|
|
السلام عليكم شلونكم بنات شخباركم
انا ابي استفسر منكم منو فيكم احملت حمل خارج الرحم وشالولها الانبوب وحملت بعده طبيعي ؟ وشلون حملت بعد علاج ؟ والا عادي ؟
بنات ابي تجاااااااربكم انتو مو من النت
والله اني افكر واحاتي لاتبخلون علي بتجاربكم
واللي ما عندها اي فكره او اي تجربه ترتفع النوضوع الله يرفع مقدارها لا تدخلون وتطنشون
اعرف وحده مثل حالتج بالضبط وشالولها الاانبوب وحملت انابيب
تقول ان العلاجات مانفعت معاها
يبيله صبر حبيبتي والله يرزقج
بس ابي تجارب بنات بعد
في وحدة معانا بالمنتدى صار معاها وشالوه اول شي بكيماويات ومارضا يطيح جان يستأصلون الانبوب
ان شاء الله تشوف موضوعج وتساعدج
وربي يرزقج ويرزقها الذرية الصالحة
لاني اكتشفت الحمل مبجر الحمدالله عطوني ابر كيماويات ومانفع بعدها سوولي منظار شالوا الحمل بروحه مو الانبوب لان كان حجم الجنين اقل من 3 سانتي ومن 3 سانتي وفوق يشيلون الانبوب …<< هذا مو موضوعنا بس حبيت ابين السبب الي ما شالوا فيه الانبوب والحمدالله وشكر يارب
نيي على موضوعج قبل لا اسوي المنظار قالي الدكتور ان اذا شافوا الجنين كبير يشيلون الانبوب وانا قمت ابجي ان شلوون احمل بعدها خصوصا ان هذا اول حمل لي قالي الدكتووور حياتج بتكون طبيعيه كل شي عادي مو شرط تحملين من هلجهه من الجها الثانيه تحملين طبيعي وبعدين دام المبيضين سليمين ممكن بالمنشطات ياخذون البويضات ويغرسونها بالرحم
يعني عندج اكثر من حل لا تحاتين حبيبتي
1- تحملين طبيعي واذا تبين تحملين طبيعي نصيحه من اخت لاتفكرين بموضوع الحمل انسيه قولي باخذ جم شهر راااحه وخلي الجماع موجود بس مو باستمرار ركزي على اليوم 12 و 13 و 14 و 15 و 16 من الدوره … وبس لمن يصير القذف لاتقومين على طول خلج منسدحه واغفي شوي ربع ساعه جذي وقومي بعدها غسلي …بدووون تفكير بالحمل
2- انج تحملين بالمنشطات وهلشي ايتابعه معاج دكتور متخصص وانصحج … بدكتور باترك مستشفى لندن او ماجده اليتامى
3- تحملين بالحقن المجهري او اطفال الانابيب
يعني حبيبتي ماكو شي صعب صدقيني الطب تطوور وحالتج عاديه … عليج بالدعاء وراحة البال سبحانك ياربي الرحم مرتبط بعقلج كثر ما عقلج يحن على الموضوع مايصير حاله حال اي شي ان حنيتي على الشي فقرتي روحج انسي الموضوع اييلج .. ادري صعب بس حااااااااولي
واذا فدتج لوو بشي بسيط اتمنى تدعيلي ان الله يتمم علي حملي وعسى الله يرزقج الحمل السليم عاجلا غير اجلا يارب العالمين
ملاحظه : انشالله اذا حملتي من اول ماتعرفين انج حامل على طوول سوي تحليل هرموني وبعدها عيديه عقب يومين اذا تضاعف اوكي اذا ماتضاعف فا في مشكله .. خصوصا الي حملت حمل خارج الرحم من قبل ممكن يتكرر معاها وانشالله مايصير لج هلشي مره ثانيه لا انتي ولا اي من بنات المسلمين
اخت صديقتي حملت خارج الرحم وحملت وعندها اثنين اطفال والحين حامل بدون علاج
وعسى ربي يتممم علييييييييچ ياااااارب وتشوفينه بحضن سليييم معافا وتشوفين عيال عياله يا رب
ولا هانو الباقين اللي ردو علي
والتفكييير بالحمل لاااابد منه مستحيل اشيل الفكره من بالي احس صعبه