الحمل والاسنان !!!!

السلام عليكم شلوونكم شخباركم
عندي اسئله وياريت تساعدوووني ظرووووري
اولا:- عندي ضرسين واصلين العصب واخاف اسوويهم اخاف اكون حامل!!!
انا خوافه حيل حيل ومااتحمل العوار واخاف البنج موزين حق الحامل يقولون يسوي تشووه للجنين ومافي اي حل عالاقل ابي اشيله مافي كريم يخدر شيصبرني 9 شهور ؟؟؟؟
ثانيا:- سمعت بعيادة دار الشفا عندهم جهاز يعالج الاسنان بالليزر بجلسه وحده بدون ابر ولا الم ؟؟؟؟
موجود بس منو اللي جربته عفيه فيدوني وبجم ؟؟ وشلون طريقته يعور ولا لأ؟؟؟
ثالثا:- انا عندي حساسيه من بنج معين واخاف اروح المستوصف اسووي اسناني!!!
خامسا:- بالنسبه اذا مابي اعالج ضرسي وابي اشيله واركب واحد غيره يعووور لوووووووول
ناطره الرد ساعدووووني عفيه
وشكرا

والله مادري بس انا حامل وعندي ضررس العقل طالع غلط ومتسوس وذابحني العوار ولا اقدر اسويه لان لازم عمليه صغيره بس الحين مصبره نفسي بمسكن الاقيه عند لولو هايبر ماركت بالري وهو طبيعي الزيت مال القرنفل يعني ماكو خطوره على البيبي وماشي معاي شوفي جربيه لان مو زين تسوين اسنانج ونتي حامل خصوصا اول الاشهر

انا توني مسويه 4 ضروس بس مو عصب العصب مارضى قال يأجله الى بعد الولاده
لانه مايقدر يسوي لي ليزر
بس السوس العادي مايأثر

بس العصب مادري قال نطري يابنتي

حللي اول

اذا مو حامل توكلي علي الله

اول 4 اشهر مو زين البنج
بعدين على حسب الحمل الدكتور يكتب لج تقرير لطبيب الاسنان يحدد كمية البنج الي يعطيج اياها اعرف وحده شالت العقل و اهي حامل

زين والله لان انا العقل طالع عوي ولازم عمليه صغيره بنج وخياط يمكن اهيا مو نفس حالتي شنسوي بعد نصبر والله يعين

بنات انا حللت وقالت لي الدكتوره موحامل قالتلي نطري جم يوم بعد اذا مانزلت الدوره حللي مره ثانيه واخاف اسوي اسناني واكون حامل وبفترة تكوين الجنين هذا اللي احاتيه وماقلتووولي احد جرب علاج العصب بالليزر اللي بدار الشفا ؟؟؟؟؟ عفيه قولولي اذا يعور ولا لأ يقولون بدون أبر ولا ألم

قوووووووووووه شخبااااااااااااارك الف سلامه عليك والله يعينك علا وجع الاسنان

وبعدين حتى الليزر مووو زين حق الحااااااااااااااااااااااااااااااااااااااامل انتبهي على نفسك

انا توني بالشهر الثالث والشهر اللي طاف حطلي الدكتور ابرة بنج وشال العصب وحشالي الضرس
عااااااااااااادي بس نسبة البنج خفيفه

اهيء اهيء اهيء
اكره شيء عندي بالحياة الم الاسنان
بس انا نفسج اخاف المسهم اصلا الدكتور قالي اذا ماتبين الم اصبري الين بعد الولاده لانج مهما عالجتيهم راح يردون يعورونج مع الحمل….يعني بكل الحالات الصبر هو افضل شيء
بس وايد قالوا لي شربي حلييييييييييب وايد يوميا

مشكووورين عالردود الحلوه عاد صج الحليب وايد زين وانا مااشرب وايد بس مع كورنفلكس وبالنسبه يحطولي بنج خفيف لالالالالالا مستحيل هههههههههه ابجي واصارخ مثل اليهال عيل اصبر لما اولد حددددددددددددي خوافه ماحب ادش طبيب الاسنان اااكررررررررررره شي بحياتي

انا شلت العصب وانا في بداية الخامس لان كان وايد يذبحني وزايد مع الحمل والدكتورة حطتلي شيء على بطني علشان ما يضر البيبي وسوتلي بنج واطلبت من السستر ان ما تحط شغله قالت اسمها بالانجليزي علشان انا حامل هذا اللي فهمته

واذا حامل ان شاء الله تقدرين تبتدين بعلاج ضروسج من بعد الشهر الرابع وااذا مو حامل انصحج اتعالجينهم قبل الحمل لان مع الحمل راح وايد وايد تتعبين اللثه تنزف والضرووس راح تعورج شيء طبيعي

عند منو مسويه اسنانج ؟ قوليلي عفيه