الخيانه الزوجيه من الزوج لي زوجته

السلام عليكم شلونكم حبيباتي حبيت اتكلم عن موضوع يمكن الكل مر في او بالاحرى المرض المنتشر بالكويت الحين خيانه الزوج الي توه متزوج حق زوجته بقولكم عن سالفه شخصيه صارت معاي انا طبعا ماصار لي سنه على زواجي من بدايه الزواج اكتشفت بان زوجي يخوني بنفس تلفون الي انا اعرفه وعنده مليون وحده وشكلهم علاقاته الي قبل زواج طبعا حسيت بان زوجي مايهتم لي ولا يبادلني نفس الشعور فقلت بنبش والحمدالله نبشت وشفت بلاوي تشيب الراس منه في البدايه ماكلمته طنشت ودست على قلبي لكن كل مالها الامور تزيد من خيانه وسهر بره البيت وطلعات وسفر مع ربعه وانا المسكينه مو حاس فيني معني اهتم بكل شي فيني لكن لا جدوى منه طبعا جم مره واجهته وقوله ليش شالسبب توقعون عذره اقبح من ذنب يقولي انتي وايد تهتمين فيني وكل انا الي بالج من جذي شفت بره طبعا كلامه مادش بالي ظليت اتحرى من وراره ليما صار اليوم واكتشفت انه من قبل لايتزوجني كان يحب وحده وخطبها وماصار نصيب وانا المسكينه صرت الضحيه وتزوجني شلون عرفت اكيد بتسئلون طبعا اهو كل ويك اند ينام بره البيت قلت لازم اعرف اهو وين يروح فراقبته وعرفت انه عنده شقه اعوذ بالله وعرفت انه راعي سهر وحفلات هم طوفت لكن سالفتي اليديده عرفت ليش ز وجي مو متقبلني لان رد حق حبه القديم ويتصل فيها ومسجات حب ويواعدها طبعا خذيت رقم البنت وكلمتها انصدمت لما درت انه متزوج والحقير كان يحلف ويتكفر لها انه مو متزوج البنت طلعت بنت اوادم واعتذرت وتاسفت والخ المهم اهو واجهته فيها مو راضي يعترف بالخطا ولا راضي يقولي اسف او حتى كلمه حلوه تريح القلب فالحين انا حدها نفسيتي تعبت منه والله قمت اكره الزواج وقمت استغفر الله ادعي عليه بالموت من كثر الجرح والالم الي فيني منه المشكله انا ودي اطلق لكن شاكه اني حامل ولا ودي افتك من الجحيم الي انا منه بليز ساعدوني شسوي بهل الحاله اصبر اذا كنت حامل ولا اطلق لان اهو بايع ومستعد من باجر يطلق شرايكم ابي الحل

لا حول ولا قوة الا بالله انزين حببتي ليش ما تدخلين احد من اهله بالموضوع مثلا اخوه تكلمينه تخلينه يتفاهم معاه او اخوج الكبير مادام اهوه بايع يمكن الله يهديه من يسمع انج حامل ما تدرين وهدي بالج ترى والله وايد مثل حالتج لكن عقبها تعدلوا وتسنعوا لا تسوين شي بعدين تندمين عليه

مشكور حياتي على الرد انا خليت اهلي يكلمونه مليون مره وهم اهله يقول هذا انا ماراح اتغير بسوالفي تبيني تحملي ماتبين كيفج المشكله انا وايد دست على كرامتي تعبت والله العظيم احس حياتي كل هم بهم

الله يعينج ولا خياااااااانه تذبح
سالينى انا عنها
ما اقول تخلين اهلج يدخلون واذا ما طلعتى حامل
تطلقى منه
واذا اهو يحب وحده ليش يتزوج ويظلم بنات الناس

اي والله مو بس تذبح الا تطعن وتحسين انج مكسوره ومجروحه جرح عميق لا يمكن يتصلح انشالله يارب ما اكون حامل

مابي اشيشج على ريلج بس ترا كلش مو متحمل مسؤولية زواج !!!!

العفو يا قلبي والله مادري شقولج بس انا من طبعي والله ما احب اذكر كلمة طلاق لانه هالشي مو هين بس حسبي الله ونعم الوكيل بالريال اللي ياخذ بنت الناس ويلعب عليها لا حول ولا قوة الا بالله شنو ضميرهم ما يأنبهم على اللي يسووونه ما يخافون انه الله باجر لا كبروا بناته انه الله يبليه فيهم ما اقول الا الله يهديه عليج ويصبرج انشالله صج مشكله هالنوع الله يعينج عليه يا قلبي بس فكري عدل بالقرار اللي تبي تتخذينه

بس مادري يمكن اهوه قام يتمادى اكثر من ناحيتج عشان يفكر انه ياخذ حبيبته واذا تركتيه بيقول والله اهيا اللي خلتني وطلبت الطلاق مو انا والله العالم اللي بقلبه واللي يفكر فيه هذا اذا فعلا كان عنده قلب صج شي ينرفز

حبيبتي الله يعينج بس الفراق احسن من العيشة مع هالانسان لان مبين مامنة فايدة كللللللللش
مابي اشيشج علية بس شكلة بليد وما عندة مشاعر وانشالله ما تطلعين حامل منة لانة مو كفو يصير ابو
والياهل راح ينظلم واهو مالة ذنب

والله يعوضج خير

وايد متعاطفه معاج لان مشكلتى كانت نفس مشكلتج وانشالله الله يهدى زوجج

اصلا حده مو متحمل مسئوليه زواج من صجكم ماكو اهتمام اقولكم اهو الحين شسوي شابك بالنت ومعطني ظهره شفتو الوقاحه شلون انشالله يارب ادعو لي ما اكون حامل

مشكور على تعاطفج وزوجج اهتدى يعني اتهقين في حل انه يهتدي

اى اهتدى الا تمرد بالاخير انفصلنا
وكان نفس شي يعطينى ظهره ويجابل النت

الله يهدية حبيبتي

واااااااااااي عورني قلبي … أكره هالقسم .. أكرهه كره العما .. كل ما أدشه لازم أبجي ..

حرام ياربي هالرياجيل .. ماخذينا قرقاشه .. يستانسون فيها وعقبن يقطونها ..؟؟

شهالإحتقار للمره ..؟؟

ياربي ينصلح حاله ويموت فيج .. و يعشقج ..

وشيكي يمكن لما تحملين .. يحس بالمسؤولية ..

[ولما انفصلتي ارتحتي