~الخطبة الرسمية ~

أنا ماأعرف سلك أهلكم بس ماأظن حلوه تطلعين للجماعه بجلابيه أقل شي تايور بسيط وناعم أو موديل النفانيف القصيره هذا رأيي.والله يوفقج .

انا براي تلبسين الفساتين القصيره الناعمه افضل والله يوفقك حبيبتي

يفضل تلبسين من هالنفانيف القصيرة اللي هابين فيها ..
حلوه وناعمة ..
وبالأفينيوز في محلات عندهم شغلات حلوه من هالنفانيف .. وفي محل اويسس بالمرينا كله نفانيف ..

و أب لعيونج يمكن يفيدونج البنات أكثر ..

موفقه ..

لبسي نفنوف قصير وناعم اذا كان جسمج يساعد ..واذا لا لبسي تاير ويكون ناعم وفلي الشعر وحطي مكياج امرتب واهم شي تسوين اضافرج بدكير عشان اكيد راح يدققون عليج لما توزعين العصير او الجاي عليهم

وخلج خجولة وردي على قد الاسئله الي يسألونج اياها لانه اهما مراح يجوفون بس شكل راح يجوفون شخصيتج هل تناسب ولدهم او لا

وانشالله الله يتمم عليج ويرزق بالزوج الصالح والذرية الصالح

اول شي الله يتمم خطبتج على خير

حبوبه لبسي تنورة قصيرة او نفنوف قصير شكلج يصير ذرب وناعم وحطي مكياج ناعم ولاتخبين نفسج لان البساطه احلى

حبيبتي انا بقولج شنو سويت

انا لبست نفنوف نااااعم قصير وضيق لان جسمي حلو ويساعد وشعري رفعته كله بطريقه حلوه وماحطيت مكياج واجد حطيت مرطب ومسكرا وجلوس زهري بس

نزلت لهم بشكلي الطبيعي ماحبيت اسوي شي يغير من شكلي لان حسيت جذي افضل عشان باجر مايكون له حجه اني يوم الخطبه غير عن الطبيعه

وماراح اقولج سوي نفسج مستحيه لان غصب عنج بتستحين وتتخربطين وحتى منتي شايفه وجيه العالم من الفشله انا من كثر الاحراج بغيت اغلط واسلم ع جدتي لو ماوقفت امه وانتبهت لها هههههههههههههههههههههه

الله يسهل عليج امورج ويوفقج

لبسي فستان قصير حلو حق خطبة حريم الدراعه حق حنه مثلا