الدوام الرسمي من الساعه جم لـ جـم ؟؟

حبوبات بسألكم

اليوم دوامنا من الساعه جم لجم ؟؟

طبقو اطالة الدوام

@@ وإلا للحين ؟؟
<<<< نايمه بالعسل مادري عن أخبار التربية ماقريت جرايد منذ مبطي

من الساعة 7.30 الصبح

والطلعة الرسمية

الروضة 12.30

الإبتدائي 1.30

الثانوي والمتوسط 1.35

بس اتوقع يطلعونا مبجر أول يوم

زيادة الدوام راح تكون بس يوم الثلاثاء تصير الهدة 2 من تاريخ 5/10 إلى 29/3

أها اشوه يعني ماطبقو اطالة الدوام …
كنت احاتي الطلعه 3ونص قريتها بموضوع وحده من العضوات واخترعت @@

الاطاله يووم الثلاثاء بكل المدراس ولا بمدارس معينه ؟؟
سوري كثرت الاسأله عليج
ومشكورة عسوله

الطلعـه ..

1:30

احنا 1 ونص ومو بالعينها للحيـن ..

خلونا شوي نصحصح من صدمـه 1 ونص .. و2 وثلث ..
قبل لا يصدونا بـ طلعه الساعه 3

امبيه من صجهم طبقوا قرار زيادة الدوام حرام عليهم والله لو تشوفون اليهال اخر حصه اشلون سايحين ومالهم خلق والله حرام مالت علي التربية عيل متي بيب ولدي من مدرسته اوصل له عيل علي الساعه 2ونص وهو بالروضه kg1 والله حرام عليهم اف
والله ضاق خلقي حسبالي بس كلام فاضي هم مالت عليهم توفير الوجبات بالمدارس صارل لهم سنتين نسمع فيه واللحين سيده طبقوا هالقرار
نعود لمحور الحديث ناظرتنا الله يهديها ما تطلعنا الا 1 و20 دقيقه حسب دوام الأبتدائي بالدقيقه عمرها ما طلعتنا امبجر حتي اخر يوم تخلينا انداوم وكل سنه اكون اول وحده افتتح المدرسه مع قله من المدرسات والباقي يتسحبون و باجر بروح علي 8 مو اكثر

يا الله الحين ورونا شطارتكم تحتجون ولا ترضون مثل العادة بس احنا شطار نشتكي ونتحلطم بس انسوي شي لأ

أوووهـ توني انتبه زادووو 10 دقايق @@ ويوم الثلاثاء ل ثـنـتـيـن
الله يستر من قرارات الوزارة … لا لا لا مو صج … جونا مايساعد راح نذوب من الجو
واللي يكمل عليها اذا اخترب تكيف المدرسة ياااابوي

اي والله لا يصدمونا بالـ 3 ونصف … قريتها بموضوع الاستفتاء نطلع 3 ونص ارهقت مضاجعي وأشغلت عقلي وشط خيالي …وقعدت أتخيل الوضع ..على طول قلت مايبيله تفكير استقاله من امها 3 و نص يااااااوووووو ما اتحمل …

اليوووووووووم اتوقع يدلعونا عشان بعد اجازة الحجي الاسبوع الياي اككككيييييييد