|
|
السلام عليكم بنات المنتدى
انا فنية كمبيوتر
في مشكلة تواجهني بالدوام ماني عارفة اتعامل معاها و هي الرييل بالدوام
مشكلتي انه كل مااشتغلت على جهاز كمبيوتر بالدوام اركز عالشاشة اوكي و يكون جبالي باجهة البعيدة رياييل و انا مركزة عالشاشة اسوي شغلي يقعدون يخزون حسبالهم اني اخزهم
ومرة اسرح احط عيني على شغلة و ما اركز و الاالقى ريال بويهي و شكثر اتصادفني و ماني خالصة و مو قصدي و الله موقصدي
و اليوم كنت بوصل معاملة لوحده و الا واحد التفت علي بسرعة ويأت عيني بعينه وجنه ماصدق وغير النقزات مع بعضهم البعض
بس والله يابنات سيدا بالدوام و اذا تكامت معاهم بس بنطاق شغلي و حتي كلامي معاهم بجفاف ومو خالصة
مليت مليت
شغلي عاجبني و شغلي مختلط والبنات حبوبات و محترمات ومرتاحة معاهم بس الا هالمشكلة ماني مرتاحة
مابي اغير دوامي ابي اواجهه هالمشكلة ابي اعلمهم درس ماني قادرة؟؟؟؟
ساعدوني عطوني حل او اقتراح الله يجزاكم خير
حقريهم ولا تهتمين لهم …
ان شالله باجي البنات يفيدونج
موفقه يارب
صج قلوا الرياييل بهالزمن ،
خليج مثل ما انتي سيدة ودامج اسم الله عليج محترمة وحافظة نفسج شتسوين بعد ،
صدقيني ما كو دوام ما فيه مشاكل ،
حتى لو دوام وكله حرييم تعانين من مشاكلهم وغيرتهم وتنقل الحجي ،
وباجر ان شا الله هاللي مضايقينج ينتقلون ولا انتي تترقين بدوامج تروحين ادارة اريح ،
وربي يعينج ويوفقج وييسر لج كل درب .
ومشكلتج ترى بسيطه ومو مستاهله انج تعذبين روحج عشانهم ..
عطيهم طاااااااااف وانتي دامج محترمه وماشيه بطريج الصح وماقصدتي شي بالعكس على نياتج خليج واثقه من نفسج شوي وترى واثق الخطوه يمشي ملكا ويمكن اهم من جذي شافوج ماتعطين ويه قالوا الا غصب بيخلونج تعطينهم ويه
والله يحفظج يااارب ويكفيج شرهم
خلاص قعدي بدوامج وحقريهم وخلي اسلوبج رسمي معاهم عشان ما يتمادون عليج
وان شاء الله مع الوقت راح تتعودين مع الوضع شكلج يديده بالدوام
وموفقه ,,,,,,,,,,,,,,
ماعليج منهم جنهم مو موجودين
عطيهم طاف ولا تفكرين وايد بالموضوع
الله يوفقج ترى مشكلتج عاديه
اهما جذي اول ماتجيهم موظفه جديده يعرفونها اذا من النوع التكانه والا الخفيفه ويحاولون ويحاولون ليما يملون ان شاء الله وباجر صدقيني الكل بيحترمج
ههههههههههههههه قال طلقها واخذ اختها قال الله يلعن الثنتين
حبيبتي عطيهم طااف وتصرفي بشخصيتج انتي ترى اذا فكرتي شنو بقولون رااح تتعبين لانهم ماراح يخلصون