|
|
سلام عليكم بناااااااات
انا توني متوظفه وحابه اشتري هذيه حق امي وجق زوجي بعد بس محتاره شنو اشتري لهم ؟؟؟
شورو علي شنو تنصحوني والي عندها افكار حلوه خل اتقول عشان ابي ارتاحه تعبت من كثر التفكير
يالله انا ناطره ردودكم 
وربي يتمم عليج بالخير ..
الصرااحه ماحبيت اطل واطلع ..
بس ماعندي افكااار وااايد بقول الي اعرفه ..
انا اقول امج عطيها افلوس واهي خليها اتشرى احسن..
لان حتى لو بتشترين لها طقم ذهب بيكلفج ..
لان مثلج عاااارف الغرااام غلى ..
وعلى راااحتج
اما ريلج .. ماعرررف الصراااحه بهدايا الشباب ..
وانا اعززووووبيه اتمنى البنات يفيدووونج ..
امووووفقه
ام زوجك عطر راقى يعنى ماركة مثل فرزاتشى عجيييييييييييييييب
امج اشتريلها ساعه كشخه
وريلج اشتريله بوك وميداليه وقلم
سيت كامل يعني
بس زوجي ما ادري ودي اسويله شي افاجأه فيه او اشريله شي قيم بس ما ادري شنو مو ابالي شي معين ؟؟
كلي غنج … انشالله ياربي ما تمر هالسنه عليج والا وانتي لابسه الدبله ابايدج
شووفي يا قلبي بالنسبة حق الوالدة انا من راي ( كلي غنج ) عطيها فلووس انا جذيه سويت مع امي .. لأن خوفج تشتريلها شئ ما يعجبها ولا عندها .. وحق زوجك امممممممممممممممممممممممممممممممممم انتي اخبر شنو يحب اذاكان عطور ولا اكسسوارات مثل مسباح أو بزمااات أو ساعة ما ادري شوفي الشئ الي يحبه ..
موفقة حبووبتي
|
المشاركة الأصلية كتبت بواسطة new^mom
 اول شي مشكورن وما قصرتو حبيباتي … عاد صج شكلي بعطي حق امي فلوس لانها وايد صعبه وما يعجبها اي شي
بس زوجي ما ادري ودي اسويله شي افاجأه فيه او اشريله شي قيم بس ما ادري شنو مو ابالي شي معين ؟؟ كلي غنج … انشالله ياربي ما تمر هالسنه عليج والا وانتي لابسه الدبله ابايدج |
حبيبتي العفووو .. ولو احنا خوات انعين ونعععاون ..
ومشكووورة عالدعوة الحلوه ..
ربي يسعدج ويوفقج لما يحبه ويرضاااه ..
امييين
ومبرووك عالوظيفه
انا اقول اول شي توزعين علينا بما ان احنا خواتج وباركنالج وبعدين شوفي شنو توزعين هدايا حق اهلج .. لوووووووووول
شوفي حبوبة
امج انا اقول احسن شي تعطينها فلوس .. احسن هدية والله
وزوجج يبيله بوك مثلا او سبحة او جوتي تكرمين او ساعة ..
ومشكورين على هالردود والتبريكات الحلوه .. خلاص قررت اني اعطي حق امي فلوس ويمكن اشتري حق زوجي ساعه او مسباح كهرب لان اهوه يحب الكهرب
واخيييييييييران ارتحت من التفكير
حبيت أذكرج تسوين كفالة يتيم أو صدقه صغيره عشان ربي يبارك لج بمعاشج.
موووفقه ..
الفاال لي يااااااارب العالمين مليت محاضرات ودرووووووووس حاسه ماراح اكمل وبتوظف بشهاده الثانويه >>محد سألج
المهم حبوبه الوال الله يخليها لج عطيها فلوووووس بس مبلغ محترم مو تخلين المعاش كله لج وبعلج هههههههههههه
وزوجج عاد انتي تعرفين شنو يحب اختاريله هديه حلوووه مثل شماااغ وانعال واتني بكرامه او موبايل جديد
امج مثل نا قالو عطيها فلوس ..
وريلج عطيه تليفون اي فون وايد حلو ويحبونه الرياييل .. ولا اخذيله دهن عود من الطيب والغالي حطيه بصندوق مع بخور ومسباح
ولا اشتري له قلم ولا بوك ومداليه
بس اذا تبين اتقدمين القلم قوليله : ( ابي هديتي تكون دايما يم قلبك )
او مدام احنا داشين على صيف .. اشتريله جسوه الصيف .. اخذيله جم قطعه خام دشداشه مع جم غتره ماركه .. واذا تعرفين ذوقه بالجواتي فوقهم جوتي .. مثل ما جساج هالسنين انتي هالمره لبسيه