تخطى إلى المحتوى
الرئيسية » الشغل في الحكومه والخاص تعالوا

الشغل في الحكومه والخاص تعالوا

السلام عليكم ورحمة الله وبركاته
قوه بنات اليوم بطرح موضوع والي اهوا:الشغل في قطاع الحكومي او الخاص
ابي منكم تقولون لي ارائكم بلنسبه حق الي تشتغل بلحكومه والي تشتغل بلخاص
وابي ملاحظاتكم والفروقات الي تصير بين هل قطاعين من ناحية المعاش وترقيات وغيره
واي وحده مضايقه من قطاع الي اهيا فيها تقولنا ليش؟..
انا حابه اكتسب معلومات منكم وانتوا بعد تكتسبون من خبرات البنات"

انا ما اشتغل ناطره الشغل والله
بس بقولج فكره عامه عن الي اعرفه من الي حواليني
اول شي انتي شنو شهادتج ما قلتيلنا؟
من ناحية المعاش بالخاص المعاش اقوى و السبب انه تاخذين فوق معاشج دعم العماله فا المعروف انه القطاع الخاص معاش اقوى
المؤسسات الحكوميه معاشاتهم حلوه بعد مثل التأمينات الاجتماعية و التطبيقي مثلا
بس من ناحية الشغل بالخاص انضباط اكثر من الحكومه و الاغلب ساعات عمل اكثر و كراف اكثر و في بعضالاماكن دوامين
خل نكون واقعيين بالحكومه تسييب اكثر
و مادري هذا الي ابالي الحين و نشوف البنات شنو يفيدونا فيه
و عموما المكان الي فيه راحة بال و مسؤوول زين و الشغل لمن تكونين حابته بس تتقبلينه لو شنو كان
اقتباس:
المشاركة الأصلية كتبت بواسطة BaTTy خليجية
انا ما اشتغل ناطره الشغل والله
بس بقولج فكره عامه عن الي اعرفه من الي حواليني
اول شي انتي شنو شهادتج ما قلتيلنا؟
من ناحية المعاش بالخاص المعاش اقوى و السبب انه تاخذين فوق معاشج دعم العماله فا المعروف انه القطاع الخاص معاش اقوى
المؤسسات الحكوميه معاشاتهم حلوه بعد مثل التأمينات الاجتماعية و التطبيقي مثلا
بس من ناحية الشغل بالخاص انضباط اكثر من الحكومه و الاغلب ساعات عمل اكثر و كراف اكثر و في بعضالاماكن دوامين
خل نكون واقعيين بالحكومه تسييب اكثر
و مادري هذا الي ابالي الحين و نشوف البنات شنو يفيدونا فيه
و عموما المكان الي فيه راحة بال و مسؤوول زين و الشغل لمن تكونين حابته بس تتقبلينه لو شنو كان

هلا ونورتي موضوع اول وحده تردخليجية
انا شهادتي خدمة عملاء customer service دبلوم بس للحين ماخلصت سنه اليايه بتخرج
مشكوورة على معلومات ونشوف البنات بعد شنو يفيدونا فيه ..خلج متابعه حق الاستفاهخليجية

انا موظفه بقطاع عام اشتغل بوزاره من الوزارات الحكوميه وشهادتي جامعيه بصراحه حاسه براحة بال صج الدوام سبع ساعات طويل بس قاعده فوقي التكييف وشغل روتيني بسيط ونادر ما انضغط بالمعاملات راتبي مكفيني وموفيني ( 662 ) صار لي سنه ونص وبالنسبه حق التاخيرات والاستئذانات على كيف كيفي والمسؤليين روعه الله لا يغير عليهم ما افكر ابد للقطاع الخاص لانهم باي لحظه يفنشوني ويحطون فوقي مسؤل ولا مدير هندي ؟؟ لا والله انا مواطنه كويتيه وارفض اي جنسيه غير كويتيه تتأمر علي
الصراحه خوش موضوع ويعطيج العافيه تسلم اناملج

وانشالله يفيدونا البنات (أنطر اتوظف)

اقتباس:
المشاركة الأصلية كتبت بواسطة كويتيه_1984 خليجية
انا موظفه بقطاع عام اشتغل بوزاره من الوزارات الحكوميه وشهادتي جامعيه بصراحه حاسه براحة بال صج الدوام سبع ساعات طويل بس قاعده فوقي التكييف وشغل روتيني بسيط ونادر ما انضغط بالمعاملات راتبي مكفيني وموفيني ( 662 ) صار لي سنه ونص وبالنسبه حق التاخيرات والاستئذانات على كيف كيفي والمسؤليين روعه الله لا يغير عليهم ما افكر ابد للقطاع الخاص لانهم باي لحظه يفنشوني ويحطون فوقي مسؤل ولا مدير هندي ؟؟ لا والله انا مواطنه كويتيه وارفض اي جنسيه غير كويتيه تتأمر علي

حبيت اعلق على ردج بس شلون جامعية وراتبج 662 المفروض اكثر حرام خليجية

بس الخاص تعب وكراف ومو مضمون ومو كل مكان يقدرج

حده شويه 662 لا وجامعيه مشالله عليج قنوعه لو انا مارضى خليجية

حبوبه صاحبة الموضوع ترى مكرر في منه موضوع مثبت اذا حبيتي تعرفين اكثر بتلاقين ردود البنات هناك اكثر خليجية

وموفقين

اشكركم على ردودكم وانا ودي بلخاص الاني تعدوت عليه قبل كنت اشتغل فيه والحين من بعد تفنيشات الي صارت بلخاص حق الكويتين تخوفت والاهل وايد يقولون لي روحي الحكومه افضل لج على اقل تضمنين وظيفتج..وانا وودي بلخاص الانه فيه اثبات الذات وترقياتهم بسرعه والمعاش قويخليجية
اقتباس:
المشاركة الأصلية كتبت بواسطة [المهندسة] خليجية
حده شويه 662 لا وجامعيه مشالله عليج قنوعه لو انا مارضى خليجية

حبوبه صاحبة الموضوع ترى مكرر في منه موضوع مثبت اذا حبيتي تعرفين اكثر بتلاقين ردود البنات هناك اكثر خليجية

وموفقين

توني ادري مشكوورة حبيبتي

تجربتي في القطاع الخاص

دوام واحد كامل طويل للساعة 5:30 ولا زم تتقبلين يكون أكثر وقت الحاجة

الغياب بالساعات او بالايام يؤثر على تقييم الموظف نهاية السنة

العطلات الرسمية جدا محدودة

عطلة السفر لازم تكملين سنة كاملة عشان تاخذينها

الراتب يبدا من 200 – 250

تتحاسبين لو شافوج فاضية

يسألون كل وقت : شنو اشتغلتي وشنو عندج تسوينه الحين

اذا صار عندج مشكلة مع فريق العمل ما تقدرين تطلبين تحويل من قسم للثاني

بس تقدرين تستقيلين

واذا استقلتي ، ما يرضون يعطونج مستحقاتج

ممكن يفنشون لأي سبب ، بأي لحظة وبدون مقدمات

والله عشان اليورو طايح ، ولا الادرة تغيرت ، ولا وحدة من الاهل تبي تاخذ المكان …

خصوصا لما يكون راتبج فوق ال 240 دك عندهم

في تحرشات كثير من الجنس الاخر اللي سلطتة في الشركة أعلى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.