الحسو

يا بنات الي تعرف طريقة الحسو ومن وين يشترونة تشارك لان ماباقي شيء على ولادتي وامي ما تعرف طريقتة……………… ساعدوني

والله ودي افيدج بس ما ادري شلون بس اعتقد من الحواي روحي الديره وقوليله ابي حسو
والطريقه اعتقد تحمسين طحين وتحطين معاه الحسو وسمن وشكر بس عاد ماادري شلون
ان شاء الله اكون فدتج

تلقينه عند الحواي

وانا طريقتي احط ملعقتين وسط على كوب حليب على الريج

اختي توها والده وكنا مزهبين لها حسو

بس ولدت قيصرية يعني ما تقدر تشربه

المهم تشترينه من الحواج

وتسخنين زبدة وتحطين معاها ملعقتين من الحسو وحطي ملقعة بر مع سكر وبس

ولازم يكون قبل الريوق

يعني تشربينة الساعة 6 او سبع الصبح

وتتريين 9 او 10

تتريين = تتريقين

بنات مشكورين على المعلومات.. بس الحسو مو يكون شي مثل الحلوى..يعني ثقيل شوي مو شراب صح؟؟

هلا MiMi حبيبتي الحسو في له اكثر من طريقه
في ناس يسوونه مثل الشوربه مثل اهلي
وفي ناس يسوونه مثل الحلوى او العصيده
وفي ناس يحطونه مع العصيده وفي ناس يلهمونه لهوووم
وفي ناس يحطونه مع الحليب
يعني تتعدد الطرق والفايده وحده عرفتي

انا احط الحسو ملعقتين كبار
في عصيده التمر اللي تسويها امي يمي يمي لذيذه

بنات شنو الفرق بين

اللهوم _ والسفوف _ والحسوو ؟؟؟؟؟؟؟

ومتى نستخدم كل واحد فيهم ؟؟

الي الاخت الاوه الله يهون عليج ويكومج بالسلامه…….شوفي دقي علي حرمه اتعرفين شغلها بالادويه مالوت الحريم اهم شئ يكون شغلها نظيف وانت في المستشفي يعني بعد الولاده دقي عليلهاوخليها ترسله للبيت وعاد انت اكلي منه مع الصبح لمدة 10الي20يوم والله يكومج بالسلامه……وانا انشالله ادزلج رقم الحرمه الي تظبط الحسو وشكرا

غيوم طرشيلي رقمها ضروري
ومشكوره على المعلومه

صباح الخير بنات …
انزين ليش ما تشيكون موضوعي الي متبث فوق عن خلطات النفاس …حاطه فيه كل شي عموما ..
و الي عندها اي استفسار حاضرين

ام ناييف سامحيني علشان مارديت عليج علشان كانت عندي اشوية ظروفالمهم هذا الرقم2526374 اسمها ام نادر تراها خوش وحده وفيها دين ونظيفه حيل وعن تجربه…وشكرا

مشكوره ما قصرتي
يجعله الله في ميزان حسناتك