|
|
انشالله تمااااااااااام
بنات حبيت آخذ رايكم موظفات أو عاطلات عن العمل كله واااااحد
شنو تفضلون القطاع الحكومي ولا الخاص؟؟ و ليش؟؟؟؟ من ناحية المزايا و العيوب و المعاشات و العطل و كل شي
انا من ناحيتي ما اشتغل ليلحين بس على كلام الناس أعتقد كل واحد له مزايا و عيوب بنفس الوقت
بس حسيت اني أقضل الخاص
يلا نبي نسمع آرآءكم
يلا بنات نبي بعد آرااااء
بس حبيت اسمع من البنات اللي يمدحون الخاص ليش تفضلون الخاص؟؟
شوفي انا اختي تشتغل بالخاص وتقول تعبببببببببببببببببببببببب وايد وكراف وودها تروح البنك المركزي بس تاخذ خبرة وتقولهم باي باي
شوفو انا انقبلت بالداخليه وبنفس الوقت اقبلوني بشركه استثمارات .. طبعا انا فضلت الخاص مع انه الكل قالي تعب
دوامنا من الساعه 8 لي 4 …. ساعات العمل وايده بس ترا مو كل الوقت قاعدين نشتغل … وايد اوقات نكون فاضيين وماكو شغل بس عيبه انه الوقت ما يمر بسرعه يعني تملين اذا ماكو شغل
اما المعاش .gif "Eh S(15)")
وااااااايد قوي وكل سنه يزيد بنسبه معينه .. مو مثل الحكومه الي يزيد 10 بالسنه : هذا غير البونس السنوي الي بالالاف و التامين الصحي (يعني علاج بالمستشفيات الخاصه ببلاش) والسفرات و الهدايا
يعني كمردود مادي وااايد زين .. انا معاشي اقوى من معاش اختي الي صارلها 8 سنين بالحكومه مع اني انا توني صارلي 3 سنوات …
الترقيات سريعه وااايد اسرع من الحكومه خصوصا اذا كنتي كويتيه .. يعني انا اشتغلت مشرفه الحين مسؤوله وانشالله بعد سنتين مساعد مدير .. بعدها مديره
الاجازات بالضبط نفس الحكومه لانه احنا تابعين للتامينات يعني 35 يوم بالسنه .. وفي مرضيات وطائه مثل مايسمونها .. وعندنا اجازه ولاده و اجازه الحج.. وفي استأذانات
انا برايي الخاص وااايد احسن .. عالاقل الواحد يستفيد ويطور نفسه ويحس له وزنه بالمجتمع وغير جذي ايمعله جم بيزه
انا فضلت الخاص ومميزاته انه الراتب قوي (انا سكرتيرة و راتبي 730 ) دوامي من 8 لحد 3 من ناحيه الشغل صج شغل وايد لكن شغل السكرتيره وناسه اتقابلين ناس وتتصلين على ناس وتتعرفين على اصحاب الشركات الكبيره يعني الحمدلله انا وايد مرتاحه من مكاني فووق هالتعب بس هم احسن عندي من الحكومه
الفكره الي ماخذينها انه القطاع الخاص مو مضمون … هذي غلط .. لان الحين التأمينات تحاسب الشركات .. لازم يكون عندهم نسبة من الكويتيين يعني صعب يفنشووون احد
انا من قبل شهرين قدمت عالبنك واقبلوني .. بس هني دوامي رفضو استقالتي وماوقعها مديري وزاد معاشي 50 دينار بس عشان اقعد وما افكر استقل ( شوفو شلون اذا يبون احد يتمسكون فيه)
|
المشاركة الأصلية كتبت بواسطة opera
 اي ونسيت اقولكم شي
الفكره الي ماخذينها انه القطاع الخاص مو مضمون … هذي غلط .. لان الحين التأمينات تحاسب الشركات .. لازم يكون عندهم نسبة من الكويتيين يعني صعب يفنشووون احد انا من قبل شهرين قدمت عالبنك واقبلوني .. بس هني دوامي رفضو استقالتي وماوقعها مديري وزاد معاشي 50 دينار بس عشان اقعد وما افكر استقل ( شوفو شلون اذا يبون احد يتمسكون فيه) |
بالضبببببط والشركه اللي فيها نسبة كويتين اقل من المتفق عليه تدفع غرااامه
وتللللللزم انها توظف كويتين
يعني لااااازم يوظفون كويتين
.
.
.
انا موظفه بقطاع خاص والحمدلله مرتاحه … دوامي طويل من 8 لي 4 كراف
لكن في مقابل يعني لما اتعب قاعد اييني مقابل تعبي هذا اولا
ثانيا الزيادات والبونس اللي اللي اتيج كل سنه فهذا نتيجه تعبج و شغلج وماترجع لأهواء المدير
وهذااا الاهم
وايد اقرا اهني شكاوي من بنات انها تكرف و تشتغل طول السنه واخرتها المدير ما عطاها امتياز!!
الاجازات والاستئذانات و المرضيات كلها موجوده والطارئه واجازة الولاده والحج (لكنها اقل من الحكومه طبعا)
بس ما حسيت انها أثرت علي
الترقيات سريعه بالقطاع الخاص … على كثر ما تعطين تاخذين
اللي تحب تبرز نفسها و تحس انها انجزت شي بيعجبها القطاع الخاص