الدكتورة سعاد البصيري !!

السلام عليكم ورحمة الله وبركاته
اشلونكم يا امهات
أبي اسألكم
اشرايكم بالدكتورة سعاد البصيري ؟؟
انا ولدي ذبحني ماخليت دكتور ما وديته
من أول ما ولدته واهو كله يرجع من حلجه ومن خشمه ومايقعد شي في بطنه وضعفاان حيل تعبت منه ونفسيتي تعبت ولا دكتور فادني بشي بس فالحين يعطوني حليب ضد الترجيع وثقيل عليه وماكو فايده يرجعه كله .. انتوا اشرايكم في الدكتورة سعاد البصيري ؟؟

بنتي على طول عندها اذا فيها شي جايد اسم الله عليها
لنها وايد ممتازه

واذا مستعيله اروح الهادي هم زينيين حق اليهال

الله يشافيه ان شااءلله
وما تشوفون شر

حبوووبه اسال الله العظيم رب العرش العظيم ان يشفي طفلك يارب العالمين

انصحك اولا بالقراءة عليه دووم

وبالنسبه للدكتوره سعاد حماي دوووم يودي عياله عندها ويقولون شاااطره وممتازه ودي طفلك عنده

ويييع تلووع جبدج حييل من النطره انا مره رحتلها عشر الار بع الصبح ماطلعت منها الا الساعه 3 ونص العصر

ياربي تشافي ولدج
بس بصراحة انا محد عرف لولدي الا دكتور بندر المطيري بالجهراء تعنيتله عشان ترجيع ولدي موطبيعي
عطاني موتيليوم ودوا ثاني صج وقف الترجيع بس قالي استمر لمدة جم شهر

والله خووووش دكتوره بس اذا شي جايد و مانفع معاه الدكاتره العادييين لان النطره والحجزززز لووووعه

الله يشافيه يارب

بخصوص الترجيع انا في بنتي هبلتني الرضعه كاملة ترجعها ولا بعد لما صارت 6 شهور واهي بهالحاله وقالي الدكتور انه عادي وطبيعي في واييد يهال جذي وعطاني لها حليب للارتجاع خالي من اللاكتوز ومشى معاها وعطاها دوا والله نسيت شنو عااد اهما

والدكتور البرفسور خالد السعيد بعيادة دار البراء بالجابريه وهذا رقمهم:25354867

وبالننسبة للدكتوره زينه واايد يمدحونها بس واااااااااااايد عليها زحمه ماتسوى عليج يموت الياهل وما طلع دورج وانتي براحتج

مااعرفها عدل بس يمدحنها انا جربت دكتور مازن العيسى لعيالى وايد زين

زييينه والله اهي اللي عرفت حق بنتي بس مثل ماقالووو زحممممممممممممه

اشكر مروركم .. ربي يسعدكم ويوفقكم .. ويارب تشفي ولدي .. ابي دعواتكم يا امهات ..

حبيبتي والله …
الدكتور وايد زينه وانا بعد شوي بروحلها عشان لودي بعد تعبان ومحد عارفله…وحبيبتي تره الترجيع من حلجه وخشمه عادي انا صار معاي افبنتي
والله يشهد انها كانت تطلع نافوره من خشمها مع اني كنت ارضعها من صدري…
وبعد فتره بسيطه صارت عاديه…وان شاءالله ولدج مايكون في شي باذن الله حبوبه …
واخذي رقم من الدكتوره قبل لاتروحين العياده انا الحين جذي سويت ريلي راح قبل نص ساعه اخذ رقم وبعد شوي احنه انروح عشان لا ننطر وايد
ودقي على العياده اهي اتفمج الطريقه …
والله يعافي ولدج ولدي ان شاء الله…

شوفي بالنسبه للزحمه اذا كنتي ماخذه موعد
ماتحوشج زحمه اتكلم عن الصبح
كلللله اروحله الصبح ومااااااااكو احد

اما بليل ما ادري ولا مره رحت

بس فترة اذان الظهر لنها تصلي

وزجمه لنها تاخذ وقتها مع المريض مو بسرعه بسرعه عرفتي
وطمنينه عنج

حبيبتي والله انا رحت الموعد مالي بعد ماريلي خذه رقم والله 10 دقايق على بعض ماقعدت ابسرعه دشيت…………
الله ايسهل عليج يارب……..

دكتورة سعاد اشطر وحدة وتعرف حق الاطفال كانت دكتورتي انا وصغيرة وما احد عرف اني انشل من نوع ابر غيرها وانشاللة اذا قمت بالسلامة ولدي بيكون عندها انصحج فيها حبوبتي وصدقيني مارح ترتاحي غير عندها والزحمة ئلي تصير هاذا. دليل على خبرتها وسمعي كلام البنات عشان لا تحوشتج الزحمة واللة يشافي ويعافي ولدج حبيبتي ويقوما بالسلامة

الدكتوره سعاد ممتازه ماشاء الله عليها ,,,
محد عرف لودلي غيرها مابقى احد ماوديته حقه ,,,
ومنهم سهيل خمار مالت عليه وعلى لسانه الوصخ ,,,

بس مثل ماقالوا البنات حيييييييل زحمه ,,,
لكن تعجبني تعاملها مع الياهل ,,,
ولدي بالاشهر وتكلمه كانه كبير ,,,
تقوله عسى ماشر يابو بدر ؟؟ هع
واستمريت عندها لغاية اللحين ولدي عمره 10 سنه ,,,
وترى ترفع للياهل وتصقط ’’ تغمز ’’
تحياتي …