|
|
السلام عليكم ورحمة الله وبركاته
خواتي اليوم رحت سويت فحوصات ومن ظمنهم اخذوا مني تحليل سكري
كنت متريقة ورايحه يعني اخذوه بعد الاكل وطلعت النتيجة 6.4 قالت السكري مرتفع شوي عندج .gif "Eh S(2)")
حدي خايفه والله ومااعرف شسوي خايفة على جنيني يارب احفظلياه من كل سوء
خواتي منو عندها نظام غذائي امشي عليه وشنو نصائحكم
وكم هو اصلا معدل السكري الطبيعي بالدم لان دخلت كتبت بقوقل تطلعلي ارقام كبيره 120 وجذي وانا مااعرف الا بالارقام الصغيره لفحص السكري
ساعدوني بليز .gif "Eh S(16)")
ان شاء الله صج مايكون مرتفع ياربي
نسبتج طبيعيه بس حاولى تخفيفين شوى حلويات
وبس
لا تحاتين
النسبه الطبيعيه بعد الاكل من 5 – 6
وانتى 6.4
اصلا لو كان 7 تقولج فيه نسبه خفيفه لكن انتى حيل نسبتج طبيعيه خوفوج يا حياتي على الفاضي
يعنى حدج ما فيج الا العافيه بس اهمه يبون ينبهووونج انج تبتعدين عن الحلويات
احنا وصلنا 11 هههههههههههههههههههههههههههه يعنى سهالات والحمد لله نزل السكر واحنا متابعين نظام حميه لانه فينا سكر حمل
طمنتوني الله يطمن قلوبكم ويسهل علينا كلنا
ويقر عيونا بشوفة بيبياتنا بصحه وعافية يارب ياكريم
رفع
والمفروض الدكتورة تقولج ببرنامج الحميه وتقليل النشويات وكلي خبز بر
والله انا من امس من خذيت النتيجة وانا ضايق خلقي ومن امس وقفت النشويات الخبز الابيض والعيش
وقاعده اكل خبز اسمر نخالة وحتى اليوم رحت شريتلي اجبان خالية من الدسم
والله كريم يارب مايرتفع اكثر وان شاء الله الله يهونها علي وعليكم ويحفظلنا بيبياتنا من كل شر ويبلغنا فيهم باحسن حال ياربي
انا يوم وصل 8 سويت نظام الحميه اصلا
يعنى اذا انتى خايفه بعد اسبوعين ردي سوي تحليل وخليج على اكلج طبيعي عشان تعرفين فيج سكرى حمل او لا
وان شاء الله ما فيج الا العافيه يارب
والله احس بدوووخه من امس لان مسويه حمية
وماادري صج شسوي اظل ماشيه عليها ولا بس اوقف الحلويات
الله يعين ياربي ويسهل علينا ويكحل عيوننا بشوفة بيبياتنا بصحة وسلامة وننسى كل هالتعب بشوفتهم ياربي
احس روحي مشتهيه شي حلووو وماابي اكل ككاو
اقدر اكل تمرر؟؟؟ لان انا الحين بالتاسع قلت منها شي حلو ومنه علشان يسهل ولادتي
بس خاااايفه لا يرتفع السكري