|
|
السلام عليكم بنات 
واخيرا ما بغيت اولد والله هم وانزاح …
ولدت بتاريخ 29 /6 تخيلوا وعيد زواجنا 30 /6 الله يهداه ما نطر يوم .gif "Eh S(14)")
خل اقول لكم شصار فيني
ولدت في مستشفى رويال حياة وللأسف كانت دكتورتي امل عبدالعزيز بس ما يتني مع ان لو تشوفون مشاركاتي قبل كنت دايما امدحها ولي الحين امدحها بس الصراحه صدمتني …
واي بنات تخيلوا حزت ولادتي على حظي صار عندها ظرف ما قدرت تولدني وشنو الظرف ماادري وهالشي ما زعلني لان كل انسان يمر بظروف بس على الاقل عقب ولادتي لا دقت ولا سألت ولا حته مرتني وايد احتريت ..
وولدتني دكتوره خالده مجيبل هم اتينن بس عصبيه شوي ههههههههه زفتني وانا اولد من كثر ما احن عليها ابي ابرة ظهر 
والحمدلله الله رزقني بصلوحي الله يحفظه
شلون ولاده رويال حياة ياريت تقوليلنا تفاصيل اكثر لاني مفكره اولد هناك
ويتربى بعزج انشالله
عاد قوليلنا نبي بالتفصيل الممل
لان انا اراجع عند د.خالده شلونها بالولاده وانا متردده وخايفه اولد بهالمستشفى
ها خذيتي ابره ظهر ولا لا ؟
قوليلنا عن ولاادتج و اي غرفه و استقباالللج و جم طلعت ولاادتج
.gif "Eh S(1)")
والف مبروووك
اول شي حاشني عوار خفيف بس ريلي طقت جبده مني لان كل الي نعرفهم ولدوا الا انا فسيده خذاني المستشفى طبعا قص علي ههههه قالي اذا رحتي معاي نسويلج تخطيط ومافيج ولاده اوديج نتريق بره طبعا انا رضيت لان كلي ثقه ان ما فيني ولاده لانه عوار خفيف اول مادشيت جان يقولون ان طلقي حيييييييييل قوي بس مو مفتوحه الا سانتي وما رضوا يطلعوني الا بتوقيع من ريلي وطبعا ريلي ما رضه.. هالحجي كانت الساعه 6 ونص الصبح
وودوني بغرفه نسيت شنو اسمها ميموسا او شي جذيه واهيه غرفة الولاده ابيه بنات كبييييييييييييره وشرحه والحمام اينن وسسترات ما هدوني ولا ثانيه سستر تروح وسستر اتيي وغزوني ابره قالوا اذا زاد الطلق نولدج واذا خف تروحين بيتكم بس غزوني اياها زاد اكثر وحطوا الكمام يمي مته ما حسيت بعوار اشم شويه …
وكانت امي وريلي وابوي معاي بالغرفه وماحسيت بشي بس عقب مع الصور شفت ان الناس كلهم كانوا عندي مع ان مايصير يدخلون احد بس دشوا وايد يعني امي وخواتي وابوي وريلي وام ريلي وووووو طبعا عقب ولادتي يعني ماشافوا شي بس شافوني وانا اطلق هههههههههه مع اني كنت ضد سالفه ان ريلي يكون معاي بهالحزه بس صارت
الدكتوره خالده ما رضت تغزني الابره الا بعد ما انفتحت 5 سانتي مع ان دكتوره امل قالت اول ما تيني 3 سانتي بعطيج الابره سيده عشان ما تحسين بشي بس خالده ما رضت وعصبت علي قالت اغزج اياها بس كيفج انتي تتحملين خفت وطعت كلامها مع ان الكل قالي تحملتي لي 5 لييش ؟؟ كان المفروض تعطيج اياها مبجر
الابره غزوني اياها يمكن 6 مرات تغزها وتقول لا غلط وتعيد بس في دكتوره ثانيه اهيه حق الابره مو خالده بس لوما الله ثم الابره جان انا علووووووووووووووم من غزوني اياها ما حسيت بولا شي قدرت اولد عادي بس حسيت بطلعت الراس يعني مو عوار لا حسيت شي يضغط علي حدها اتينن هالابره
اييي ونسيت اقولكم حطت لي دكتوره خالده بالون عشان يفتح رحمي بس لي الحين ماادري شنو قصته لان ما يتني خالده بعد ولادتي ولا حته امل وهذا الي حارني
وبعدين ريلي حجز لي كاميليا وسويت استقبالي بجاردينيا بس والله بنات ماعليكم من اللي يذمون بهالمستشفى المستشفى اكثر من روعه والسسترات يهبلون وكل شوي داشه علي دكتوره من المستشفى تسألني شلوني وشنو ابي وحزت ولادتي كانت 3 سسترات يمي والدكتوره خالده ودكتوره مصريه وهنديه يعني 3 دكاتره و3 سسترات
وكلفتني ولادتي كلها تقريبا 1800
الصراحه طمنتيني
