الرجاء من الجميع انه يساعدني لاني بموتت

السلام عليكم و رحمه و بركاته :
بنات انا عندي مشكله معذبتني وايد لدرجه اني ما انام و لا اكل و لا اشرب و حد الاكتئاب
انا تزوجت قبل 9 سنوات و زوجي اكبر مني الحين اهوا بالخمسينات اهوا يحبني و يعاملني احسن معامله و كلش كلش مو مخلي علي قاصر لا سفر لا فلوس لا حب لا حنان حد الدلع قبل فتره حسيت انه متغير و شكيت فيه و كل ما اكلمه يقول مشغوول و انا كنت نايمه عند امي اسبوعين لاني كنت مسويه عمليه و مره بليل عباله انا ببيت امي و اهوا بالشقه و جان اروح و لا معاه وحده و بصراحه انا عصبت و تنرفزت حدي و قمت اصارخ بس اهوا ما رضا يخليني ادخل الشقه و قالي معاي وحده و اهيا انا متزوجها متعه و ما ابيج تشوفينها و قام يبجي و انا رحت عند امي طبعا ما قتلها السالفه و اهوا الحين ما دق و معصب علي ليش انا صرخت عليه و سوت هالحركات و يقول انا ابيكم انتو الاثنتين مع بعض تبين قعدي ما تبين اطلقي بس انا احبج و ما راح اقصر عليج و انتي حبيبتي و انتي عمري و اهيا انا وحده كنت اعرفها ايام المراهقه و تزوجت و تطلقت و انا شفتها و تزوجنا بالسر بس تري اهيا ما راح تاخذ من حقج شي ابدااا و اهيا انا ما راح اشوفها وايد ماني فاهمه طبيعه العلاقه شنو يعني

هذي القصه و انا يا بنات محتاره اوافق و اوقول نزوه و تعدي و لا يمكن ازمه الخمسين و اتعذب من داخل و اصبر عليه و لا اتطلق شرايكنم رجاءاا بنات ساعدوني
مع العلم اني احبه و هذا الي معذبني

ما ادري شقوول لج

الله المعين

ياحياتي … اذا بينكم اولاد لاتطلقيني اصبري والصبر مفتاح الفرج…

اشلون مايبيج تشوفينها وشلون عرفتي انها وحده مافهمت

اللله يعينج بس صبري عليه دام تدرين انه يحبج يمكن مشكله وتعدي او يمل منها ماتدرين الله كريم

الله يعينج

استخيري و استخيري واستخيري

والله يصبر قلبج

انا قاعده اتعذب احس انه دايما معاها و اموت من الغيره و علي فكره انا ما عندي عيال

الله يعينج على بلواج

الصبر ثم الصبر ثم الصبر

والدعاااء

اهوا قالي انه معاي وحده

مادري شقولج
بس الحمد لله انه يحبج ولج مكانتج والبنت هو انسان زين ماخذاها بالحرام ولا سوا الشيئ بالحرام

وستر ع المرا والله يحفظكم دنيا واخره

طولي بالج وقعدي مع نفسج وان شالله الله ينور بصيرج وخللي الطلاق اخر تفكيير

ان ماقدرتي تحملين بس ماعتقد العشره تهووون حتى لو تزوج مماتي

والله لايحرمكم من بعض

حافظج الله

لا تطلقين وتهدمين بيتج اصبرى

الله يفرجها عليج بالمطر الي قاعد يطق ان شاء الله وتنحل مشاكلج ولا تخلينها تاخذه منج لا تتطلقين حبيبتي خليه يشتاقلج ويحبج انتي فري راسه

كثري استغفار

امبي زواج متعه @_@

زواج المتعه قصده بس يقزر عليها بوقت الي يبي ويروح ما تعتبر زوجه

الشره عليها الخبله الي راظيه مالت عليييييييييها من وحده :@:@

حسبيالله علي البنات لي ياخذون الرياييل من حريهم :@:@

مادري والله شقولج سالفتج تحر الواحد

بس اذا عندج عيال خليج لا تتطلقين خلاقولج نصيحه بما انج واعيه وكبيره وريلج عود

بما انج عيال خليغازل ويتزوج بالسر بس كسمعه انج مع عيالج وابوهم مستقرين وعايشين عدل

يعنى الي اقصده انه مايأثر على عيالج انه ابوهم مطلق ومتزوج وحده اهوا زواج متعه راح يمل ويرد

بس انتى سئليه ليش انا مقصرهبحقك بشي ؟ شنو سر انجذابه للبنت شنو تسويلك ؟؟

بس انا اقولج لانه بعمر ال50 اغلبهم يتزوجون يعنى يدون شبابخم ويعتبروناه رجوله يتزوج متعه مالت عليهم ماكو عقل

انا انصحج صبري عشان عيالج وخليه لا تتطلقين بدام امج تحبينه ترا الوحده لمن تكبر تبي احد يسندها ريال

سو انتى سحريييه بجمالج ودلالج وسحريه وتدلعييي اهم شي الدلع عند الريال يحب الدلوعه

وردي ايام شهر عسلج عشان ينسى هذييييج عدلل

الله يعينج ويصبر قلبج ياعمري . .

بس نصيحة لاتتركينه لغيرج بسهولة انتي الخسرانة .. خليج قاعدة على قلبهم اهما الاثنين ومصيره بيردلج وبعرف انج الافضل
(الصبر مفتاح الفرج)

ونصيييحة من قلب .. قومي قيام الليل وصلي وادعي من قلبج ان ينور بصيرته وقولي اللهم طهر قلبه واغفرذنبه وحصن فرجه .. اللهم أره الحق حقا وارزقه اتباعه واره الباطل باطلا وارزقه اجتنابه

والله يعينج مادري شقولج اكثر