|
|
السلام عليكم بنات
الكل منا في هالقسم يعاني ويحس بالتعب والحمدلله على كل حال
تعب نفسي من تاخير الحمل وكلام ونظرات الناس والاحباط اللي يكون
حزة التحليل او نزول الدوره…
تعب جسدي من الابر والكلوميد والادويه اللي اهلكتنا
وبعد هذا كله احس احيانا ان اعصابي تخرج عن سيطرتها خاصة
في اوقات كورسات العلاج
الزوج هني شنو دوره؟؟!!
هل يتحمل التقلبات المزاجيه ويساعدك والا يصير هو والزمن عليك
كتبت هالموضوع للفضفضه
انا ان نفسي ما ياحملني واجد يتركني لحالي اذا وصلت لمرحله صعبه
هو يعتقد انه كذي احسن لي وانه يريحني بس انا مابي
ابيه يتحملني ابيه موجود حتى لو كنت فاقده لاعصابي ابي احس انه
يستاهل اللي اسويه
انتوا شرايكم
الحين عادي مايهتم حيل مثل اول
انا مصختها كل ماقربت الدوره تهاوشت معاه ههههههههههه
هم يفكرون اذا خلونا بروحنا احسن
لانهم غير عنا
غير عن شعورنا وطبيعتنا
سبحان الله
يعني لاتفكرونهم ملوا او موحاسين فيكم بالعكس
اذا سكت او طلع عنك فهو حاس فيك بس مو عارف شيسوي …
ادري احنا الحريم نبي واحد يلمنا يمسح علينا بس هم تفكيرهم غير هذي فطرتهم
فلا تلومونهم هم نفسنا محتارين ومايدون شيسوون.
اباء الروح انا عارفه هالشي انهم يعتقدون ببتعادهم يريحونا
بس فعلا محتاجين لوجودهم زوجي مو راضي بتقبل هالفكره
ههههههههههه
الله يعينه والله احسه زهق تعب الله يعينه
|
المشاركة الأصلية كتبت بواسطة إباء الروح
 بنات ترى طبيعة الرجاجيل غيرنا
هم يفكرون اذا خلونا بروحنا احسن لانهم غير عنا غير عن شعورنا وطبيعتنا سبحان الله يعني لاتفكرونهم ملوا او موحاسين فيكم بالعكس اذا سكت او طلع عنك فهو حاس فيك بس مو عارف شيسوي … ادري احنا الحريم نبي واحد يلمنا يمسح علينا بس هم تفكيرهم غير هذي فطرتهم فلا تلومونهم هم نفسنا محتارين ومايدون شيسوون. |
100% عين العقل كلامج
انا عقب آخر تحليل كان مأمممل حييييييييييل اني حااامل ..
وطلع ومارد إلا آخر االليل .. دريت انه يبي يتركني برووحي رد وخششمي أحمر ششكبره
وتهاوشت معااه قلت له كلمة نرفزته 
وندمممممممت
بس الحمدلله أمس راضيته وقلت له لآ تلومني والله نفسيتي زفت وبررت موقفي
قال حآآس فيج والله اني أفتر بالسيارة مو قادر أروح للربع ومو قادر أرد لج استحقرررررررت نفسي يوم زعلته ورفعت صوتي عليه
مع انه يدبل الجبد مررات بس والله مايعرفون يتصرفووون
ياااااارب ترزقني بالحمل هالأيام أدعي مو عششاني عششانه أبي ربي يفرح قلبه
والله اني معذبته معااي