتا الحالتين
بس فيه كمامات
والله يسهل عليج مره ثانيه

مشكوره لولو حبيبتي

والله كريم

انا جربت الطلق الصناعي الله يعافي الكمام والله ماتحسين بشي ماعليج الا بالكمام
انا حطولي تحاميل تفتح الرحم ودرب الي اهوا الطلق الصناعي واذكر كنت امبنجنه من الكمام بس يرتفع الطلق اقوم واحس بالعوار حيييييييييل وعلى هذي الحاله لما ولدت
ومثل ماقتلج الله يعافي الكمام مايقصر

نونه حبيبتي انا جربت الطلق الصناعي والتحاميل مثل ما قالو البنات اتوسع والدرب اهو الطلق بس معا الكمام ماحسيت بالفرق بين الطلق الطبيعي ولا الصناعي ولا تتوترين ولا تحاتين ترى اتاخر الولاده انا صار معاي مرتين جذي توكلي على الله وسترخي وانسي الموضوع وانشالله اتقومين بالسلامه

الله يهون عليج وعلينا يا رب.