الحمولة .الحمولة .الحمولة .الله يغربلهم يارب

مليت من الحمولة الي معي القهر اني ساكنة عندهم بالبيت…ياخي ماشيء احترام لا للكبير ولا للصغير…ينقهرون من اطلع مع زوجي يبوني كله بس مجابلة وجوهم والله على الوجه كل واحدة تتحدى الثانية في النفاق والتمليقة… البارحة الغالي رد من السفر كان برع لمدة اسبوعين واول ما وصل اتصلبي بحكم اني في الدوام قالي من تطلعين لا تنزلين رنيلي وانا بجيش لبرع خلينا نروح نتمشى وهذا الي صار صحيح طلعت معاه وقضيت لحظات ولا اروع في الدقايق الاخيرة نبى نطلع الا وتتصل العبىء الثقيل اخته البغيضة اتصلت بي ما رديت عليها وقامت تتصل بزوجي وهو على نياته قالي خذي الجهاز اكيد يبونج… انا من داخلي احترق واشب نار قلتلها يا روحي بالمسج طبعا انا حاليا مشغولة دزيلي مسج وقولي ويش تريدي الا وسبحان الله تعاند وقامت تتصل رديت عليها بالمسج وقلتلها علامج ايش مشكلتك قولتلك دزي مسج وبرد عليج ما اقدر ارد على الاتصال لان بيني وبينكم ان دارو وينا فيه راح يبداو بطلباتهم الي مالها اول ولا تالي… المهم دزت مسج وقالت جيبي معاج حليب شاي!!!! الله يغربلها من حمولة يعني ما قدرت تدز مسج الا وتهلكني بالاتصال وياريت لو ان هذه الحركة اول مرة لا اكثر من مليون مرة ورغم كذا نبهتها لكن لا حياة لمن تنادي…

العلة الثانية البغيضة الي ما تزوجت للحين واهي اكبر البنات بس مو اكبر من زوجي من شافتني قاعدة تقع في الكلام وتقول يا الاخت الناس تسلم وتقول السلام عليكم يعني بسم الله توني داخلة البيت ليش حارقة عمرها تو ووالله طايحة كل يوم تطلع مع الشباب وانا بعيوني اشوفها وساكتة عنها وترد متاخر بس مافيني حيل حالها واقول احسن خلها تطلع وافتك من حنتها شوي عسى يهتدي الريال الي معاها ويتقدملها وافتك ياربي منها لكن….. الله كريم

غير وغير وغير السوالف والبلاوي الي تستوي وانا صابرة وساكتة بس الحين قررت وعزمت والله اني ما بسكت راح اقراء سورة البقرة بينة اصلاح حالي وحال ريلي والله يصلح لنا امرنا وننتقل من هالبيت وخلها تموت وتشبع بروحها في بيتهم…

ادري اني طولت بس والله مالي حد افضفضله وان قلت افضفض حق الاهل راح تكون حنة ورنة فاحسنلي ابتعد عن الشر واغنيله دام الله موجود متاكدة راح تنفرج همومي…